7-11-2013:西班牙day 8(part 3).華麗與血腥的鬥牛場@Sevilla

離開阿卡乍堡我哋要即刻去Sevilla最後一個景點鬥牛場了,之後就要趕下午o既火車返馬德里啦,距離話近唔近話遠唔遠,係Santa Cruz邊緣、河o既旁邊,如果唔迷路的話步行大概15-20分鐘啦,好在今次我哋都順利去到~SONY DSC

鬥牛場o既外觀﹗SONY DSC

買好票~之前睇旅遊書話冇鬥牛o既日子去參觀的話只可以去博物館,冇得睇場館內部,其實期望唔大,但買票時話一定要參加guided tour,咦,咁係咪即係可以去鬥牛場裡面參觀呢?

冇錯﹗有個導遊小姐迎接我哋一行十幾人o既團入內,佢問大家講西班牙文定點,當然有我哋呢啲外國人係度佢唔可以全西班牙文啦,所以基本上每個point係講完西班牙文再講英文,哈,英文學就學咗廿幾年,但原來佢毫無先兆轉channel的話都唔係馬上catch到佢講咩,所以要超級留心~其實英文講解都幾清楚,但有個團友好似係意大利人,成日都人哋講完一次之後又用意大利文發問,搞到個導遊小姐都躁躁地,佢用英文講:「我唔可以每次都用意大利文再講一次o架~」哇,佢連意大利文都識,勁﹗SONY DSC

一開始tour先入鬥牛場,哇,好大丫~我哋先聽講解再影相,主要都係講下鬥牛o既歷史啦,場館o既detail啦等等~SONY DSC

呢邊呢個包廂係皇室專用﹗貴族都唔可以坐o架~SONY DSC

有幾條通道可以通進「戰場」,其中當然有鬥牛勇士出場o既地方、牛出場o既地方,原來有一條通道係通去手術室o架﹗我哋未嚟參加都知道鬥牛係好危險、好血腥同埋好高死亡率o架啦,但唔知原來有on-site手術室添,原來鬥牛勇士比賽前要見定醫生、簽定手術同意書、配定血,當定每一次都有機會會重傷需要急救做手術囉,做呢度o既外科/骨科醫生真係好大壓力好緊張~所以我後來都問導遊小姐,既然咁危險,點解而家都仲有人入行呢?原來佢哋覺得好光榮同埋贏咗會有好多$$的~SONY DSC

之後我哋入去博物館參觀﹗呢幾幅畫介紹咗鬥牛o既過程,首先會有副手同隻牛鬥到佢少少損傷+激嬲隻牛先,之後主角o既鬥牛勇士就有三次機會去殺隻牛,一定要一刺刺中後頸o既要害先為之高水準,如果刺三下隻牛都唔死咁鬥牛勇士就輸啦,牛如果唔死亦唔需要再參加鬥牛了~咁當然好少情況會係咁啦~SONY DSC

牛頭標本~SONY DSC

古代o既鬥牛係冇鬥牛場的,就咁係市集空地舉行,所以更加危險,後來為咗安全理由先興建鬥牛場~SONY DSC

樂隊SONY DSC

如果係後背/後頸直接插入牛心臟,令佢即刻死亡的話,咁就屬於高水準演出了,但我睇wiki講其實多數插唔中,都係插咗入肺,先隻牛慢慢失血至死~SONY DSC

華麗o既鬥牛服裝,但多數都會染有鮮血…SONY DSC

呢個係鬥牛勇士出場前去o既小教堂,佢哋會祈禱,祈求平安同埋勝利,但呢啲嘢邊有得祈o架丫~combine animal place

呢度係放鬥牛同埋馬o既地方~SONY DSC

tour結束,呢度係多年來o既鬥牛比賽o既poster~紀念品唔太吸引所以都冇買丫~

真係好在呢個季節冇鬥牛睇,我唔駛心大心細,不過我估我都係唔會睇o既多啦,因為太殘忍、太暴力、太恐怖呀~

我哋要回程返酒店拎行李再call的士去火車站啦,原本有諗過係途中食埋個lunch,但諗諗下都係唔敢,因為西班牙人太慢,如果為咗個飯走咗班火車就si cal cal,所以都係去火車站先咯~SONY DSC要同Sevilla呢啲窄窄街道道別咯~

待續

前住其他西班牙旅遊blog

Comments

comments

在《7-11-2013:西班牙day 8(part 3).華麗與血腥的鬥牛場@Sevilla》中有 5 則留言

    • 果然睇o既內容都一樣呢~啲相都似曾相識咁~
      所以blog債唔好拖太耐丫﹗﹗我已經負債纍纍了…

  1. 我們上次去也是這個博物館嗎?請家姐證實。
    我們去的季節是有鬥牛表演,但都在不同的週末舉行,與我們的行程不吻合,所以沒有買票看,也幸而是這樣,我其實也不太想去看。

發表迴響

你的電子郵件位址並不會被公開。 必要欄位標記為 *