22-5-2014:古晉學習行day 3.活潑氣氛的WONCA

終於進入今個旅程嘅主角啦﹗之前有講過,今次其實唔係嚟旅遊嘅,大家睇個標題都知道了,只不過⋯之前六篇blog好似淨係講玩~其實今次我係嚟參加WONCA亞太區會議,WONCA係全世界嘅家庭醫生組織,唔同區都會定時舉辦研討會議,講下啲update嘅topic,由clinical嘅知識,到management、public health、heath financing、點樣考post-grad醫生、allied health係primary care做緊乜,題目包羅萬有﹗我諗呢個就係family medicine嘅conference同其他specialty最大嘅分別吧?大家可以去睇下WONCA同埋WONCA Kuching 2014嘅網頁度睇下~

http://www.globalfamilydoctor.com/

http://www.wonca2014kuching.com.my/

今日第一堂書八點三就開始了,因為唔知車程如何,所以早啲出發,有見day 2酒店早餐認真麻麻地,所以我決定去到conference先食tea break啲美食,七點半出發吧,叫酒店幫我call的士,我將香港嘅狀況放係度真係完全唔ok囉,以為5-10分鐘會有車到⋯好快front desk小伙子話車嚟緊,叫我出去門口等,點知,影都未有﹗睇落仲有其他住客係度等緊的士,但職員既冇問過我房number,亦冇同我講我架的士車牌幾多號,乜知道邊個人搭邊架㗎嗱?結果一、二、三、四,好似係第四架先到我~上到車都唔ok,個的士司機冇75都應該有70歲,係個華人,而且好似有啲撞聾,我話去Borneo Convention Centre,佢唔知我講乜,直情有理冇理同我講中文,中文冇問題,我show google map俾佢睇,好似唔曉英文or relate唔到地圖上嘅位置同現實嘅情形,我又唔知呢個地方中文名叫咩,我話係開會、開會嘅地方丫,佢話好多地方開會,打開車窗佢問問另外嘅的士司機,應該係人哋俾啲hint佢吧,終於明白了,我真係要噴火呀~~~~雖然成八點先開車,結果都係遲咗少少啫~好在~

到registration counter都仲有好多人排緊隊,唔係得我一個人遲~領取咗名牌、lunch coupon、conference bag就可以上一樓嘅會場喇﹗噢,conference bag竟然係背囊﹗我已經揹緊一個背囊lu bor,少少狼狽添~上到去至算啦~

第一堂係plenary session,即是全體聚首一堂係最大嘅hall A聽書,講嘅係比較general嘅題目,講培育未來嘅家庭醫生領袖~其實心急急咁坐低,我都未係好focus到,又想睇下本場刊,了解下呢幾日嘅狀況同流程,又要將個conference bag背囊塞入我自己個背囊到,唔好意思了,我到後半先專心到~SONY DSC

到完咗第一個session先可以周圍行下了解下﹗foyer有好多booth,除咗WONCA自己嘅booth、WONCA Asia Pacific Conference 2015嘅booth、馬來西亞家庭醫學會嘅booth之外,呀,仲有賣紀念品的,同埋報名參加rural practice visit同埋sight seeing tour,其餘都係商廠booth了﹗我覺得呢度啲藥廠sales冇香港嗰啲咁進取喎,冇話係咁塞嘢俾你,我係度行嚟行去幾次都只係拎咗一袋啫~如果係香港嘅conference你係度慢慢行的話,應該間間都塞咗嘢俾你了~都好嘅,唔好拎咁多嘢,要揹成日丫﹗SONY DSC

影下個大招牌先﹗

之後係parallel session了,意思即是同一時間有好多間hall or meeting room進行唔同題目嘅課堂,我揀咗新加坡人講嘅「Developing family medicine multidisciplinary home care team」,因為香港嘅home care其實真係好少,我哋公立主要就係CNS(community nursing service),即是護士上門幫病人做啲nursing procedure,好似洗傷口呀、換尿喉呀之類,另外職業治療師都會做啲home modification,醫生上門就係少之又少~所以,新加坡都係大城市、人口稠密,狀況應該同香港比較接近,佢哋又係點work嘅呢?有興趣知道﹗開始了,主講的醫生做少少introduction之後,原來人哋嘅workshop係真嘅workshop,俾我哋分組discuss,分咗三組,每組十幾人~我哋嗰組有個leader function嘅女醫生,嚟自馬來西亞,之前佢有介紹過自己,係大學醫院做,會做啲教學工作,所以如果以香港嚟比的話,佢應該係HKU or CUHK嘅教授之類了,所以佢lead大家discuss都好有條理,又summarize得好好﹗我哋嗰組都好積極討論bor,當然大多數係馬來西亞人呀,另外都有泰國人、日本人、英國人、有我係香港人,都幾好~原來佢哋比較多做home care都係出院病人,同埋佢哋啲病人如果行動好唔方面就難啲返去診所,可能冇NEATS(非緊急救護車)之類嘅服務吧?discussion好fruitful,有興趣知多啲可以再私下搵我,講得太多悶死唔係做醫生嘅讀者了~

