7-11-2013:西班牙day 8(part 4).溫暖的鬧市hostel.最後tapas衝刺@Madrid

為咗令時間冇咁趕,所以早少少去到火車站至搵食,開頭我哋都係火車站一間餐廳坐低咗,但見大大間鋪得兩個waitress係度做嘢,而且周圍啲食完走咗o既又未執枱,想埋單o既又未埋到單,我哋兩分鐘之後都係決定起身,與其食得咁急個心咁煩,不如都係食得自在啲,所以食咗…SONY DSC

登登﹗麥當勞﹗﹗yeah~~~而且係西班牙專有包包呢,day揀o既1955堡係似至尊漢堡嗰啲有大片肉+大量蔬菜,我o既McRib就似豬扒包,但肉質比較細緻,醬汁似招財福堡,都幾好味,所以後來食多次麥當勞我哋兩個都揀番同一個包呀~

三個鐘左右都到馬德里lu~落車係Charmartin站,我哋離開月台落咗隧道,諗住跟住地鐵站個logo行就ok,點知去到地鐵站,點解要嘟出站o既?明明我哋o既車票冇得嘟o架喎~今次係我西班牙文大派用場啦,但只限短句+單字跌出嚟,問個車站職員我哋冇得嘟點算,哈,解決方法原來係佢開個閘俾我哋過囉~一出嗰個閘就係地鐵站售票大堂,真係唔知點解會咁~IMG_2139

呢部售票機叫我激氣咗一陣,話說我哋打算買10程券,但佢會限住你唔准入某啲大幣值o既紙幣,而你俾緊部份錢時,更多o既幣值唔准入,變成鬥智遊戲,咁我唔係全部幣值都有嘛,莫非係佢冇錢找?但又冇啲唱錢機係附近喎~

馬德里果然係馬德里,地鐵靚好多,比起巴塞隆拿o既要新淨,我哋坐時都讚嘆咗一番﹗

今次訂o既旅館係Main Street Madrid Hostel,都係經agoda.com訂,貪佢地點方便,睇落又靚靚地咁,就係地鐵站Callao旁邊,不過第一次到時個門牌唔係太明顯,要小心搵至搵到入口~我形容我哋住係重慶大廈,因為Main Street Madrid Hostel位於舊樓o既5樓,入口簡直就似商住大廈,有個古老o既更亭同電梯~上到五樓,深嚴o既鐵大門唔通窿,如果唔係一早已經預約,係唔會夠膽盲中中按門鐘入住的﹗

http://www.mainstreetmadrid.com/index_EN.html

當然,入到去就豁然開朗啦,reception只係一個小counter,但走廊同房間都係明亮o既藍色白色做主題,而且都唔細喎,條走廊好長,再轉彎夾埋都有十幾間房~帶大家參觀下我哋o既房間啦~SONY DSC

新淨o既裝修佈置,同網頁一模一樣,仲有towel art歡迎你,而且係女孩子喜歡o既設計呢~combine hostel

麻雀雖小,五臟俱全,沖涼都舒舒服服,要彈o既係浴簾短咗少少,水濺晒出嚟~combine hostel outside

呢個就係我講o既深嚴大鐵門喇﹗原來入住時除咗有自己房鎖匙之外,仲有大門鎖匙同埋大樓鎖匙(即「重慶大廈」鎖匙),所以係全自助的﹗

要特別介紹下部電梯,大家見到o既係舊式自助開門o既電梯…SONY DSC

而且勁細小﹗﹗只能放三個人or兩個人+行李﹗令我諗起當年係印度住咗好耐o既Pals Hotel呢~(請參閱:23-4-2008:難得搏盡的一天)SONY DSC

好,雖然都入黑,但時間有限,點都要出下去,決定今晚去Sol廣場逛街﹗﹗地鐵咁近真好~SONY DSC

出番嚟大城市lu~SONY DSC

人多到咁?原來有示威~SONY DSC

原來有示威~

亦因為有示威,有啲Sol廣場應該要睇o既嘢都見唔到…>_<“例如我哋冇見到「零公里」牌,原來呢度係全國國土o既中心,所有西班牙地方o既距離o既起點~Sol廣場應該就似Time Square吧?旅遊書話跨年倒數都係度舉行的~SONY DSC

雖然只係十一月頭,但都開以籌備聖誕佈置了~SONY DSC

兩個「雕塑」,一真一假~SONY DSC

我哋呢兩個外國人都係唔太慣夜得交關o既西班牙晚飯時間,所以開始晚市我哋都會盡快想食嘢~都冇prep到附近有咩餐廳要食,我哋隨便揀咗Sol附近呢間Cfeteria Restaurante Arenal~SONY DSC

