唔明白點解有咁多阿卡乍堡,係咪阿卡乍係一個特別o既名字?之前去Cordoba又有阿卡乍堡,Granada o既Alhambra裡面又有阿卡乍巴城堡,Sevilla又有阿卡乍堡,因為阿卡乍太繞口,我哋兩個簡稱佢哋做「炸堡」,好似啲漢堡o既名,哈~不過幾個炸堡之中其實今次行Sevilla呢個行得最開心,可能因為我哋終於唔租audioguide了,唔駛俾「聽唔聽得晒」、「租咗唔聽唔抵」呢啲心理影響咗,純粹o既去欣賞建築o既美、花園o既美,亦唔需要花咁多時間係度聽聽聽,我哋有更多時間影啲靚靚相~所以唔好做資料o既奴隸丫~
一入場就係一個美美o既中庭了,四面建築環抱住翠綠o既花園~今次仲有少少粉紅花花做點綴呢~
呢張相o既構圖一啲都唔靚,但喜歡我真情流露、喜孜孜o既樣子~:D
經典o既穆斯林宮殿、庭園設計,大家睇咗之前嗰幾篇blog,應該對呢種庭園唔陌生了~
穆斯林o既建築唔可以畫上人像、動物圖案做裝飾,而經常會出現文字係牆壁上面,應該係可蘭經o既經文吧?
雖然唔知咩典故,但呢度應該係其中一個重要景點吧,因為聚集咗特別多人~
象徵皇家o既獅子﹗做出嚟又變得好可愛呢,唔係英氣勃勃o既形象…
有學生嚟參觀,呢班嘩鬼超級嘈呀﹗﹗﹗老師應該想佢哋嚟感受下歷史文化吧,但佢哋we-wa鬼叫o既係因為…
呢啲好活潑o既魚魚﹗﹗啲細路又餵佢哋又尖叫,令花園增添唔少(過多o既)活力…>.<”
魚魚唔會令我尖叫,但令我尖叫o既係,花園裡面居然有自由走動o既孔雀﹗﹗自由走動o既孔雀我以前都見過,但冇近得咁交關囉,大家要知道,我部相機個zoom唔係二三十倍嗰啲嚟o架,真係好近﹗之前去印度都見過野生孔雀﹗(請參閱:14-5-2008:大步跨過)
右邊嗰張係咪完全唔乎合我o既個性呢,話說之前係某啲庭園位置有個男士幫佢o既女伴影相,女子o既pose就類似我右邊嗰個喇,不過個女子係著住美艷o既紅色+化妝~等我又學下佢先~超大花園除咗有遊客之外,仲有好多寫生o既畫家們呢,近距離望下佢哋o既畫作,似乎專業業餘o既都有噃,而且藝術無年齡界限﹗阿伯大叔大嬸青春少艾都有,大家都好正式地著白袍+有畫架呢,唔理畫得好唔好,係咁好o既天氣,咁好o既環境度作畫都叫人身心舒暢啦~
待續
前住其他西班牙旅遊blog
ALCAZAR的意是是皇帝住的地方,皇帝度度都有行宮,所以周圍都係ALCAZAR。
幅巨型綠牆真係好正,在這兒拍照可以發揮很多的創意。
哈,我這個學西班牙文的人都沒有好奇心,自己沒去search “Alcazar”,反而是你告訴我呢~
是呀,在庭院的其他位置都有很多人在拍照呢~
我其實在不知什麼時候已經有ALCAZAR就是大皇宮這個印象,只不過你提起我就再SEARCH下去CONFIRM。
good!靠你知多d!
那幅綠牆好大好大,香港人見到都會嘩嘩聲;不過妳扮人家的post,好不搭配呢!
因為唔係我style嘛~ :p