5-4-2014:番禺清明遊day 1(part 2).長隆香江野生動物世界

其實去番禺長隆度假區都幾方便,因為廣州地鐵可以直達呀﹗上一次返鄉下番禺時,番禺都仲未納入廣州範圍之中,所以交通出入都係靠大巴、車仔嗰啲,感覺係點對點交通,要自助遊就唔方便,但而家有咗地鐵,出廣州市中心、去其他周邊城鎮都方便咗好多,可能因為咁,番禺發展都好咗好多吧﹗combine subway decoration

去到長隆站,出口已經有好多同度假區相關o既裝飾lu~我哋一人揀一個嚟影張相先~雖然我揀咗熊貓,但結果我哋都冇機會睇到熊貓添~因為時間太少,太多嘢睇丫﹗

其實成個長隆度假區好大,主題樂園都有五部分,分別係我哋今次會去o既長隆香江野生動物世界、長隆國際馬戲大劇院,同埋我哋唔會去o既長隆歡樂世界、長隆水上樂園同埋廣州鱷魚公園,要全部去晒的話,嚟三四日都唔過分~今次媽咪同家姐揀去動物園其實我開頭都有少少擔心o架,因為細個時去大陸o既動物園留低過陰影,記得嗰陣有隻熊俾人同佢影相,但工作人員control隻熊o既方法係同鐵絲圈住佢個鼻,見到都心酸,嗰次之後都唔係好敢再去大陸o既動物園lu,不過佢哋話,隔咗咁耐應該好唔同啦~好啦,即管一試啦﹗

大家可以入佢個官網睇下~

http://gz.chimelong.com/index.shtmlSONY DSC

我哋進入度假區後,其實有shuttle bus可以免費來往幾個景區,我哋見都唔算太遠,就決定步行過去野生動物園,途中就經過歡樂世界喇,吸引我哋目光係因為聽到尖叫聲,哇,呢個過山車嘛,由頂衝落嚟基本上係垂直囉~我其實對於玩機動遊戲都ok的,不過隨住年紀大咗,對於挑戰自我,甚麼極刺激,要贏其他人o既心態已經唔存在,我成日都用「夢幻遊樂園」PC game嚟做比喻,今時今日o既我,要求o既遊戲係歡樂度高、嘔吐度低、反而刺激度唔重要,每次要舉例時就要講之前去大阪Universal Studios時嗰個過山車喇(請參閱:25-11-2009:大阪白浜day 2(part 1).環球影城之日)﹗

好,我哋過到去動物園入口時只係下畫兩點幾,時間充足,因為開到六點半~但係發生咗不愉快事件,哎吔,而家事隔兩個星期,火氣都冇晒lu~話說我哋係香港中旅社買好動物園同大馬戲o既套票,理應去到票務處換番入場券就ok,但出問題﹗佢哋發現中旅社發出o既門券銀碼同佢哋on site賣o既套票價錢唔吻合,咁平咗嗰幾十蚊中旅社認唔認頭呢?所以佢哋急急忙忙要打長途電話搵負責人,我就焦急得不得了,爹媽姐恒係入口處等,我同day去換票,但換極都未換到,只係望住工作人員不停的賣票俾其他遊人,跟進我哋案件o既效率超慢,佢越慢、我哋玩o既時間就越少,我哋有提出,不如我哋俾現金o既差價,但又唔俾喎,係嗰度拖咗我哋有大半個鐘丫﹗媽咪都超憤怒﹗好在最後都入咗場,但第時都係盡量唔幫襯中旅社了,次次都冇好嘢~記得當年(應該有廿年前)我同媽咪係中旅社報名,媽咪放手袋係後面俾人偷咗,職員面對住應該睇到犯人吧,聲都唔聲,嗰次又係一肚氣﹗SONY DSC

平伏我心情o既係呢啲優美o既火焰鳥,見到佢哋之後我o既心平伏了~ 🙂DSC00926

同家姐嚟個合照先~DSC00917

家姐部超級zoom相機真係冇得同佢比囉,咁細咁遠o既紅鶴都可以zoom到咁近~呢張有咩特別?大家記得有一次Running Man o既動物園任務嘛?成員要影到兩隻紅鶴合成o既心心圖形,家姐任務成功了~

盲中中行咗去紅鶴池之後,我哋決定要有少少規劃,我哋之中最有條理o既家姐提議我哋一定要去得成Safari on the Wheels,因為佔咗成個園o既範圍有成三分之一,所以我哋向住嗰個方向行,中途有啱睇o既就停落嚟睇啦~SONY DSC

