差唔多嚟到旅程嘅尾聲咯,我哋今日主要嘅節目係去Wet n Wild水上樂園,既然係主日,又一早調查好附近有間聖堂,我哋當然乖乖去望主日彌撒啦~ 早一晚係日本商場買咗麵包,我哋係酒店快快脆脆解決咗早餐,就徒步過去聖堂了﹗
St. Augustine Church係天主教堂,就正正位於威基基嘅黃金地段,由我哋住嘅Park Shore Waikiki行過去都只係5分鐘左右﹗ St. Augustine Catholic Church嘅外型﹗聽堂區報告講到堂慶聚餐至知道呢個堂區已經有160歷史,難怪可以迄立係威基基黃金地段啦,可能當年啲酒店都未發展到呢一邊~ 為咗早啲去水上樂園,我哋選擇望八點彌撒~先前一早就上網了解咗呢啲資訊啦﹗ 近觀--雖然有百幾年歷史,但感覺都好新淨,設計都好新穎丫﹗覺得唔對路,睇一睇網頁先,明白﹗雖然堂區有160年歷史,但現在嘅建築物係1962年至起㗎,難怪咁光鮮啦~ 新穎之中都有傳統,聖堂裡面嘅大彩色玻璃都好靚呢~
我哋揀好位置坐,準備開始彌撒﹗話說唔知道各處鄉村各處例,日日係夏威夷都T恤短褲拖鞋嘅我哋,唔知呢度聖堂嘅尺度如何,所以day就著番條長褲,我就專登著番對波鞋出嚟,怕入唔到聖殿⋯嚟到先發覺即使係祭台上服務嘅領經員都係著拖鞋﹗哈,咁都啱嘅,本來拖鞋就係夏威夷嘅正堂裝束﹗
今次彌撒當然以英文進行啦,記憶上都冇乜幾多次望過英文彌撒喎,瑞士去過德文彌撒,韓國去過韓文彌撒,澳門去過葡文彌撒⋯去英國時好似去過一次聖公會嘅崇拜~又係外語,但全部都聽得明,但英文經文又唔識唸,感覺得幾得意~
成個彌撒最impressive係唱聖詠﹗﹗啲歌曲又確實唔係傳統又公整嗰啲十七十八世紀歌,但旋律上都係好樸素的,但點解咁好聽?﹗聽到有鋼琴聲,day話佢哋有三支結他,仲有少少輕巧嘅敲擊樂,我諗好聽嘅最主要原因係佢哋夾得好和諧,我哋都要好好學習呢~歌曲都好易上口,我哋第一次唱都輕鬆跟得上~
領聖體呢度係領完聖體之後輪流跟隊舉同一隻杯飲聖血呢,送聖體員就抹抹杯邊,我開頭感覺唔係好習慣,有諗過淨係領聖體就算,但排到隊埋去動作又好自然的領埋聖血呢~感謝主~
堂區報告講到嚟緊堂慶160年聚餐係Royal Hawaiian Hotel,哇,勁嘢喎,咁餐券會唔會好貴呢?大家真富裕呢,又好高興呢~我諗呢間威基基嘅聖堂好多時都有好多遊客嚟望彌撒,所以神父都特別照顧遊客們,無論係歡迎定係幾時都提到遊客們,幾好丫,順便福傳下~
彌撒完咗有茶點呢,我哋食得飽飽至過嚟,所以冇試下教友們嘅手勢啦~
好啦,我哋出發去水上樂園了﹗ St. Augustine Catholic Church嘅網頁:
http://www.staugustinebythesea.com/
待續
前往其他美國旅遊blog
以香港黎講,1962年都已經是很舊的建築了,但設計很MODERN,一點也看不出已經有點歷史呢~
係呀,設計又modern,又新淨舒服~