1-7-2014:來玩棒球吧@PLAY

啱啱嗰個星期六見我同day一齊放假,我哋呢排又積極運動,所以安排咗去西貢行山(blog blog後補丫)~風景好靚,運動量好大,呢啲好處以外嘅,就係嗰日非常非常非常非常非常非常非常非常非常非常非常之----熱﹗﹗我哋兩個都曬燶咗,而且當時好怕會帶唔夠水飲~行完山兩對腿酸痛咗第三日,又正值公眾假期,我哋決定要再出動了﹗因為怕又好曬又好熱,所以今次活動主力搵搵室內又可以郁動嘅地方﹗我本身好想去攀石,因為時間問題,而家預約好今個星期日去,結果今日嘅活動選擇咗去可以walk in嘅棒球擊球練習場﹗﹗IMG_4454

本來day去呢個練習場都有少少保留,因為冇理由連放假都去觀塘嘛,咁係觀塘有得玩嘛,好在佢都樂於一齊去~位於工廠大廈嘅練習場有三條lane,有棒球有壘球,我哋三條link都試咗~一局14 or 18個球,有得揀球速or random,已經包咗頭盔同埋有得揀唔同嘅球棒~IMG_4458

有姿勢得嚟有冇實際呢?IMG_4459

三條lane之中只有其中一條有個虛擬人同你打波,畫面上有個投手,佢投球時旁邊個機器就會彈一個球出來了,好似真實感大啲啲~至於另外兩條lane你就只會見到個波波係機器度慢慢bit出嚟,你就要預備擊球啦~IMG_4463輪到我上陣了﹗

初初見個球高速飛過來時都驚驚地,踏上個台度時就有啲心跳加速了,但鼓起勇氣揮下棒都間中打得中個波邊嘅,非常非常的偶爾有擊中得多少少,玩多幾次啦,應該會好啲~其實真係好需要下盤穩同埋夠臂力,如果唔係俾個波震一震對手都會有啲痛﹗

其實呢啲棒球嘅擊球練習場都唔陌生,去日本、韓國旅行時都有見過,係韓劇入面更常出現嘅場景,之前見到時都好想試下,估唔到而家香港都有得玩了~$30一局,$100有五局都算幾抵玩啦,自己又玩下又睇下其他人玩都幾有趣~

我哋去嘅PLAY係呢一間:

http://www.321play.com.hk/bs/

同一間公司係另一層仲有滑雪教室呢,我哋參觀咗一下咋,收費貴好多,又一定要有教練至玩到,唔啱我哋了~

Comments

comments

在《1-7-2014:來玩棒球吧@PLAY》中有 2 則留言

    • 都真係幾好玩﹗練習場都咁刺激,真嘅棒球比賽真係不敢想像~
      估唔到揮咗嗰三十幾下球棒兩條手臂仲酸痛到而家呢~

發表迴響

你的電子郵件位址並不會被公開。 必要欄位標記為 *