食飽飽就出番去waterfront附近嘅taxi stand度搵的士，應該係冇巴士過去cat museum的，而且即使有都要等＋搭好耐，而cat museum係個小山丘上面，所以我都冇考慮搭公共交通公具了～有的士了﹗之前第三個貴人同我預告過去cat museum搭的士大概RM25，我就好放心唔駛講價了﹗古晉嘅的士大多冇用咪錶，價錢大概同距離掛勾，有啲網頁仲可以幫你estimate個trip要幾錢，但我哋旅客嘛，可能好容易變水魚⋯今次仲要自己一個人，又唔太敢抵抗壓榨⋯

好喇，順利用RM25去到cat museum，個的士司機offer係外面等埋我喎，我開頭拒絕佢㗎，因為怕時間限死晒，想慢慢行嘛，唔知係佢覺得定係事實，佢話入面都冇乜嘢睇啫，好快行晒，等埋你啦，你好難截的士，我都覺得後者係事實，所以就答應佢囉～好在咋，出來時落超大雨﹗﹗

cat museum位於古晉北大會堂入面，門口係隻可愛嘅貓貓～人就免費入場，相機就要買票，呢個practice都唔陌生了，人生第一次接觸有咁嘅事係印度，後來係斯里蘭卡再見就見慣不怪啦～不過都有限啫，RM4一部相機，電話相機就RM3～大家可以去去cat museum嘅官方網頁度睇下：

http://www.dbku.sarawak.gov.my/modules/web/page.php?id=97&menu_id=0&sub_id=118

可惜家姐唔係度啦，佢最樂意同我一齊影呢啲相扮鬼扮馬，只好影個吉嘅啦～

cat museum展出咗幾千件貓有關嘅展品，雕塑啦、美術啦、攝影啦，有各種媒介，驟眼睇好似係貓痴貓奴嘅瘋狂collection，我嘛，既唔係藝術家，又唔算特別愛貓之人，仔細睇完個博物館之後，我覺得呢個係sociology、anthropology、art、history嘅博物館﹗﹗講嘅其實係人類嘅歷史文化嚟嘅～

有各式各樣嘅貓美術作品，封箱膠紙貼成的、牛仔布patch work的、立體的、油畫的，各有各嘅美感，各有各嘅神粹～

咦？﹗點解我屋企都有嗰隻碗都可以成為博物館展品？﹗我哋仲有隻粉紅色嘅添呀～

特別highlight嘅係，貓除咗我哋腦海出現嘅真貓、卡通化嘅貓之外，仲有真正卡通嘅主人公，當中表表者當然有hello kitty啦，唔提起都唔會特別諗起，叮噹doraemon都係貓型機械人嚟㗎﹗博物館主人果然好熟悉個topic呀下～

漫畫裡的貓～

電影裡的貓～

呢個好impress我呀﹗可能因為算係哎吔同行吧，呢度講嘅係貓嘅醫療，當中有講貓嘅正常老化啦，有咩慢性or退化疾病啦，點樣為之貓嘅好死啦，貓嘅emergency啦，有事時要點樣assess佢嘅ABC(airway breathing circulation)啦，真係好似人咁講㗎～

用ophthlmoscope去睇人已經難㗎啦，仲要睇貓貓個fundi？佢斷估唔會同你合作望向一點唔郁吧？

呢個我即日已經post咗係facebook同朋友們share了，講貓係唔同溫度嘅動作變化，我consult咗作為thermostat嘅engineer嘅我老公嘅意見，佢嘅reply係：「範圍太細，沒有高溫範圍的表現！起碼去到30度～」哈，又好客觀又認真地分析bor～各位愛貓之人，你哋有冇observe到你自己隻貓係咪咁呢？

係香港，貓係人心目中主要都係寵物、係朋友，當然佢哋過世時都想好好紀念、好好安葬啦，原來對於古埃及嘅人嚟講，貓係好神聖㗎，唔單止有葬禮，仲會整貓嘅木乃伊添﹗

呢幾張畫作都好靚呢～

貓貓郵票﹗我影咗嘅只係展品嘅冰山一角咋～

東方藝術之中，貓都係常出現嘅主題呢～

呢個真係犀利咯，有個日本攝影師叫做Satoru Tsuda，佢訓練咗啲貓貓兩隻腳企同埋擺post，連貓都有cosplay，日本仔真係乜都有～呢個人哋嘅blog借我轉載一下，有更多Satoru Tsuda嘅作品呢：

http://iusedtobescaredofcats.blogspot.com/2013/08/the-world-of-satoru-tsuda.html

cat museum位於嘅Kuching North City Hall外表睇落就似政府機關，睇唔出裡面有咁精彩嘅展出呢，如果講不足嘛，光線差少少，裡面比較暗，同埋門口冇乜介紹museum嘅layout，有咩feature，點樣行好啲之類嘅資料，如果有張小冊子略略收費都ok丫﹗我買咗兩個磁石做紀念品呢～我行行下時其實已經風雲變色，出嚟時更係滂沱大雨，好在有個的士司機係度等我咋～我叫佢載我去City One購物商場，第一日由機場返酒店時經過過，個樣好似幾好行咁呢，請繼續留意下一篇blog～

待續

前往其他馬來西亞旅遊blog

Comments

comments