8-11-2013:西班牙day 9(part 3).健力士最悠久餐廳Botin@Madrid

不得不獨立俾一篇blog呢一餐飯,之前都唔係未試過,當然,要達到我心目中呢個地位,係質素上都要好有水準至得o架~未睇呢篇blog前,可以去下其他我給予同等地位o既進餐experience o既blog~(請參閱:25-11-2009:大阪白浜day 2(part 3).回味無窮松阪牛燒肉26-5-2013:釜山麗水day 2(part 3).高雅又清新的韓式套餐)SONY DSC

我哋係酒店稍稍休息一陣,亦等之前係Mercado de San Miguel食過o既立雜嘢落咗隔先,再慢慢步得出番嚟,去我哋今晚o既重點項目—-Restaurante Botin~

要去Botin,要行番過去頭先去過一次o既Plaza Mayor,因為係由嗰邊一條小路通過去o既~唔知Plaza Mayor有咩function搞呢,排咗咁多椅子係度~

SONY DSC

途中經過呢間名為火腿博物館o既鋪頭,雖然叫博物館,其實係一間售賣林林總總火腿o既專門店,入面亦有少量餐點供應~combine jamon

非常壯觀o既火腿s~SONY DSC

到啦到啦﹗呢間就係Botin餐廳了~

http://www.botin.es/

其實我哋向來都好少跟旅遊書特別去搵乜搵乜食,但今次點都要跟一跟,因為Botin係全世界最古老o既餐廳,已經納入咗健力士世界紀錄大全啦~1725年就開業o既餐廳,經歷咗兩次世界大戰,經濟上o既起起跌跌,到今時今日依然屹立不倒,一定要睇下佢o既成功之道~

不過係入去之前,首先要睇下食唔食得起,望一望餐牌,貴就肯定貴o架喇,不過以我哋當係特別紀念日去睇(雖然今日確實唔係咩紀念日),價錢都可以接受o既,人一世物一世(去旅行時所有消費o既解釋…),去吧~咦,click番入去個網,原來有得睇menu,但係冇show價錢,detail我都唔係好記得,但好似為起上嚟每人400-500港紙埋單?SONY DSC

門口有餐廳模型,有三層,通常旅遊書都會影佢地牢嗰層好似洞穴餐廳咁o既照片,但我哋坐o既位置唔係呢度show出嚟呢,點解?SONY DSC

健力士o既證書都放咗出嚟,童叟無欺﹗

我哋話兩位,之後有服務員帶位,以為跟住前面一組人我哋都坐樓上,點知,別有洞天﹗哈,個侍應拉開堂簾,經過廚房,去咗一個小偏廳,嗰度大概放咗六張枱左右,裝修都四四正正,但佢o既入口…要經過廚房﹗﹗點解係世界最悠久o既餐廳都有創發(我工作附近o既一間茶餐廳)o既VIP房o既?﹗IMG_2821

雖然係廚房後o既VIP房,但一啲都冇待慢啲客人,有個waiter專門負責我哋呢幾枱客人,而且非常殷勤呢~三百年老店果然係三百年老店,waiter制服都係正式的白西裝~IMG_2822

因為唔想太大鄉里,用個大相機咔唰咔唰,所以用電話影咋,係暗暗環境像素低少少將就下吧~ :pIMG_2824

見咁高興,day都話飲sangria,咁我諗我一個人叫半pint,兩個人叫一pint啦,點知,好似多咗啲bor~呢度個壺好靚呢~

實在唔知食物size點樣,除咗呢度必食o既名菜烤乳豬之外,我哋叫咗一個沙律,一個side dish菇菇,同埋多一個主菜,食住先睇下點啦~因為根據香港人o既固有觀念,貴o既餐廳一般都係越貴越細份o架啦~不過原來有例外o既…SONY DSC

呢個係Ensalada Botin,即是自家招牌沙律,表面只係將唔同o既材料堆埋一齊,但呢個簡單o既沙律就見證咗Botin o既功力﹗入面每一樣食材都非常新鮮,而且味道彼此牽連滲透,好好味丫~SONY DSC

呢個就係我先一晚講過o既煮磨菇了,呢度用新鮮磨菇,但調味上真係同尋晚嗰間罐頭磨菇係一樣的﹗我都話咯,牛油、蒜蓉、金華火腿,就咁食鹹咗少少,如果配白飯就正咯~IMG_2825

墨汁小墨魚配白飯,中規中矩有實力o既一道主菜~SONY DSC

我哋叫o既係半隻烤乳豬,其實食之前咕嚕,中國人o既乳豬咁好味,你哋鬼佬真係整得好味過我哋?﹗我抱住半信半疑o既心態去叫呢個咁貴o既乳豬~上菜了﹗原來此乳豬不同彼乳豬,我哋廣東人食o既乳豬食佢o既脆皮為主+濃厚o既豬肉味,但西方乳豬原來食o既係肉質o既嫰滑juicy~難怪可以各有千秋啦~好味,以味吉陽一o既講法,肚餓係最好o既調味料,而我哋呢一刻已經飽到八八九九,依然感受到佢o既美味,所以真勁﹗不過叫我頭痛o既係嗰兩粒薯仔囉,真係冇位放落去…早知唔叫個菇菇啦~IMG_2826

今次day真係好有義氣,陪我飲多啲sangria~上次係Sevilla時佢都冇盡力~識佢o既人知道,佢飲少少就會好快變紅+醉,今次佢難得地紅咗+迷糊咗之後,休息一陣,醒番,再嚟過,夠義氣啦啩~不過我哋最終都飲唔晒嗰pint呢~醉都唔係問題,而係太飽啦~

所以好遺憾地,雖然甜品menu好吸引,但我哋無能為力啦~下次啦~SONY DSC

令人滿足o既一餐﹗大家下次嚟西班牙旅行,記得嚟呢間Botin餐廳試下呀~SONY DSC

晚上o既皇宮~SONY DSC

又係火腿?點解day可以攬住佢?因為其實係攬枕﹗﹗我真係估唔到究竟有咩人會想買隻火腿返屋企攬呢?SONY DSC

充滿垃圾o既馬德里,好啦,我原諒你啦,都係因為罷工先至咁污糟o既啫~

聽日就係西班牙之旅o既最後一日啦,大家要繼續留意啊~

待續

前住其他西班牙旅遊blog

Comments

comments

在《8-11-2013:西班牙day 9(part 3).健力士最悠久餐廳Botin@Madrid》中有 6 則留言

  1. 火腿攬枕無錯是很有創意,可以格調與床鋪及休息很不諧協,買回家都是貪得意吧?

  2. My wife and I enjoy very much your Spain blog. Very impressive and helpful content. We will go to Spain next week. More or less we follow the same route but we get 16 days. We have booked the Botin 🙂

    • 你好呀chiu﹗歡迎你到訪我個blog,好多謝你咁欣賞呢~
      哇,有16日,一定更豐富、更多姿多采了﹗好好enjoy呀~去Botin記得唔好好似我哋咁叫得多過頭⋯><" 我其他旅遊blog都寫得好用心㗎,有時間慢慢碌埋佢啦﹗heehee~話晒西班牙blog我都係返咗嚟香港耐耐哋至打,好多多新鮮滾熱辣嘅小故事可能都唔記得咗,我今年嘅北京blog同夏威夷blog打得比較貼,強烈推薦﹗:)

chiu 發表迴響 取消回覆

你的電子郵件位址並不會被公開。 必要欄位標記為 *