8-11-2013:西班牙day 9(part 2).皇宮.精緻美食市場@Madrid

食飽飽我哋就去皇宮啦,其實時間唔係好,西班牙o既午餐比較晏,再加上豐富o既內容,食完都要三點lu,但景點又唔會因此而遲啲收,所以我哋大概只有兩個鐘~SONY DSC

途經呢個小攤,吓?咁都可以街頭賣藝?﹗賣點係乜?如果有靚聲靚音樂搞鬼魔術有趣生鬼扮嘢都話有睇頭,但呢個…娛樂性欠奉,而驚嚇度係日光日白亦好似唔太work…SONY DSC

呢個亦好似係街頭賣藝中?定係自娛中?SONY DSC

到咗皇宮外圍喇﹗SONY DSC

呢啲雕塑全部都係真的﹗冇混入一個真人係度嚇下你…哈~

我哋結果都租咗一個audioguide,打算兩份聽(其實day係想我聽咗講佢聽囉~),結果都係太慢+catch唔到太多資訊,所以入到去都係睇番啲簡單文字簡介算lu~SONY DSC

皇宮裡面唔准影相,唯有影下外面俾大家睇啦~

原來西班牙而家都仲有皇室,但佢哋比較低調,而且都住係近郊o既行宮,所以而家呢個皇宮都係接待外賓時先用lu~打呢篇blog時好奇睇下而家o既皇室成員有咩人,原來國王叫Juan Carlos,最愛揚帆出海同埋滑雪,而皇后係希臘Sofia公主~

http://en.wikipedia.org/wiki/Spanish_Royal_FamilySONY DSC

嚟西班牙時我哋係天氣o既考慮上只係諗凍唔凍,帶唔帶夠衫,日照時間長唔長,但而直冇諗而家係秋天,會有咩秋天景色o既問題~之前係Barcelona同埋Andalucia一帶都唔係太明顯,但嚟到Madrid,秋意就濃濃的了,繼上一篇blog有少少紅葉之後,我哋見到呢一遍咁有顏色層次時就感動了,哇,真實的更靚,因為範圍更廣闊呢~我哋話,住係度真係識歎喇~SONY DSC

長長o既迴廊~

我哋入去皇宮內部參觀,好似話只係開放咗一半左右俾我哋參觀咋,但已經行咗好多間彼此連接住o既房間,呢間又起居室,嗰間又會客室之類咁~設計上其實大同小異,但用色上、氣氛上就好唔同~點解話設計上大同小異呢?四圍都用好多油畫,天花上o既壁畫啦,四周o既牆壁咁,而周圍都係用啲布o既質地做牆,鑲上金邊咁~厚厚o既地氈同埋窗簾~點解話用色上好唔同?因為房間都係一個tone的,藍就全藍,綠就全綠﹗印象深刻啲o既係有個房間係「東方風」,好似想學啲中國文化設計咁,但只係將啲中國元素堆埋一齊,事實上並非一個中式房間囉~

如果想對皇宮知多啲可以入個官方網站:

http://www.patrimonionacional.es/SONY DSC

皇宮正旁邊係一間大教堂,當時我哋唔知呢間係咩教堂呀,旅遊書都冇講,而家search番google map,應該係阿穆德納聖母主教座堂(Catedral de la Almudena)了~似乎有咩function呢~SONY DSC

宏偉o既外觀~SONY DSC

外面有個聖母像放係度,有好多花花敬禮,唔知係咩節日呢?

互聯網真係好犀利,一search聖堂個名+noviembre(十一月),即刻出咗:

http://www.fiestas-de-madrid.com/dia-la-almudena.htm

應該呢個係「Almudena節」,即是呢個堂區o既主保瞻禮~原來Almudena係聖母o既其中一個名號,意思係「穀倉聖母」喎~再detail啲連wiki都未有人寫啦~SONY DSC

day好喜歡呢個天使雕塑呢~SONY DSC

精美o既雕刻鐵門~combine church

十六世紀時西班牙o既首都已經由Toledo搬嚟Madrid,當時o既王已經好想係Madrid起番間大教堂,但結果要到十九世紀末先開始動工呢,所以呢間教堂設計雖然古典,但其實都好新o架咋,開始興建年份同聖家堂差唔多呢~SONY DSC

見到呢個有趣o既電子奉獻蠟燭台,哈,奉獻20 cents euro唔知可以點著幾耐?SONY DSC

聖堂另一邊出去有聖物部,我好高興地買咗本兒童聖經呀﹗﹗啲圖畫好精美呢~day話,你識唔識睇o架?仲有,你係咪真係會睇o架?umum…我都唔知係識睇定係知道個教事o既成份居多,我用一個小小o既藉口,咁我哋返去會幫手兒童崇拜丫嘛,可能有機會用得著呢…咁就買咗了﹗我返嚟都有睇過o架~

之後逛咗陣街,順便過去主廣場(Plaza Mayor)睇下~combine necklace

介紹下呢間鋪頭~因為day送咗條頸鍊俾我呢~話說入面啲吊飾耳環全部都係用真植物去做o架,有啲蘭花就用啲透明的東東包住,而葉片就係用銀鍍咗上去,都好靚呀~ 🙂 笑咪咪~SONY DSC

以為就咁去到Plaza Mayor沿途都係行下街之類,估唔到發現到寶藏,又係旅遊書冇介紹o既好地方呢﹗叫做Mercado de San Miguel,就咁譯做聖米高市場吧?

http://www.mercadodesanmiguel.es/

點解咁吸引?combine food

因為裡面充滿住美食呀﹗﹗﹗我哋晚餐早有打算,所以非常節制~只係有限度地食咗最想食o既東東~雖然係「市場」,但水準都好高,好多食物都非常精美,又食得又睇得~SONY DSC

而且呢度似乎係上班族放工後o既蒲點,有啲吧枱係度大家可以飲番杯~sangria、啤酒、香檳、仲有其他雞尾酒都有得賣~我哋見到有間賣mojito,我都未飲過,見到有啲翠綠o既葉片係入面好似好清新咁,但見落好多rum酒落去,似乎酒精成份都唔少,雖然難得地唔點飲酒o既day都話不如試下,但我怕結果都係要我包底,我都係話下次等埋家姐係度先…:pSONY DSC

得到我哋青睞o既有生蠔,因為好抵食呢﹗10 euros有六隻﹗平均港幣$16.6一隻咋喎,比起吉之島平成半﹗仲要有人即刻開埋俾你附埋檸檬~good,唔算大隻,但海水味幾濃,幾好丫~呢間賣蠔o既仲有埋香檳,但我哋就冇飲lu~SONY DSC

你睇,幾大埕sangria﹗﹗仲要好抵飲﹗﹗SONY DSC我哋另外幫襯咗churros,呢樣食物我早係大學時讀西班牙文已經有聽聞過,原來係鬼佬油炸鬼,係啲炸麵糰,外脆內軟,熱辣辣,可以點朱古力汁食或者砂糖粒~我就覺得點砂糖粒好食啲喇,唔會破壞脆脆o既口感嘛~

雖然話要好好控制份量,但都有少少飽肚,我哋晚上有另一重點項目o架,好啦,返酒店稍稍休息一陣我哋再出動啦~

待續

前住其他西班牙旅遊blog

Comments

comments

在《8-11-2013:西班牙day 9(part 2).皇宮.精緻美食市場@Madrid》中有 4 則留言

Catherine 發表迴響 取消回覆

你的電子郵件位址並不會被公開。 必要欄位標記為 *