31-10-2013:西班牙day 1.漫長的飛行旅程

雖然曼谷blog仲未打晒,我都係決定先開始呢個勁勁trip o既blog先,趁住記憶尤新嘛,應該可以打得詳細啲,唔駛過晒氣之後再「看圖作文」~ :p

唔知大家知唔知其實我讀大學時學咗兩年半西班牙文,所以隔咗咁耐,去過咁多唔同地方旅行都未去西班牙其實都有啲奇,事關呢個trip叫做遲嚟咗八年啦,呢件事都隔咗咁耐,連最介意嗰個我自己都唔介意講咯,我大學year 2暑假嗰年本來係去西班牙做elective o架,已經係嗰邊o既Salamanca大學報好名,讀短期西班牙文,之後join埋爸媽家姐去玩,媽咪提番起我至記得,嗰陣仲申請咗西班牙領事館o既獎學金過去添,點知太期待個trip,溫書唔專心,結果考試肥佬,冇得去lu,要補考,結果反而全家人得我一個未去過西班牙~隔咗八年終於去了﹗之前一直冇放得比較長o既假,honeymoon嗰次因為11月,覺得應該要去南半球,暖一下,而且想去浪漫又風光明媚o既斐濟做honeymoon,西班牙出局了~舊年同埋爸媽姐family trip,去咗斯里蘭卡,西班牙又出局了~適逢今年考完試要放個長假優待下自己,又真係好耐冇去過歐洲了,上一次同爸媽姐去德國奧地利瑞士嗰次都仲未入大學,加上叫做入秋,歐洲開始日短夜長,似乎只有夜貓子西班牙適合呢啲日子去,終於輪到佢啦~

咁多年冇練習過西班牙文,我都係打定輸數,打算做個講英文o既遊客,但又躍躍欲試,只可惜考完試第三日就出發,冇時間俾我溫書~礙於西班牙呢段時間o既溫差大,氣溫係5-25度,好似要帶晒全個衣櫃o既衫去,day只准我帶一半西班牙文書去,好啦,我就揀咗一本vocab書啦,又有少少短句,又有多啲vocab,應該夠用啩?

因為出發前要溫書考試,個trip幾乎冇乜點prep過,不過我都隱約有啲印象要去邊啲地方,做咗極少o既預習,我哋book好機票、三間酒店、買好一場西甲波飛、執好行李就出去了,其他detail乜都未搞…heehee,所以雖然去到咁遠,但都有唔少即興o既事情咯~

開頭話11月1至10號去,但想爭取搭夜晚機,所以10月31晚就出發了,day話哎吔,得半日我返工都係返得一陣,結果我哋31日好似多日假係香港咁,不過好重要丫,因為行李幾乎未執~SONY DSC

指定動作當然唔少得啦~我哋五點半左右機,三點幾嚟到機場,好耐冇試過係啲咁多人o既時間搭飛機了,上次去曼谷係超早機,再上次去釜山又係超夜凌晨機,機場都冷冷清清的,今次感受到香港機場o既繁忙同活力了~

我咁大個女第一次搭Qatar,第一次Doha轉機,對於Doha o既印象就只有當年香港申請亞運輸咗俾佢,其他乜都唔知了,所以對於轉機嗰幾個鐘有得係嗰度機場逛一逛都有少少期待,而且Qatar應該都係有錢石油國家吧,機艙、飛機餐會唔會特別好呢?SONY DSC

後面就係我哋搭o既航班了~今次帶咗電腦去呀,但除咗係機場用過,同埋用過一次嚟過相之外,電腦都冇乜出場了,因為日日都早出晚歸,返到酒店都冇乜時間用電腦呢~而且而家電話上網乜都做到咁滯~

今次搭過Qatar係Doha轉機之後,我都不太recommend大家行呢條線去歐洲了,因為確實兜咗路,一程七個幾鐘一程八個幾鐘,連埋中間等轉機最少兩三個鐘,比起直飛歐洲再轉真係花多好多時間,講出嚟我哋今次去西班牙食咗四餐飛機餐真係嚇死人,而且多哈機場真係好神奇囉,啲飛機係唔係泊係客運大樓旁邊的,來往都要搭接駁巴士,但唔同香港或者其他機場咁搭接駁只係3-5分鐘,係多哈,搭接駁巴士時你o既感覺係好似由屯門出到荃灣咁遠的﹗﹗好誇張~

不過呢,Qatar服務都ok o既,座位嘛,唔算特別舒服或特別唔舒服啦,飛機餐都幾好味,不過今次去程啲飛機餐就細份咗少少,啲飯得0.5cm厚,回程時就大份啲啲~SONY DSC

航班娛樂就真係幾好~有Running Man睇丫﹗﹗﹗仲係我未睇過o既今年8月o既一集,不過冇中文字幕,得估估下,但都好好呀~而電影選擇就好多,有最新電影、經典電影、世界各地o既年影,唔係全部有中文字幕,但選擇都好足夠~我第一程時睇咗神探伽里略—-真夏方程式,當然係正常o既好睇啦~之後睇咗唔太明白o既Running Man~

