6-11-2013:西班牙day 7(part 2).阿爾汗布拉宮@Granada之下集

排好隊,按限定時間限定人數入去參觀Palacios Nazaries﹗呢度以前係國王居住同辦公o既地方﹗對於我哋嚟講,主要就欣賞下美輪美奐o既建築藝術啦~SONY DSC

入口窄窄的,進入另一個世界~SONY DSC

伊斯蘭o既建築限制,好似話唔准繪上人同動物o既肖像作裝飾,所以幾何圖案、植物等等就會經常出現,圖中o既幾何圖案就非常typical喇,所以有啲postcard、磁石、書簽紀念品都用咗嚟做設計,我哋就話喇,其實呢啲圖案到而家都唔會老土,點解現代室內設計好少用嚟裝飾呢?好似廚房呀、餐廳呀,白底色再加上呢啲pattern都幾靚丫~SONY DSC

內部有一個又一個o既廳堂,重點都在於非常細緻o既雕刻﹗天花、牆身都係雕刻出嚟﹗﹗SONY DSC

當然唔少得宮殿之間o既庭園啦~combine palace

雕刻雕刻…SONY DSC

呢個就係出名o既獅子庭園喇﹗都係睇番旅遊書至知,原來十二隻獅子背起水池係庭園中央係一個巨形時鐘﹗睇太陽照射獅子o既方向就知道時間﹗(古代人先識嗰啲…)SONY DSC

雖然話係獅子,但我就覺得唔太獅子喇,太溫馴太可愛~ :pSONY DSC

係古代,一個個o既宮殿應該有布簾分隔的吧,而家冇晒傢俬係入面,都唔係好搞得清楚邊間房係咩功能了~SONY DSC

終於冇咁多人,可以同獅子噴泉合照~SONY DSC

庭台樓閣之中…SONY DSC

當然唔少得無處不在o既橙樹啦﹗SONY DSC

伊斯蘭式o既花園都有相似o既格局,一般都係水池係中間,四面有工整o既植物or花圃咁~SONY DSC

哇,係我最喜愛的﹗﹗heehee,可惜家姐唔係度,如果唔係我哋兩姊妹就會衝過去扮了~(16-8-2007:沖繩2007第一天@首里城、玉陵、國際通、鄉土料理)

combine garden

 

美美的植物~舒適的環境~

離開Palacio Nazaries,我哋先午餐~SONY DSC

肚子餓,本來想番去之前路過o既餐廳,但價錢太貴了,睇下園區o既其他食肆,最正經嗰間已經係賣包包o既攤子,其餘o既竟然只係自動販賣機,雖然都有三文治,但見到凍冰冰咁就唔想食…呢間攤子淨低選擇都唔多,熱包冇晒,我哋揀咗最basic o既火腿芝士包,包好硬,幾好味o既西班牙火腿都冇用…點解啲鬼咁鍾意食硬包o架?真係食到嘴都損…難得的有隻野貓走嚟問我哋拎嘢食,我邊敢餵呀,甚至要避開佢o既眼神,隻貓見我哋兩個不甚友善就再搵其他遊客,有個金髮女子真係分自己個包俾佢食﹗仲要一人一貓一啖添,好似唔太衛生添…見到呢隻貓,諗起honeymoon時係Fiji間resort養咗隻貓,嗰隻貓專嗲男人o架,係啲男人面前嬌嗲咁喵一聲,又跳上你膝頭,為求目的不擇手段﹗﹗不過唔會喵女人喎~哈~(本來想post條link,但我原來係未打honeymoon個trip o既blog的﹗但我承諾大家,即使隔得耐,看圖作文都好,我都要post番Fiji honeymoon o既blog出嚟的﹗)