路過黑猩猩o既屋企,唔…因為佢哋太似人類了,被困係細小o既玻璃房,感覺少少落寞呢~DSC00931

呢個叢林發現值得一看丫﹗入去時都唔知講乜o既~原來係講園入面o既保育工作﹗DSC00933

有個好專注工作o既…蠟像?展示中?乜而家啲蠟像做得咁真o既咩?oops,見到佢郁先知原來係真人…似乎工作人員唔係扮緊嘢,而係真係工作中喎~combine young birds

哇,仲展示咗初生雀鳥baby丫~我就話光禿禿好可愛,day就話好恐怖喎~仲有人工孵化中o既鳥蛋添~

呢個展館仲有啲俾動物用o既醫療器材,好似CT呀、手術室呀咁,有需要o既話唔知係咪真係會係度做手術呢?combine game

展館o既尾段叫我嘩一聲,因為day叫我o既其中一個別名叫「胡連連」,因為有一排我曾經非常迷一個電腦遊戲叫做「寵物連連看」,哈,就同呢個相似喇,呢度仲可以四人對戰添~combine monkeys

繼續睇其他動物﹗可愛活潑o既猴子﹗呢堆相都要鳴謝家姐了,我個相機影唔到咁近,更加捕捉唔到佢o既精靈可愛o既神髓了~SONY DSC

爹爹同day咁專心睇乜?SONY DSC

原來係鵰兄呀﹗係神鵰俠侶入面o既鵰兄大概係咁o既吧?威風凜凜咁o既模樣﹗DSC00961

你睇佢凌厲o既眼神﹗﹗﹗(再次鳴謝家姐^.^”)combine running rhino

係我心目中,犀牛應該唔算可愛o既動物,但呢隻小犀牛第一次叫我對呢種動物改觀﹗﹗因為佢原來好敏捷,跑來跑去跑得好快呢~SONY DSC

就係佢了﹗DSC00971

呢隻蜘蛛猴都叫人印象難忘,因為佢身手非常矯捷,除咗手腳四肢之外,佢有第五肢﹗佢o既尾巴好靈活同埋好好力呢,夠力可以拉起成個猴o既重量呀~究竟佢爬嚟爬去係向遊人炫耀定係真係天生咁佻皮呢?combine feeding

我哋觀察咗好耐o既猴子大族群,因為佢哋最多動靜、最靈巧了~有氣定神閒o既猴子老爺爺啦,有係猴子媽媽旁邊鑽來鑽去、又彼此打架o既小猴子兄弟呢,有為咗爭食跳落水o既為食猴啦,好有趣~

經過好多吸引o既動物,我哋終於到達自Safari on the Wheels~好在一車可以載百幾人,所以一嚟到就有得上車了﹗SONY DSC

我哋四人一排登上小火車~SONY DSC

爹媽就坐係後一排~出發﹗SONY DSC

一車載到好多人,而且一排只係坐四人,左右兩邊都有動物,所以都睇得好清楚丫~SONY DSC

呢個園區特別之處係,除咗我哋可以坐小火車之外,駕車人士仲可以駕自己o既私家車入去參觀添,鍾意係邊度睇耐啲,空間充足的話仲可以停係度慢慢觀賞動物添~大家開大車窗、天窗,確實冇人犯規落車,但啲小孩子伸咗大半個身出嚟,已經同小動物們融為一體了,哈,係差在未有人開開蓬跑車入園啫~combine safari on the wheels

動物種類好多,由溫和o既草食動物,到兇猛o既獅子老虎都有,而且動物們活動空間都足夠,果然國內o既動物園進步咗好多﹗我話,呢度動物o既density同variety真係同真正o既safari差好遠呢,真正o既safari唔係放啲動物係路線o既兩旁,而係,路就起咗係度喇,啲動物過唔過嚟附近就睇佢哋心情咯~(請參閱:17-12-2012:斯里蘭卡day 10.動物safari@Yala)

係呢個園區,我哋仲見到電影「爸爸去哪兒」啲父子們住o既小木屋,我哋去時都唔知大陸都有拍呢個節目,仲出咗電影版,之前只知道韓國有呢個節目,我哋返到嚟仲特地搵咗嚟睇,我哋認識o既爸爸有林志穎同埋前跳水運動員田亮囉~唔,內容都幾有趣,但如果係上演大銀幕又好似唔係好夠看頭了~DSC01062

其他safari入面o既動物都只係拼貼圖,每人只分到一小格,點解呢隻影得濛濛地o既羊我會俾佢獨佔一張相呢?因為…goat tos

我哋話佢個樣好似「神魔之塔」入面中o既惡魔巴風特﹗﹗呢隻將心符石變成暗符石o既傢伙,你話係咪參照上面嗰隻羊嚟設計造型呢?SONY DSC

nonono~恐龍唔係safari入面~heehee,我哋出咗嚟啦~SONY DSC

我哋行咗入呢個園區之後都不禁納悶,咁多真實o既動物們俾我哋睇,點解要去睇假嘢?不過兩秒後就釋懷,事關我哋最近有去睇過科學館o既「巨龍傳奇」,對於這些年來啲機械恐龍o既巧妙製作o既進步印象好深刻,香港嗰個展出同好多國家合作,啲恐龍模型唯肖唯妙,但今次睇o既恐怕係100% made in China吧,而且係幾年前o既貨色,居然都幾神似噃~入到去呢個加埋啲閃光效果,啲細路都嚇到wee wa大叫呢~SONY DSC