SONY DSC

多哈o既夜景~

SONY DSC

雖然係飛機上食咗兩餐至轉機,但我哋落到地都覺得餓,見有啲時間就去搵嘢食﹗有冇阿拉伯風情o既美食呢?唔係好覺,結果叫咗個wrap~見到紅衫o既小伙子嘛?佢哋係我哋同機o既年輕人,睇佢哋件衫,難道係港隊o既空手道隊?咁後生就做港隊咁叻o既~~回程時我哋都同佢哋搭同機呀,不過係西班牙時就冇撞到過~SONY DSC

享用wrap + 機場wifi中~SONY DSC

見仲有時間,逛逛機場商店~哇,佢哋啲金金會咁樣掛晒出嚟o架,睇啲款式,雖然都係金器,但同中國人o既真係好唔同~SONY DSC

仲有手信、零食、香水化妝品嗰啲~睇啲阿拉伯糖果,我哋見咁特別本來都心思思想買啲返香港,但見到揹十日,咁啦,如果回程時經過都仲想買先至買啦~

SONY DSC

見到個Medical Clinic o既圖示係新月,係咪因為係回教國家?正如紅十字會都唔叫紅十字會而叫紅新月會?

好喇,再搭番接駁巴士去「荃灣」~

第二程機就精彩咯,我睇咗FTIsland洪基o既一套電影,講佢做個唔生性o既年輕偶像,去咗間末期病人o既善終醫院度做社會服務,不過,精彩o既唔係套戲,而套戲我都睇唔完,因為…

睇睇下戲時,突然間被crew o既廣播插入,係一聽令我心卜卜跳o既廣播,因為空姐問在場有冇醫生護士﹗﹗﹗﹗﹗﹗我真係估唔到呢啲事會發生係自己身上,戲就做得多,同學之間間唔中都會談論下呢啲事,但原來真係會遇到~咁當然要自告奮勇啦~好在啱啱考完part 2,慣咗用英文問症,嗰位Scotland o既女士腳腫,我問咗啲問題唔似DVT(靜脈栓塞)之後,就好放心咁reassure佢,我好慶幸自己係個家庭醫生﹗﹗因為見到各式各樣o既physical complaints我都唔會怕你o既~~~後來返去繼續睇我o既戲,但個心都仲未定得落嚟,哈,後來我reassess多佢一次,幾好丫~發覺外國人即使係年紀大啲o既,都好了解自己o既症史,又識得講history,可能因為佢哋educated啲啦,隨口都可以講到自己o既chronic meds,香港o既病人們要好好學習一下~

SONY DSC

抵達西班牙了,好不容易啊~好在天氣好好﹗天氣係凍,但都未至於好誇張,清晨時份,我哋著短袖+衛衣+外套都勉強夠~SONY DSC

機場好大好靚呢~SONY DSC

心情都好起來~IMG_1593等行李時我差唔多瞓著覺了,迷迷糊糊之際有位外國女士嚟同我講嘢,原來係嗰位「哎吔patient」丫,佢嚟同我道謝,唔駛客氣~~ 🙂

好啦,拎好行李,上路去也~

待續

前住其他西班牙旅遊blog

Comments

comments

在《31-10-2013:西班牙day 1.漫長的飛行旅程》中有 8 則留言

  1. 坐飛機時廣播問在場有無醫生,依個係典型電視劇及電影既橋段,但現實生活中都未遇過,咁都俾你遇到真係好好彩~(個病人同班crew都好好彩)
    無得食阿拉伯美食真係好似連唯一係多哈轉機既好處都無埋添~
    實際上你去到西班牙係當地時間幾點?

    • 個patient本身都冇咩事,而且我都冇乜咩真正做到,但我諗講說話令佢安心好緊要囉,而且係家庭醫生o既強項﹗﹗
      冇好處呀,所以除非真係慳好多$$ or大把時間,否則都不太建議係Doha轉機~
      我哋去到時早上八點左右啦~

  2. 那個女人如果沒有妳的安慰,,要擔心到下飛機,都幾慘!能幫到人好開心吧?

    • 最開心o既可能唔係幫唔幫到人,而係開心自己可以毫不猶豫走出去話自己係醫生,而對住陌生人、係陌生環境都可以冷靜專業地問症、講解,覺得自己成長了﹗﹗

  3. 新建的機場雖然都很漂亮,購物的商店也令人愜意,但想到長程旅行,為免增加負擔,還是打消購買的意欲。這次我們兩次在丹麥轉機,就有深刻的體驗。

    • 我結果都好慶幸冇買到啲阿拉伯糖果,我估應該都唔會太好味,恐怕都係西班牙手信會好食啲﹗﹗

Rita 發表迴響 取消回覆

你的電子郵件位址並不會被公開。 必要欄位標記為 *