之後去下一站Alcazaba(阿卡乍巴城堡),呢度就主要防禦為主喇,所以建築都係實用、堅固,花巧o既雕刻圖案欠奉喇~SONY DSC

高處望落去白色城市,無敵景觀~點解個城市可以一致成咁o架?一定曾經苦心經營~SONY DSC

見到樓台上面o既人細細粒就知道個堡有幾大~SONY DSC

呢個位置可以影番Carlos V城堡,記得佢外方內圓嘛?(見上一篇blog)SONY DSC

以前城堡入面o既間隔而消失晒啦,得番少少遺跡,audioguide話我哋聽邊啲係人住o既屋仔,邊啲係商店~SONY DSC

冇乜特別,純焠影得我幾靚,哈~SONY DSC

我哋都登上鐘頭了﹗SONY DSC

發現呢位影相非常搏盡o既仁兄~

好啦,過番去Generalife嗰邊,有更大o既花園~SONY DSC

當然要有水有綠色啦~IMG_2083

美麗的迴廊,仲要有無敵遠景呢~SONY DSC

好喜歡漸變色o既紅葉~SONY DSC

原本應該要慢慢享受呢個夏宮,但我哋時間有啲趕啦,怕返去火車站o既路程唔順利會趕唔到火車,所以開始加速了﹗SONY DSC

所以我都唔理個老公一支箭咁急急腳行了…:p

好在去番Alhambra大門口馬上有落山o既小巴,而番去伊莎貝拉廣場亦好容易搵到番去火車站附近o既巴士~反而去到火車站仲有時間剩,可以睇睇書呢~睇咩書?預習下之後o既行程囉,我哋去馬德里會去普拉多美術館,我記得我就係Granada火車站時睇咗介紹名畫嗰幾頁,到時就識得欣賞啲畫啦~SONY DSC

晚上我哋去咗酒店附近o既「El 3 de Oro」餐廳晚飯,之前經過時見到靚靚的,正好慶祝我哋結婚兩週年~ 🙂IMG_2087

因為係難得o既日子,飲兩啖就會變紅色+醉o既老公今晚都陪我一齊飲sangria,不過佢唔夠義氣,都係我飲埋佢嗰份,到後來係馬德里食古老餐廳嗰餐時佢就真係陪我飲喇,大家要留意之後o既blog啊~呢間餐廳o既sangria味道好好,水果味同紅酒味混合比例剛好,易入口又有酒味~combine dinner

食物我哋叫咗套餐呀,有前菜、主菜、甜品,因為侍應英文不太靈光,而menu del dia又只得西班牙文,所以佢要指下menu del dia塊黑板,又指下西英menu o既菜式,好在我哋都順利點到合心意o既菜式~

上中係凍湯、右上係熱湯,雖然西班牙凍湯出名,我都係喜歡由細飲到大o既熱湯多啲~主菜相對地普通啲啦,有魚柳同埋豬扒,附送超熱氣薯條~基本上嚟到西班牙,熱氣食物都幾多,炸海鮮、炸薯條非常普遍~combine dessert

要特別讚o既係甜品咯,套餐包o既右左邊o既烤蘋果,食到我瞇瞇眼呢,中間o既mousse就中規中矩啦,右邊o既係驚喜呢,已經食到飽到捧住個肚,埋單之際,侍應送上免費o既果汁同埋magnum雪糕批呢~正~

Happy anniversary~~~希望我倆以後都咁恩愛、彼此扶持﹗ 🙂

可惜o既係原來今餐冇影到合照呢~算啦,在心中~

待續

前住其他西班牙旅遊blog

Comments

comments

在《6-11-2013:西班牙day 7(part 2).阿爾汗布拉宮@Granada之下集》中有 4 則留言

  1. 我係紐西蘭都影左張扮小蜜蜂的相,不過無post出黎
    雕刻真的很厲害,只要有平面都要雕刻,應該是連線王雕刻版。
    晚餐很吸引,不過主菜看起來確是略為遜色。我喜歡西班牙凍湯,可能因為個時天氣太熱了。

    • 下次給我看看小蜜蜂!
      通常menu del dia的主菜都是肉配薯菜,難免看上去頹少少~我覺得凍湯口味強了一點點,比較酸和鹹,都是熱湯對味一點!

  2. 重看舊地,阿爾汗布拉宮米啡色精緻雕刻的建築,記憶猶新。
    西班牙凍湯我也十分懷念呢,如曦所言,那時是夏天吧?口味自然不同。

chunglanying 發表迴響 取消回覆

你的電子郵件位址並不會被公開。 必要欄位標記為 *