tea break當然要好好享用啦,我都冇乜點食早餐,有包點同埋炒河粉,自助形式,仲有咖啡茶,好嘢,有啲熱嘢食下~

上午第二堂我揀咗「Diet and lifestyle management of obese type 2 diabetes with hypertension and dyslipidaemia」,吓,做乜揀個咁陳腔濫調嘅topic嚟聽呀?因為平時睇症遇到啲問題,就係唔識advise non廣東人嘅patient嘅糖尿飲食,都唔知佢哋食啲咩點樣煮,點俾意見呢?所以聽下馬來人講,從中學下唔係廣東菜時點樣諗法~結果呢一堂出乎意料之外嘅好呢,原來講者係營養師,佢個case好活潑咁demonstrate出嚟,有啲flash公仔,你click入去就問下patient history,又問下醫生、護士、營養師嘅clinical findings之類,之後有好多個問題大家一齊discuss,佢又加入番啲evidence based嘅資訊去幫助解答﹗而家好似唔理patient文化背景,飲食食啲咩都知道點教了~IMG_4141

之後就到lunch symposium了,一人redeem一個午餐盒,冇得揀食乜~我就非常滿意喇,一格格好多款食物,好似飛機餐咁,但樣樣都更精緻﹗如果媽咪嚟到就弊了,因為沙律係雞,入面個飯都係雞⋯第一日嘅lunch symposium有得三揀一,我揀咗鼻敏感+medical legal(係分開兩個lecture來的,唔係鼻敏感的medical legal case⋯:p)嗰個嚟聽,都幾好,不過冇話學得特別多新嘅嘢,大多數都係本來就識的~

下晝再有plenary session,但唔係講得太吸引,為免虛度光陰,我出去睇下其他嘢啦~SONY DSC

其中可以去睇下poster啦~上次HA Convention我自己都有poster入咗圍,睇下人哋國際性嘅conference有啲咩東東,原來variety真係好大﹗咩內容都有,大家努力下自己啲project都試下submit啦,WONCA Asia Pacific Conference 2015會係台北舉行呢~歐洲conference就係土耳其﹗SONY DSC

咦,原來有同事submit咗bor~我都唔知添~

之後我決定早啲走了,都係唔留低參加之後嘅opening ceremony啦~SONY DSC

呢個就係我哋tea break嘅地方,廚師們好似預備緊之後Opening Ceremony嘅reception呢~SONY DSC

欣賞一下美侖美奐嘅水果拼盤﹗不過我冇份食了~SONY DSC

仲有傳統馬來糕點﹗SONY DSC

Borneo Convention Centre嘅外觀﹗SONY DSC

大家睇附近幾荒蕪?﹗係冇可能伸一伸手就有的士的﹗所以我鼓起勇氣自己call的士~上網搵到一個call台,ok,識講英文的~如果大家要去古晉旅遊,抄低呢個號碼了:

T&T Radio Call Taxi Service (T&T德士傳呼服務) +082343343

唔知係時間問題定點呢,我自己call仲快過早上酒店幫我call,我決定如果個司機好,就叫佢之後嗰幾日載埋我了~

時間尚早,我去咗酒店對面嘅The Spring逛逛街~買到手信俾家人了,真好~

IMG_4142

哇,呢度有個好高興嘅兒童遊樂場丫,肥彤嚟到一定會好開心了~SONY DSC

我間酒店嘅夜晚外型~樓下係一個叫ST3嘅商場,不過暫時九成都係空置的~係咪因為太新?SONY DSC

之前行街時已經spot到呢間餐廳,因為可愛嘅青蛙招牌,我決定去試試~SONY DSC

好似板長壽司呀、峰壽司呀咁,Sakae Sushi都係用tablet嚟點菜,我唔鍾意佢呢,你3秒唔郁佢就會彈咗去廣告,駛唔駛咁心急呀?SONY DSC

乾乾淨淨、光光猛猛﹗我一個人都可以坐四人卡位呢~(如果係香港,呢個應該係六人卡位嘅size添﹗)SONY DSC

我叫咗壽司烏冬套餐,樣樣食物都有水準~SONY DSC

古晉都幾多日本食店呢~呢餐以香港嚟比就唔算貴,但呢度食就算好貴下lu,之前一餐都係RM10以內,呢餐食咗RM37呢~SONY DSC

好cute的嘜頭﹗SONY DSC呢啲夾公仔機係ST3商場最熱鬧嘅一個部份,我完全唔明無論任何時間經過,都有人夾緊公仔,而且唔係小情侶,而係佬﹗﹗古怪古怪~

待續

前往其他馬來西亞旅遊blog

Comments

comments

在《22-5-2014:古晉學習行day 3.活潑氣氛的WONCA》中有 4 則留言

  1. 有背囊應拿多D 野回來麻~ 定都是沒特別用的野?筆,MEMO?
    上堂開心學到野便好~ 如不是便浪費曬$+時間~

    • 個背囊已經裝多咗一個背囊,佔咗好多位﹗仲有場刊呀甚麼的~事實上係冇乜嘢派~
      係呀﹗day 1同day 3啲堂都幾好,中間嗰日就差啲啲啦~

    • 通常一肚氣嘅事情到好多年後都會歷歷在目﹗成為回憶嘅一部份~哈~

發表迴響

你的電子郵件位址並不會被公開。 必要欄位標記為 *