29-5-2013:釜山麗水day 5(part 1).海雲臺.冬柏島

雖然我哋住係海雲臺旁o既Sunset Hotel,但都係去到第五日我哋先第一次踏足呢個釜山最出名o既景點—-海雲臺海水浴場~佢以又長又白又細o既沙灘而聞名,係海雲臺的戀人們入面影到夏日o既景色,有好多美男美女o既海灘,真係好吸引~但呢幾日天氣真係陰陰暗暗,唔落雨都偷笑~SONY DSC

一落到海灘,見到呢個﹗我鍾意~無煙o既海灘至啱家嘛~SONY DSC

暗暗的海灘,唔,好似冇預期咁吸引添~anyway,咁涼o既天氣,無論點都唔落得水o架喇…SONY DSC

只冇一絲絲o既陽光…天氣涼涼,果然冇乜人呢…

我哋沿住海灘慢慢散步過去冬柏島嗰邊~SONY DSC

咦,點解有啲推土機呀,起重機呀嗰啲o既?大興土木乎?又冇理由係度起咩設施o架喎~SONY DSC

因為嚟緊下個星期係國際沙節丫﹗有好多堆沙高手會嚟參展,咁大堆頭,梗係要啲機器幫下手啦~我哋之前係長途巴士總站時睇個電視都見到個廣告,可惜要走了,無緣參觀~SONY DSC

就係呢個沙節了~SONY DSC

人類都係鍾意食食食,係沙灘o既後面,唔係零星o既小食亭,而係成條食街咁﹗仲要…SONY DSC

賣啲好勁o既海鮮﹗連鮑魚嗰啲都有~SONY DSC

去到沙灘o既另一邊,陽光出來了,沙灘靚好多~諗住要set自拍王之際,有個好熱心o既本地人走過嚟主動走過嚟話幫我哋影,多謝你啊~SONY DSC

又長又半圓o既海灘都真係名不虛傳o既~呢度比起廣安里嗰邊個沙灘應該都真係更靚~SONY DSC

過去冬柏島要經過一間酒店,見到呢件咁o既東西,day走過去拎嚟開機試下,我呢個膽小如鼠o既人就叫佢,哎吔,唔好搞人哋啲嘢啦,乜你咁大膽o架?哈,原來係啲強力出風,專登俾人吹走啲沙o架,所以day拎嚟「玩」都算過份~ :p因為本身都係俾客人用o既~SONY DSC

連接住海雲臺直接就已經係下一個景點—-冬柏島~呢度係Running Man景點嚟o架,後面我哋會去o既APEC會場世峰樓咪就係佢哋同李多海、吳志昊玩死守真包袱戰嗰個最終任務場所囉~SONY DSC

冬柏島有一條木棧道圍住海邊,沿路觀賞海景~如果住係度真係可以日日嚟晨下運~SONY DSC

好舒服呢~SONY DSC

回頭睇,離海雲臺都有一段距離了~SONY DSC

觀景平台~SONY DSC

後面就係世峰樓了~SONY DSC

影低佢,唔怕唔記得係咩地方,如果唔係,我哋心目中就只有,唔,呢度係Running Man嗰度…:pSONY DSC

入面有好多關於嗰次會議o既資料,好似參加o既國家啦,有邊個元首出席啦,佢哋嚟時著咩衫啦,有咩食啦,有咩紀念品呀咁~呢度係有段video睇,點解要影個地下?因為你企係相應o既語言腳引,你就淨係聽到嗰個語言啦~SONY DSC

好grand o既會議室~曾蔭權都嚟過呢度坐過開過會~SONY DSC

參觀時我話,哇,呢人真係識歎,係啲咁靚o既地方度開會o既?﹗仲要係專登起嚟嗰次會議用,當然,而家都間中有俾其他團體用下啦,但我估中間最大最grand嗰個會議廳應該唔係太多機會用得著咋啩?不過而家間中借下俾電視台拍下Running Man都算係「活化」o既~SONY DSC

對呢個位置有印象嘛?SONY DSC

我哋落番去地下,好似個公園咁,哇,又見到有學校帶小朋友嚟參觀,哇,佢哋排住隊一人影一張單人紀念照丫~好可愛呀~SONY DSC

到此一遊相﹗呢個view就同小朋友影嗰個差不多喇,不過我再近少少~SONY DSC

認得嘛?呢度就係尋晚見過o既廣安大橋了,不過日頭變得平凡一啲呢~

我哋決定下晝要去Centum City o既Spaland,中間去邊度食lunch好呢?開頭諗住落番去搵架巴士搭番去地鐵站,再過去Centum City嗰邊食嘢、買嘢、Spaland埋~SONY DSC

City Tour就唔啱我哋了,因為要買一日飛搭多幾程至抵~不過都影一影係我記得呢個好似都係Running Man景點,但邊一集係咩場合出現就唔係好記得~

諗住搵架普通o既巴士啦~點知行呀行,行好耐都見唔到巴士站,差啲諗住不如求其搭架的士之際,發現咗有間Home Plus,我記得旅遊書有介紹o架,係買手信o既好地方,我哋就暫時擱置之前o既計劃,入去睇睇啦,總之下晝去Spaland就ok啦~下集會繼續同大家入去Home Plus同埋Spaland~

待續

前往其他韓國旅遊blog

Comments

comments

發表迴響

你的電子郵件位址並不會被公開。 必要欄位標記為 *