食飽飽就行過去大皇宮啦﹗大皇宮可以話係今個曼谷trip唯一o既經典景點，因為冇好落力刨旅遊書，所以都冇乜認識，去之前唯一o既印象就係爹媽幾年前嚟曼谷時中咗「大皇宮騙案」o既伏，不過精明o既佢哋雖然進入咗騙案o既行程，但零損失~
當時有人係大皇宮外面同佢哋講今日大皇宮遲啲開放，不如以一個實惠o既價錢載你市內遊啦咁，於是就上咗tuk tuk，確實有去啲景點，但就只係停留一陣，跟住去咗寶石店就留好耐都唔載佢哋走，佢哋不太喜好shopping，逛完就係門外等司機返來，但一直未見有人，後來好似有人同佢哋講唔駛等喇，先自己再截車返去大皇宮~原來呢啲「焗你買嘢手法」到今時今日已經變得好出名，旅遊書都有教你提防呢~我哋今次就算中其他伏都唔會中呢招啦，因為入場時間都晏晏地，要拿拿林係關門之前完成~
沿住大皇宮o既外牆行過去入口，跟住人潮就應該冇錯了~
去到門口，好，買票入場~
入到去馬上就要哇一聲了，原來泰國o既大皇宮係非常豪華，周圍都金光閃閃呢~
入面有廟宇，當然唔少得看守門口好威武o既神像了~
祭祀用鮮花~
大壁畫
好精細呢，每個人仔都唔同表情，連膚色同衫o既detail都有唔同~
高雅o既蓮花~
呀，入大皇宮係唔可以著短衫短褲的，我哋係斯里蘭卡時已經有經驗，醒目識得帶定圍布嚟變成長裙~(請參閱：10-12-2012：斯里蘭卡day 3(part 2)．Dambulla Caves．香草園、11-12-2012：斯里蘭卡day 4(part 1)．佛牙廟)當年去印度時成日無啦啦俾人賺呢~嗰次就經典了，我條裙都不太短，但去到清真寺門口就有人二話不說衝過來幫我包條布然後問我攞錢囉~(請參閱：18-5-2008：烏蠅之城)
如果唔記得帶圍布，可以咁~睇呢幾個佬啲褲風格幾乎一模一樣就知佢哋應該去到大皇宮外面至套條褲上去啦~
雖然有大皇宮內地圖，但我都唔係好搞得清邊度係邊度~總之度度都好靚好金碧輝煌啦~
我哋嚟泰國玩時對於金碧輝煌嘅皇殿只係讚歎，冇乜其他特別熟悉嘅感覺，但最近睇緊2006年嘅舊韓劇「宮」，皇太子李信去咗泰國訪問時就有去參觀大皇宮喇，反而睇劇時有種熟悉感呢，呀，呢度我去過咁～
detail位都纕上寶石~
有佛教徒將水灑係頭上，係咪代表祝福？
見到呢幅壁畫，諗起去西班牙時係普拉多美術館睇過嘅一幅畫，Goya嘅「神農噬子」~(請參閱：8-11-2013：西班牙day 9(part 1)．普拉多美術館．雷提洛公園@Madrid)
click入呢條link可以睇到我講嗰幅畫：
哇，撞正有士兵交更丫，湊下熱鬧先~
呢度遇著兩個想我哋幫佢哋影合照嘅鬼，咁就啱啦，又幫我哋影番張先～
出返嚟有個皇室織品博物館，有啲綉咗圖案嘅布疋呀嗰啲，呢一刻對我哋嚟講最重要係避下雨同埋涼下冷氣﹗離開皇宮時都落緊雨呀，我哋只好急急腳行番出去碼頭，等船時雨先慢慢停落嚟咋～
待續
前往其他泰國旅遊blog
如果不是遇上焗我們shopping的車伕，我們就有足夠時間仔細逛皇宫，所以那次雖然沒有金錢損失，卻有時間的損失。
但成為騙案主人翁都算係特殊經驗啦(凡事向好處想…:p)，而家諗番起都唔係激氣而係得啖笑啦~