20-9-2014:懷孕扎記9w0d.大出血之「wonder」bra

有咗baby以來第一次大出血原來首先係為自己添裝﹗﹗其實未驗孕已經感覺胸比平時特別谷,而且原來時間過去,都未見肚,胸就先升cup﹗一早已經停用有鋼絲胸圍,但平時感覺超舒適嘅Uniqlo柔軟bra最近都越來越緊,尤其有悶悶感覺時更辛苦,所以發現都係要買bra bra啦~本來想等到12週,樣樣settle down先花錢,但似乎個胸s等唔切了⋯:p

睇啲懷孕資訊知道,其實升cup會繼續進行直至生產,所以唔係按照呢一刻嘅size去買就ok,結論都係去孕婦店買可以用到成個懷孕加生產後過程嘅bra,附近邊度有?我只諗起玩具反斗城入面有個section係賣孕婦用品叫「010」,希望唔好撞到熟人啦,話晒呢一刻嚟講都仲係未公開嘅秘密~

個sales實在太識做生意了,係一個笑咪咪嘅微胖中年女人,彷彿你有咗baby就係佢嘅幸福一般~:”)原來呢啲專門店都幾貴,但bra bra又真係專為孕婦貼身設計呢,sales姐姐揀咗兩款俾我入去試~哇,即使有wire都超舒服﹗﹗佢嘅underwire同平時唔同,平時係硬硬嘅鋼絲,但呢個係有柔韌性嘅、魚絲似嘅物料,有support得嚟又唔會好硬頂住~IMG_4987

帶子比較寛,承托力較好,有三層扣子調較鬆緊,俾你長肉之後都戴得舒適~bra

調較帶子長度嘅扣係前面,方便戴好bra之後先adjust,另外最令我amazed嘅係可以輕易拆開嘅cup,呢個係for餵奶功能㗎,媽咪話30年前佢餵奶嘅bra bra只係扣子係前面,要餵奶要成個bra打開,但而家可以淨係打開個cup,餵完一邊到另一邊,更方便呢~

於是我就揀咗呢款了﹗

sales姐姐仲介紹其他product俾我,我中伏了﹗:p買咗孕婦底底,遲啲可以support成個大肚的,仲有瞓覺用嘅bra喎,避免啲肉周圍生⋯唔知有冇用?﹗算啦,$$就花咗,好好用啲東東就值回票價啦~IMG_4990

返到屋企比一比平時嘅bra,原來真係大咗好多﹗﹗個標簽上面寫住size係80E,我本來都唔係好信,而家對比之下就信了~

010孕婦裝嘅網址:

http://010maternity.com/hk/

之後幾日戴咗好fit嘅新bra,日子都過得舒服啲丫~:D

另外呢段時間為咗容納日漸膨脹又未見肚嘅身型,買咗幾條鬆身連身裙,甚好甚好~去淘寶淘咗兩條孕婦leggings,話係韓國代購喎,雖然包裝袋係韓文,代購呢件事真定假就冇人知啦,但品質的確唔錯﹗但買咗嘅係冬季款(我大部份嘅孕期都係冬天嘛),而家太厚添,要遲啲天氣凍啲先著到,而家都係著住連身裙先啦~

by the way,點解blog title叫「wonder」bra?其實係同老公講笑時講起的term,真正嘅wonderbra唔係撐到個胸好大嘅bra,而係著咗令人感覺wonderful嘅bra,今次呢個仲唔係wonderbra?

前往其他懷孕扎記blog

Comments

comments

4 關於 “20-9-2014:懷孕扎記9w0d.大出血之「wonder」bra” 的評論

    • 「ng dai bra」肯定贏㗎喎~哈哈~
      不過如果衷心相信ng dai bra會令胸胸下垂的話,wonder bra都係會贏﹗

  1. 新產品,好產品,供特別需要人士用的產品,總有市場,且賣得好價錢。精益求精道理在於此。因此現代人說,沒有最好,只有更好。

發表迴響

你的電子郵件位址並不會被公開。 必要欄位標記為 *