20-5-2014:古晉學習行day 1(part 2).古晉你好

我超長嘅introduction可以click去上一篇blog,呢度就直接講今日嘅事情啦﹗始終一個人去六日,要同老公好好道別,一齊出街食個大早餐我再返屋企執行李﹗出發當日先執行李,我越來越變成個佬了⋯不過執行李都顯現出我女性嘅一面嘅⋯就係,呢樣又想帶嗰樣又想帶﹗:p好在有大大粉紅喼俾我任塞﹗

下晝兩點九嘅班機,我十一點幾搭E33出發機場了,check in手續非常迅速,我一點左右已經入到禁區~

SONY DSC

諗過都係食麥當奴啦,平時出面啲麥當奴有冇得食雞扒沙律?我估應該好快再食飛機餐,所以食得light啲﹗

SONY DSC

係候機室享用咗我嘅lunch之後就等上機咯﹗

SONY DSC

指定動作﹗

SONY DSC

今次我搭呢架飛機,先去吉隆坡再轉機到古晉,所以第一日都用晒嚟搭飛機lu~

上篇blog有提過啦,馬航嘅空中娛樂真係唔ok,其實電影好多選擇,電視節目仲要有Running Man,而且仲要係cnblue嗰集﹗﹗但個畫面質素實在太差了,會睇壞眼⋯所以我嘅第一篇blog就係呢程機上面誕生啦﹗史官冇同行(史官=我家姐:D),我一見飛機餐就開動了,冇精確紀錄,味道中規中矩啦,款式係飛機餐經典嘅chicken noodles,不過叫我surprise嘅係個甜品,我應該自細唔鍾意食椰絲家嘛,原來大個咗口味真係會改變,而家覺得個椰絲蛋糕好好食喎,椰味好濃郁、質感好實在﹗而家好多細個唔食嘅嘢都食到了:山竹牛肉啦、唐蒿啦、冇調味嘅豆腐啦⋯

接住落嚟嘅時間我醒起我有少少「千尋存貨」係tablet度,睇咗陣K-pop star 3,睇到隆落要熄電子儀器~跟住就睇埋份報紙佢,唔好帶落飛機了﹗抵達吉隆坡機場﹗

SONY DSC

機場好大好新好靚~

原本好大想頭咁想係呢個轉機時間唱錢啦、最好就買埋上網咭啦咁,點知睇一睇登機證,原來唔夠一個鐘頭﹗因為international轉domestic,仲要過埋immigration添,個登機閘口又要係另一個terminal⋯

SONY DSC

好在指示都清晰,好快到去到登機閘口,時間好趕,洗手間都唔敢去丫﹗不過入到去又未有動靜,好,既然個機場免費wifi咁正,就upload咗頭先飛機寫嗰篇blog先啦~好在啱啱搞得切先上機~

第二程飛機我主要睇我自己帶嚟本書啦,之前係誠品買嘅,叫做「去他的飛機」,個名好似好粗俗咁?nonono,其實係講一對情侶唔坐飛機去環遊世界嘅,未出發前睇咗佢哋由華盛頓DC坐貨輪橫過大西洋去到歐洲,我坐呢程飛機時佢哋由東歐坐火車去莫斯科再坐到海參威,橫過個海去到日本,睇埋相樸我就落機了~

到咗古晉真係唔太順利,我上一篇先講到好高興自己揀咗間apartment hotel,去到機場已經後悔了,原來WONCA大會指定嗰幾間酒店有機場接送丫,我都安埋咗Citadines嚟接我,但唔知點樣出咗錯,個職員舉起個牌唔係我個名,佢要打好幾個電話先確認接我+唔駛等名牌上面嗰個人,我心裡面lor lor luen嘅係,我係機場唱唔到馬幣,因為找換店都收鋪了(雖然只係夜晚九點幾﹗﹗),我事先冇登記啲提款咭係海外提款喎,身上啲啲馬幣都冇好不安,點俾airport pick up嘅錢呀~~好在去到酒店話可以計落我張單度~

Citadines都幾好嘅,保安應該唔錯,入電梯要拍咭先去到自己嘅樓層~我間apartment都幾大,一廳一房一廁,仲有個小廚房,雖然叫小廚房,廚具餐具多士爐都有,個雪櫃好大不過入面冇嘢的~但佢真係apartment唔係酒店囉,好多consumables都冇,好在自己帶晒牙膏牙刷嗰啲,但我翻開成間房都唔見拖鞋,可能聽日去買對了⋯有免費wifi,但速度有啲唔習慣⋯upload一張相上個blog度要以分鐘計⋯我之後嘅blog可唔可以跟貼時間推出,個rate limiting factor可能係upload啲相嘅速度﹗由飛機餐嗰度開始係我啱啱打嘅,呢段時間只upload咗四張相咋,真係oh no no~

帶大家參觀下我未來五晚嘅住所啦﹗

SONY DSC

SONY DSC

SONY DSC

SONY DSC

有興趣可以去酒店個website度睇睇:

http://www2.citadines.com/en/malaysia/kuching/uplands.html

我都唔心急早瞓嘅,因為聽日所有項目都要十點鐘後先可以開始,銀行十點至開門,我先有錢使﹗﹗

待續

前往其他馬來西亞旅遊blog

Comments

comments

在《20-5-2014:古晉學習行day 1(part 2).古晉你好》中有 8 則留言

  1. 我們下次去稍為冷門的地方旅遊,真的要考慮落飛機的日期和時間,是否假日,是否下班時間,能否兌換當地貨幣和找到其他必須服務。幸好,你這次的點點阻滯,也沒帶來太大的不便。

    • 我都估唔到會咁﹗上次係斯里蘭卡咁夜都有得換啦,今次真係好在有酒店airport pick up,如果唔係真係唔知點算﹗

  2. 因試過錯失飛機,所以特別緊張!!
    住的地方太大~ 呀!! 可以做番運動!!

    • 是啊﹗今次miss咗仲麻煩,可能又要過夜⋯自己一個就會怕怕lu~
      點解會係「太」呢?大唔好咩?你咁講法又好似應該係自己apartment度跳Jillian Michaels多過落樓下個gym咁bor~

  3. 空中娛樂的質素咁差,其實情願佢無好過~
    如果下次太夜先到機場,還是換定少少外幣會好D~
    除了口味改變之外,另外一個好明顯的變化是你不怕一個人住這麼大的房間~

    • 因為international嗰程咁差,我domestic嗰程連耳筒都冇拎,點知個screen又靚番啲,變番其他航空公司平時咁,好在第二程短啲,我睇書都消磨晒啲時間~
      係呀,估唔到找換店會咁早收工﹗﹗我覺得九點三去到唔算太夜嘛~
      呢個好似更叻﹗﹗

  4. 間房有住家感覺,五天都住這裡,聽完talk就返「屋企」。
    會使用這裡的廚房嗎?

    • 有廳有房,確實比較似個家~
      廚房嘛,淨係用咗個雪櫃咋~費事洗餐懞~雖然有廚具碗碟,但冇調味料,極其量都係煮到公仔麵,與其係咁,周圍食嘢都好平好方便,恐怕唔會煮了~

Rita 發表迴響 取消回覆

你的電子郵件位址並不會被公開。 必要欄位標記為 *