點解?因為佢外面有呢張大tapas poster﹗差唔多到旅程o既尾聲,有啲未食o既經典tapas要係走之前試一試,我哋係度指指點點,要食埋邊款?SONY DSC

入面係好舊式o既餐廳feel,呢度係唔係西班牙o既波士頓餐廳?不過到我哋食完都唔係好多客人呢…似乎唔係太旺o既餐廳~ :pcombine tapas

右邊呢四款其實都係想趁臨走之前要試o既tapas,右上o既青口啦,呢個最好味,酸酸凍凍o既青口好醒胃,我都有係腦海度想像過睇下可唔可以返香港模仿到…右下o既煮磨菇都係經典,但有少少失望呢,因為係罐頭磨菇…我哋聽晚去咗間超勁餐廳,唔小心又點咗呢個菜,係新鮮菇不過味道都係一樣﹗想像到可以用牛油+蒜蓉+西班牙火腿炒就係嗰個味了(係香港就可以用金華火腿代替,反正煮熟咗o既質感分別唔太大~)﹗上中o既叫俄羅斯沙律,好似都係經典tapas,對我哋嚟講都係熟悉口味o既蔬菜薯仔沙律啦~下中o既叫croqueta,應該就係翻譯做可麗餅或者可樂餅吧,就係炸薯餅入面有啲肉碎芝士咁啦,好在只係一人一粒,因為味道都幾濃~左上o既sangria係今個trip o既尾二一杯sangria啦,機會無多,要好好珍惜~左下o既係普通o既烘三文治,因為怕只食tapas唔夠飽而叫的,哎吔,後悔中,因為有麵包贈送…

之後去行街街,入咗一楝有幾層高o既商店,好似有成三四層都係賣聖誕裝飾禮品﹗我都係度買咗個聖誕樹掛飾俾爹媽~combine model

係呢度見到個超勁o既馬槽﹗﹗IMG_2152

逛街當然唔少得去超級市場啦~不過呢度啲嘢就冇去韓國時咁啱買啦~(請參閱:29-5-2013:釜山麗水day 5(part 2).買手信去.期待已久的Spaland)買咗少少罐頭tapas、橄欖咁,唔敢買火腿住,因為酒店房冇雪櫃,打算臨尾至買~IMG_2157

又係好勁o既火腿部﹗我哋係西班牙時周圍食乜食貴食平都會加啲火腿入去,以為係大眾食物,但去到超級市場至知一pack扁平的都要7歐羅左右,覺得都貴貴地,我哋係機場買o既10歐羅一pack,返嚟香港係吉之島發現要二百幾蚊﹗﹗難怪我同事話我哋係機場買嗰啲都抵~我真係唔知價錢呢~SONY DSC

對我哋嚟講,橄欖咪橄欖囉,最多可以分為黑色定青色,係呢度至知,全個櫃廿幾款都係唔同o既橄欖﹗﹗犀利呀~SONY DSC有得買黑飯汁同海鮮飯汁呢,但都冇買呀,可能覺得返嚟都未乜會煮吧,都講得啱o既,上次去曼谷啲咖喱同冬陰公調味包都未煮﹗﹗:p(同埋個blog 都未打好,完西班牙要打番…)

後來超級市場趕人走我哋先走﹗:p真係唔好意思呢~

待續

前住其他西班牙旅遊blog

Comments

comments

在《7-11-2013:西班牙day 8(part 4).溫暖的鬧市hostel.最後tapas衝刺@Madrid》中有 4 則留言

    • 經典咪就係嗰啲悠久歷史,間間都肯定有嗰啲,旅遊書都介紹必食嗰啲囉,好似炸花枝圈嗰啲~
      http://en.wikipedia.org/wiki/Tapas
      我哋係sevilla嗰晚叫啲咖喱雞飯tapas就肯定唔對路啦~好似去飲茶,我諗鬼佬都肯定要試試蝦餃燒賣腸粉春卷叉燒包吧~

  1. 最近常逛瑞士的超級巿場,樣樣都很貴,出外吃更不得了,在超級巿場附設的食店吃一般的食物,在香港30-40港元左右的食物,在這裡要11-12元瑞士法郎(x8.2元),覺得在這裡生活真不易。

    • 媽咪而家可能少出街食,而家都好難30-40一餐啦,平時係長沙灣食個茶餐廳lunch最平都要38,如果係屯門市中心食一餐好普通都要50-70,當然瑞士隨便要過100港元就真係肉赤啲咯~

發表迴響

你的電子郵件位址並不會被公開。 必要欄位標記為 *