25-5-2014:古晉學習行day 6.local早餐.再見古晉

最後一日咯,要同古晉say goodbye,一個人嘅旅程去到第六日都好掛住屋企掛住老公lu~十二點幾嘅飛機,機場離酒店又唔係好遠,可以好好歎個早餐先~

雖然今次住嘅Citadines Uplands Kuching Aparthotel有包自助早餐,結果我都淨係食咗一次,因為質素真係麻麻地,後尾conference嗰幾日都係主打tea break嘅美食就早餐﹗今日?IMG_4185 早幾日咪食過酒店旁邊小餐館嘅雞飯嘅~我有留意佢掛起咗早餐餐牌﹗斷估應該早開過The Spring嘅餐廳吧?The Spring商場十點正開門,餐廳同美食廣場都冇例外~如果十點至食再返去執嘢好似時間趕少少~就食小餐館啦﹗大家抬頭望嘅就係餐牌了~只有A餐同B餐,雖然粒粒字母都識,但佢係馬拉文嚟的﹗有一個係xx cheese,另一個係xx yy,咁呀,揀樣知道少少嘅嘢啦~我要xx cheese嗰款啦~IMG_4186

小餐館半露天開放式,景觀都幾開揚,係熱少少~係呢個角度個頭再擰左少少係酒店,酒店地下有間酒吧叫做The Library,裝修得幾stylish,又有得坐室外,當然我自己一個人唔會去酒吧啦,有人陪就唔同~IMG_4189

我揀咗嘅xx cheese餐原來個cheese係多士﹗令外有兩個半熟水煮蛋,咖啡或茶任君選擇﹗咦,個蛋點食嘅呢?waitress同時放低咗豉油同埋胡椒粉,估計係同個蛋一齊食吧?我就樣樣放少少啦~後來有個馬來西亞華僑同學仔同我講,係要加豉油拌勻嚟食嘅~我都啱啱地啦~不過佢生生地我都係有啲驚,唔敢食太多⋯奶茶已經加好糖俾你,哇,超甜奶茶﹗﹗令人回味印度嘅chai呢~所以當年係印度叫chai有得叫半杯都幾好(請參閱:20-4-2008:小休息的星期天),淺嚐一下過下癮又唔怕食得甜太多~(其實已經好多⋯>.<“)

食飽飽就預備出發去機場咯~IMG_4192

呢間就係我連續住咗五晚嘅608號房喇﹗IMG_4194

搵咗酒店接我去機場,因為收費按人頭計,一個人的話就會比搭的士化算~途經day 2去過的City One Mall,嗰日都冇影到佢外型添~佢個外觀有少少似鳥巢~SONY DSC

今次先真真正正睇清楚個機場,嚟嘅時候心急急咁要搵酒店pick up,又為冇得唱錢而苦惱,原來個機場都maintain得唔錯嘅~check in都幾efficient﹗最糟糕都係找換店太早關門啫⋯SONY DSC

前面個「玻璃箱」係check in counter,check in完可以出番嚟shopping一下﹗係呢度碰到我同事呢~之前咪發現佢張poster嘅,果然有嚟到參加conference~SONY DSC

我呀?目的主要想用埋剩低少少嘅馬幣,唔好再唱嚟唱去lu~係衣服、裝飾、有用嘅冇用嘅嘢之間,我係呢間鋪頭揀咗個好別緻嘅青蛙罷飾,好鍾意丫﹗店員見我愛不釋手,我同佢講現金差少少至夠,佢都俾我用晒啲cash再用credit card俾埋剩番嗰少少,都好好丫~SONY DSC毫子就放埋係呢度,我身無分文咁返香港咯~

時間比較早,我仲係候機室打多篇blog至上機呢~上機前發現原來之前參加workshop嘅一個女醫生都搭同一班飛機,當時學術交流嘛,所以馬來西亞人嘅佢同香港人嘅我都講英文,佢今次同我講普通話,佢唔知原來香港人更常用廣東話,佢都識講廣東話呀,原來係係吉隆坡工作多廣東話嘅病人所以至學嘅,講得好好丫﹗排隊上飛機呢段時間我哋吱喳咗一陣呢~

機程都好順利,我呢程飛機開始咗睇家姐借俾我嘅「羊毛記」小說,真係欲罷不能,拎上手就放唔得低了,非常緊湊,而且寫得好形象化呢,係腦海已經可以拍成電影了,所以呢程兩個鐘+下一程接近四個鐘,我都係埋頭苦讀睇睇睇睇睇了~

香港機場有爹媽同老公來接我,非常開心呢,擁抱一下先~:)

古晉學習行完滿結束

待續

前往其他馬來西亞旅遊blog

Comments

comments

在《25-5-2014:古晉學習行day 6.local早餐.再見古晉》中有 6 則留言

    • 上次去Fiji都買咗粗糙青蛙﹗逐漸更加我哋嘅青蛙collection啦~
      要買間屋⋯跟住整個玻璃飾櫃⋯:p

  1. 機場店鋪的售貨員好NICE喎!能靈活處理顧客的需要,很多從業人員都做不到或者不肯做,怕麻煩。

    • 係呀,好好﹗我又買到心頭好,佢又做多一單生意,一家便宜兩家著﹗

發表迴響

你的電子郵件位址並不會被公開。 必要欄位標記為 *