出到嚟有呢隻食蟻獸,我諗我都係第一次見到佢真身吧~DSC01116

好可愛o既雀仔三人組丫~SONY DSC

點解會乖乖排排企?DSC01135

鴕鳥對我嚟講都有回憶,當年同媽咪跟可風去紹關,嗰陣參觀鴕鳥園,我嗰陣仲騎過鴕鳥添,不過鴕鳥完全唔顧及我感受,係度飛快奔跑,我呀,慢慢由佢pat pat度跣咗落地囉~SONY DSC

仲有恩愛交頸o既長頸鹿~SONY DSC

我哋都恩愛自拍啦~DSC01146

見到長頸鹿就會諗起光洙「ki-rin~ki-rin~」﹗﹗原來長頸鹿條脷超長丫﹗好似毒蛇~SONY DSC

罕見o既白袋鼠,睇真啲介紹,原來佢哋係普通袋鼠o既albinism,所以其實唔係另一個品種~白虎都一樣吧~combine koala

時間剩低唔多,要取捨睇下最想去邊,我話想去考拉園(香港人對於考拉呢個名唔熟悉吧,我哋通常叫佢哋做樹熊,睇介紹講,原來佢哋唔屬於熊,反而係袋類動物,應該同袋鼠更近似,所以叫樹熊會有啲誤導吧,呢度仲考拉呢個名就係英文o既Koala音譯吧~)﹗原來呢度o既樹熊已經有五代同堂,而且好多都係係長隆繁殖o既呢,佢哋係澳洲以外最大o既樹熊族群﹗呢度o既樹熊都唔係我哋印象中o既咁懶惰呢,尤其係下面兩幅o既大小樹熊,都冇導演指示,小樹熊就自動擺出souvenir o既揹揹經典pose了﹗超可愛~IMG_0212

完成了﹗我哋足足行到過咗六點半~進發到下一站,長隆大馬戲﹗

待續

前往其他中國旅遊blog

Comments

comments

在《5-4-2014:番禺清明遊day 1(part 2).長隆香江野生動物世界》中有 10 則留言

  1. 好多動物都好特別同好近!
    特別喜歡河馬、長頸鹿同樹熊~可愛 :)!
    但同時覺得d鵰好慘,不知為何,它們只可呆企
    雀BB又有些恐佈~全部都訓覺或是給人灌奶中⋯⋯
    仲有白袋鼠,應覺是的巨老鼠,看得久會起疙瘩
    整體都很好看~

    • 好近⋯相對於係斯里蘭卡好遠﹗﹗哈~去個safari返來打blog,我都要zoom大張相睇下係咩動物嚟嘅先可以插入加描述呢~
      估唔到河馬都入圍可愛行列呢,不過犀牛都入選我嘅可愛行列﹗
      都係嘅,佢哋咁英明神武咁~
      雀BB唔係好可愛咩?

  2. 本來對D馬騮冇好感,但來到這個動物園,看到各種稀有品種的馬騮,和看到牠們的可愛動靜,我改變了態度。

    • 冇好感係因為香港嘅馬騮太恐怖?定係之前被強盜馬騮搶嘅經歷?馬騮好多時都幾可愛丫﹗

  3. 以前看動物園,經常看見的動物,都是圍著籠子團團轉的急步走,在長隆這兒,動物生活的空間比較大,我們可以看見動物悠然自得的一面,遊客觀賞動物時,心底也舒暢些。

    • 而家再見番傳統嘅動物園就覺得動物好可憐了,大家心態唔同咗,動物園都要與時並進~

  4. Hi Rita
    i will go chimelong Zoo this weekend. This is my first time to go there. I saw your blog …. you walk at the begining and take Safari on the Wheels later. May i know if we must take “Safari on the Wheels” at one point? Can we take Safari on the Wheels at next point if not take at first point? Sorry for many questions and my chinese typing is very slow.

    Thanks
    Kanas

    • 你好Kanas!
      歡迎你來我的blog blog~
      我記得Safari on Wheels應該只有指定的一個入口,不是隨意上車落車那種,而入口在園區裡,因為這個是必看項目,所以入場後先去都不失為好主意~

發表迴響

你的電子郵件位址並不會被公開。 必要欄位標記為 *