第二日嘅WONCA比起第一日更長呢，programme由八點三一直至五點三﹗之後仲有conference dinner添，不過我又唔識人，所以冇報名參加呀～經過尋日截的士嘅氣憤經歷之後，我今日唔會犯相同嘅錯了﹗尋晚call咗T&T的士call台嘅車嘛，我叫個司機早上嚟接我，哈，點知我自己個鬧鐘都未響時電話竟然響咗喎，有人問我七點半係咪要的士﹗﹗原來尋日個司機唔得閒，佢搵咗佢嘅同事嚟接我，咁三唔識七梗係confirm下先駛駕車嚟啦～okok，唔該晒，陣間見～ 好早去到會場，正好食咗我私伙小早餐先，因為tea break要十點半，唔食少少嘢先就超餓了，我早一晚係The Spring買定個pretzel嚟食，sour cream味又幾特別喎，正﹗ 先係plenary session，呢堂講得都好好呀，講Men’s Health，好多人relate Men’s health = urology，其實男人同女人嘅分別除咗生殖器官之外，有好多男女都有嘅疾病呢，男人患病率都高好多，好似心血管疾病啦、某啲癌症啦，當然同男人嘅生活習慣有關啦，例如男人吸煙比例高好多，而且男人亦傾向唔向醫生求助，更加少會去搵個醫生只做身體檢查，所以作為家庭醫生嘅我哋，更加要特別關心男人們﹗一有機會時就要諗辦法幫佢哋減低風險了﹗﹗ 跟住就到parallel session了﹗同一時間有八個選擇﹗﹗ 上晝第一堂我揀咗Women’s Family Physicians，呢堂嘅講者係幾位劫後餘生嘅女家庭醫生，係天然災害、人為災害之中點樣作為女性、作為媽媽、作為一個醫生去support佢嘅community﹗

之後我要揀就有少少難啦，又想去聽下催眠，又想去聽下麥加朝聖嘅travel medicine，因為兩樣都好新奇呢～結果決定咗後者﹗因為催眠嘛，第時都仲有機會，麥加朝聖嘅travel medicine一定會係呢啲回教國家舉辦嘅conference先有機會聽得到，即使對我嚟講冇practical use，就當係開開眼界吧～大家知道嘅係，回教徒一生人要去一次麥加朝聖，我哋唔認識嘅又唔會諗到原來朝聖呢件事都會增加咗好多health risk，因為朝聖者大多係老人家(因為可能花費一生嘅時間先籌到旅費)，所以本身慢性疾病就比較多，而且麥加朝聖係超級超級超級多人嘅活動，人嘅密度好高，傳染病嘅危機亦大好多，以馬來西亞嚟講，出發前嘅meningococcal vaccine(腦膜炎雙球菌疫苗)亦係compulsory，流感疫苗同肺炎鏈球菌疫苗當然亦advisable啦～而且去到朝聖要行好多路，又跪又拜，對於老人家嚟講體力負擔亦好重，會多好多緊急病症﹗所以佢哋有隨行嘅醫療團隊，亦會係麥加設立醫院診所，對國民嘅support好好呢～所有打算出發朝聖嘅教徒一定要經過身體檢查，係身體上、心理上都要係fit嘅狀態先可以去，如果差啲啲嘅就要有健康嘅同性親友同行至准去，如果太太太差的話就唔准去朝聖了，要調理好至可以再attempt身體檢查咯～

lunch都係精美飯盒，今次終於唔係雞了﹗:p lunch symposium講生蛇，雖然係熟悉嘅topic，講者就經驗上提醒咗我哋日常practise嘅注意事項，當係溫咗一堂書啦﹗

下晝第一堂parallel session我揀咗聽sexual health，原來入面四節都係講urology相關嘅東東，頭兩堂我有少少飯氣攻心，而且講嘅係平時比較熟悉嘅LUTS嗰啲～第三節我就好有興趣了，因為講testosterone deficiency，我早前有個patient就發現呢個情形，我正好唔太熟悉，而家知多好多了，甚好甚好～ 第四堂係新奇事物同埋關乎我設身需要之間我揀咗後者，老生常談嘅做運動？﹗講者強調我哋唔可以就咁好general咁叫patient做「多啲運動」，或者「每日行10000步啦」，咁樣好容易會變耳邊風，運動好多component，帶氧運動、柔韌性、肌肉加量、耐力等等，如果樣樣都有，對病人嘅好處就更多啦～要識得教病人做運動，做醫生自己首先要熟悉，好在呢方面我都有啲興趣～佢亦好強調要做到exercise prescription，更佳嘅係就係有fitness instructor切切實實教病人點樣做法﹗我哋就冇呢啲資源了～佢仲搵咗個fitness instructor(勁大隻，體型完美嘅美男子)嚟講其中一部份，佢話，我哋以往都係著重令健康嘅人更健康(即幫啲人練大隻、練肌肉)，但join咗exercise prescription嘅教學部份之後，佢發現做fitness instructor嘅另一啲意義，幫啲唔運動嘅人開始運動啦，同埋幫有慢性疾病嘅病人改善佢哋病情嘅控制﹗如果香港啲gym嘅fitness instructor都有同我哋有合作關係就好lu～ 滿足嘅一日呢﹗ 我唔係完做運動嘅堂先決定去運動㗎，本來就plan咗啦，所以先專登帶咗波鞋同運動衫去之嘛～當然聽完嗰堂書都有啲激勵性啦，呵呵～哇，同係Life Fitness嘅跑步機，呢度呢款型號有埋ipod dock同埋電視機呢～不過我都只係聽住五月天嚟跑，因為要預習丫﹗過兩日返到去聽演唱會﹗yeah～

好鍾意酒店呢個gym，因為有好大自由空間，亦有瑜珈蓆同埋fitball，我自己買咗個fitball係屋企，亦因為冇空間而擱置係度，係呢度可以用下fitball嚟鍛練啦～ 晚餐係酒店旁邊嘅小店食～ 呢度啲飲品基本上唔特別註明，都係等於凍飲，因為天氣太熱了～ 我叫咗個炒麵，味道當然啱口味啦，只係油咗少少，有啲覺得浪費咗之前跑步burn嘅calories⋯哇，落大雨呀，個天咁光？因為啱啱閃緊電﹗本來想學人哋「部」住係個窗口旁，睇下可唔可以影到嗰條閃電，原來唔係咁容易的⋯:p

待續

前往其他馬來西亞旅遊blog

Comments

comments