之前一直以為，要三四個月後至見肚嘛，即是之前一直可以著平時著開嘅衫啦？原來小胖底嘅準媽媽們比較快就會覺得平時啲褲仔緊，勒住個肚，除咗我之外，舊年生咗baby嘅同事YY醫生都係咁講呢～所以繼之前大出血買咗幾個bra之後，冇隔咗幾日我就要買褲子了﹗
上一篇blog講過我係淘寶買咗兩條legging，質素其實唔錯，而且肚子位亦可以容納將來長大嘅BB呱，但質料太厚了，而家九月十月著會太熱啦～我上上星期五emergency要買褲係因為嗰個星期六要去迪士尼，著裙子去迪士尼都唔太方便吧？對於邊度有孕婦衫衫賣，我只知道我上次買bra嘅O1O，同埋之前聽YY講尖沙咀嘅Mothercare，平時都冇乜點留意，係荃灣放工我又懶得去尖沙咀，不如上網睇下就近有咩鋪頭啦？一search之下只有討論區出嚟，哦，愉景新城嘅Bossini有maternity line？confirm一下位置先，咦，愉景新城原來已經冇咗Bossini？﹗最近嘅係⋯荃錦中心﹗過去睇下有冇maternity條line啦，噢，只係細細間嘅普通Bossini⋯愉景新城有荷花親子喎，去到，oops，裝修﹗呢個時候我已經非常沮喪～個商場有好大area賣BB嘢，但竟然少少serve準媽媽嘅鋪頭都冇﹗
結果？都係去咗Mothercare～太好了，馬上買咗合心水嘅褲子，著得好舒服，仲特價添呢～既然揀得啱，就買一黑一藍兩條啦﹗不過嘛，雖然鋪頭叫Mothercare，但我覺得似乎係「Mothers care」instead of「caring the mothers」囉，因為孕婦裝or孕婦用品只佔鋪面嘅10%，其他全部都賣BB嘢﹗﹗
其實比較多太太們係網上講佢哋會去H&M買囉，但只限中環一間分店有孕婦裝～我發覺需要一個directory囉，唔留意真係唔知邊度有呢啲鋪頭，點解大家咁鍾意網上購物都真係有原因～
呢兩個星期不停loop嗰兩條褲子+non-孕婦裝嘅鬆身連身裙子，我開始有啲悶了，加上天氣開始轉涼，身痕啦～呵呵～今日上網淘咗一堆返來，希望靚靚又質素好啦～
前往其他懷孕扎記blog
又—城h&m都有maternity line, 我買過legging 同jeans, 不過覺得唔係太舒服.
後來我又去了jusco bb部買legging, 我覺得幾舒服喎，有厚同薄，都係百幾蚊一條，推介啊～☺
好在搵番你篇reply出來啫﹗原來唔係post唔到～多謝Karen捧我個blog場啊﹗
因為大家嘅資訊，我尋日去開又一城都專登過去H&M睇睇maternity line，褲就冇買了，因為我係淘寶厚薄legging都買咗，又係Mothercare買咗兩條褲子，另外又有個friend俾咗條牛仔褲我，都好夠著，衫就買咗幾件，試下睇下好唔好睇先～