26 & 27-4-2014:美麗寧靜與感恩的避靜@長洲聖公會靜修院

打鐵趁熱﹗﹗﹗雖然未打完番禺清明遊o既blog blog,我都決定先打今日完成o既長洲避靜之旅先~今次join day教會o既小組去避靜(即:退修),好似話佢哋本身都係想搞個camp之類,以退修形式係慢慢至決定的,當時day問我去唔去時,啱啱撞正有個fam med o既兩日course係中大唔知有冇得上,我話睇下department有冇得sponsor我去上course啦,點知同事們超熱烈報名,所以我就去咗避靜喇,後來department sec同我講又有位了,冇lu,決定去避靜啦~感謝天主﹗﹗因為呢兩日一夜真好~IMG_3915

約好大家中午十二點係中環碼頭集合,大家見到我哋o既目的地嘛?冇錯,今次去o既camp係長洲~day本來話諗住book思維靜院,因為以前去過幾次感覺都非常好,但呢兩日已經full booking了,今次去未去過的聖公會靜修院﹗

IMG_3845

因為大家都未去過,要google一下位置同埋路線,哦,由碼頭行過去都要21分鐘bor~而且恐怕未計上落斜吧?我哋有孕婦同行,ok嘛?IMG_3864

路過一間房子,哇,有成排可愛o既青蛙呀~~~~~~~~~~~~~~IMG_3865

day話最鍾意呢隻呱,偷偷地掩住嘴笑,我叫佢扮成佢個動作企係旁邊影,佢唔肯呢~IMG_3920

但返到屋企…heehee,主動同我講願意補影﹗﹗錫晒你~IMG_3863

我哋跟住指示牌前進~

到了﹗﹗入口一個大閘,一排粉紅色o既三層矮房子,好似村屋咁,職員招呼我哋入去餐廳安頓~要「哇~」一聲,因為…IMG_3846

原來呢度係對住180度超無敵大海景o架~~~~~~~太幸福了~

大家想嚟呢度避靜,可以參閱呢個網址:

http://www.hkskh.org/content.aspx?id=48&lang=2IMG_3851

坐係度可以遠眺對面o既海島,包括香港島同埋南丫島~IMG_3850

對住無敵海景平台o既就係位於D座o既餐廳,A至E座五座房子都有宿舍房間,單人房雙人房都有,兩至三個房間共用浴室,E座地下有個小聖堂,我哋晚禱早禱都係度舉行~因為係2012年落成,所以內內外外都好新淨、好舒適,沖涼o既舒適度簡直同屋企冇分別呢~IMG_3848

我住o既D座一樓有三個房間,大家share一個小客廳,小客廳有落地玻璃同埋露台,好舒服丫~天有不測之風雲,我正開晒啲窗要通下風,哇,啲雨殺到嚟啦,又要拿拿聲關番好啲窗~

有兩日一夜時間,老公大致上算係統籌人,佢俾大家自由課題,自己想點樣靈修就自己點樣做,不過如果冇idea就建議讀羅馬書或雅各書,但出發前就俾咗建議我,你帶嗰本書去睇啦~IMG_3849

嗰本書就係呢本書喇,係青年版o既天主教教理,將我o既信仰好好咁由頭到尾講一次我聽,好好呀~成個行程我完成咗一半左右啦~其實裡面講o既嘢小學時o既主日學真係學咗好多好齊,觀念上都好牢固咁植根係我心入面,不過用文字有系統地表達一次都係鞏固我o既信仰o既~

大家可以睇下youcat o既官方網,不過暫時只有英文版呢:

http://www.youcat.org/home/

search o既時候仲發現原來有youcat o既免費app添丫~好good呀~

我哋各自修行到六點就係晚飯時間,晚飯係家庭菜式,但以自助餐咁進行,三餸一湯,白飯任裝,仲有水果無限量供應添~係舒適o既環境,加上輕柔o既音樂用餐,感覺真好~飯後各自洗碗,好有去camp o既感覺丫~

飯後係晚禱時間,day預備咗幾首詩歌,加上大家自發性祈禱,感覺到大家熱切o既信德同望德﹗﹗感謝主,求主繼續帶領呢一班信靠你o既兒女~

基本上晚禱後都沖涼瞓覺了~IMG_3880

呢張相發生時其實冇我o既存在,要鳴謝提供相片o既姊妹…:p~因為佢哋相約大家睇日出﹗但我zzzzzz中…好靚好靚啊~IMG_3917

到早晨,呢個天空嘛,聖經入面講o既「天開了」係咪就係咁?一束束光線係雲彩之間透出,咁大咁廣闊o既天空,咁靚o既色彩,係平日繁忙o既生活又係邊度搵得到呢?IMG_3857

 

早禱因為流鼻水唔聽話,相對地冇咁投入得到,不過day揀咗一首好好o既歌~呢個youtube version好可愛呀~有小朋友rap添:

http://www.youtube.com/watch?v=M8l4brboy_0

天再光啲再走出去,天色又唔同咗了,雖然霧大啲,但藍藍o既天係尋日冇的~

上午再各自靈修,午餐後就退房間了~職員好好咁俾我哋留晏少少,我哋做少少sharing,天主真係係唔同人身上有唔同奇妙o既工作呢﹗﹗IMG_3861

歡歡喜喜的合照~say byebye to靜修院~IMG_3868

搭船返屋企lu~IMG_3867

願大家係避靜時得到o既力量,返到家庭、工作o既崗位之後,繼續推動我哋前進﹗﹗

Comments

comments

在《26 & 27-4-2014:美麗寧靜與感恩的避靜@長洲聖公會靜修院》中有 6 則留言

  1. 剛剛大學畢業的時候,每年都以老鬼的身份參加CU KATSO的避靜,後來因為有一年去唔到,之後就無左個動力,已經好多年無去過避靜了~

    • 我哋今次去到時,我即刻好想搵次同爹媽嚟,雖然冇Katso避靜,都可以搞個家族避靜嘅~

  2. 偶然參加一次避靜,可洗淨身心靈,我們一家其實真的可以試一次。

    • 係呀,我都係咁諗,反正嗰度細細地,一家人去甚好,好想同你哋去下﹗

    • 真係好闊好大嘅海,係香港好少見呢~如果天氣晴朗應該靚得更震撼﹗

Catherine 發表迴響 取消回覆

你的電子郵件位址並不會被公開。 必要欄位標記為 *