等咗呢個大日子好耐了，今日終於可以正式話俾大家聽我有咗bb啦～～～～為咗公佈喜訊，專登提早一日預備咗圖片cartoon，今日影埋張相就可以post Facebook了﹗

今日正式係12週3日，亦係去醫院做唐氏綜合症screening嘅日子，所以有機會照第二次超聲波﹗8週時照到一團嘢，唯一感受到生命力嘅就係嗰團嘢中間嘅心跳～我同day決定，今日照埋ok就話俾大家聽啦﹗

下晝去到屯門醫院，太太們登記後就入會議室聽一個大約15分鐘嘅講座，之後就輪流去照超聲波照bb頸皮了～我籌號11，都預咗要等一段時間，好在帶咗本小說去睇，day就篤下電話咁～急急地又唔敢去之下，終於叫到我個名了﹗

今次姑娘一放個probe落去就好輕易見到BB呱啦～一個月後果然唔同咗好多﹗之前係一團有心跳嘅光光，而家嘛，即使唔係醫生都馬上可以認得出一個bb了﹗側面見到大大個頭，細細個身，脊椎清晰見到，切面啱的話連手手腳腳連手指都見到呢，佢郁郁下、伸個大懶腰，好可愛啊﹗姑娘話佢有六點幾cm大，比起一個月前嘅1.72cm真係長大咗好多呢～不經不覺之間原來佢吸收咗好多營養，靜靜起革命丫﹗姑娘即使做咗咁多年，依然非常友善親切，用語都叫準爸爸準媽媽們歡喜呢～(頭頂冒出心心～～)

做完超聲波，再去日間中心抽血，檢查就完成了，兩個星期有報告，到時候no news is good news～

之後要做乜？heehee，返屋企公佈好消息囉～我早一日就預備好background，我哋影埋張最update嘅相相+肚裡嘅BB呱，組合好，yeah，post上FB﹗同埋打電話俾長輩們，好讓大家高興下囉～希望一切順利啦﹗:) 🙂

BB呱乖乖，媽咪錫錫～

前往其他懷孕扎記blog

Comments

comments