28-5-2013:釜山麗水day 4(part 2).恬靜與哀愁的戰爭紀念、現代美術館

由釜山博物館步行就去到我哋下一個目的地—-聯合國紀念公墓~SONY DSC

呢個地方點講呢,有一種複雜o既感覺,環境非常優美,樹呀、草地呀都好翠綠,玫瑰花都開得好燦爛,照顧得一絲不苟,但因為主題係記念戰爭中死亡o既士兵,所以充滿住哀愁,好似唔應該「享受個綠油油o既環境」咁~

SONY DSC

入到去就馬上見到好大好大好大o既墓園,每一個係地上o既碑,連一個小花圃,屬於一個亡魂,有啲有名有姓,有家鄉,有出生年月日,但有啲連identification都冇﹗﹗真係冇咗條命都唔知為乜~SONY DSC

打理得非常好o既花草樹木,雨後,盛放o既玫瑰更美~SONY DSC

墓園劃分一個個國家o既區域,有啲真係大到慘不忍睹~SONY DSC

適逢有儀式舉行,見到升o既旗同奏o既國歌好似係法國,唔知係咩紀念活動?SONY DSC

呢度o既名字更多,點解人類唔可以係戰爭之後汲取教訓呢?又話我哋學歷史係要避免犯相同o既錯?點解而家啲人都仲係咁鍾意用武力解決問題呢?SONY DSC

參與南北韓戰爭o既國家~SONY DSC

呢度陳列出每個國家動用o既兵力、所作o既犠牲…SONY DSC

呢度叫做無名英雄之路,以記念嗰啲犠牲咗生命,但冇辦法追尋姓甚名誰o既烈士~SONY DSC

我都話呢度似個公園,行到墓園o既盡頭,有個小池塘,仲有小鴨鴨呀~SONY DSC

因為唔想走回頭路,我提議係墓園o既另一邊出口出去,嗰度係邊度?唔好理啦,出到去,求其跳上架去到地鐵站o既巴士咪ok囉~路經一個雕刻公園,但啲意境好似太高深,都唔係好知做緊乜…

不過so-called隨便搵架去到地鐵站o既巴士都唔係咁易,首先要搵到條大路先,我哋行行下終於見到多少少人,搵到條大路,但條路真係好闊,要行一段路先搵到過對面o既行山天橋,站o既位置又唔係好sure,啲巴士去邊就更加唔知…anyway,我哋最終都上到架巴士o既~ ^_^”SONY DSC

我哋過去centum city嗰邊,其實嗰度去睇幾樣嘢啦,一來要視察一下centum city入面spaland o既景況,因為打算最尾嗰日去,但地點、環境係點我哋都唔係好知,可以去睇一睇先~另外嗰邊仲有BEXCO,係類似會展o既地方,旅遊書都有講,另外附近有免費o既現代美術館,我哋都打算去一去~SONY DSC

現代美術真係冇界限呢,唔入展館已經有設計師好搶眼o既作品係大堂﹗﹗SONY DSC

好喜歡呢個,一張張畫有個燈膽照耀黑暗o既房間,而正正係畫o既後面真係裝咗個發光o既燈膽,所以畫中透出非常自然o既光線呢~SONY DSC

另外一系列我都好喜歡o既作品,藝術家merge咗現實同畫作,一部分係嚟自照片,一部分係用手畫出來的,放埋一齊又好自然bor~SONY DSC

好似馬賽克拼成o既人像畫…SONY DSC

其實係由大大小小唔同顏色o既蝴蝶拼成~

現代美術館都有配合一家大細呢,地庫嗰層係小朋友展館~有好多互動o既項目~SONY DSC

其中我都有坐低玩o既拼圖啦~SONY DSC

又見到貼咗堂o既小朋友習作,即使唔識睇都覺得好可愛呢~SONY DSC

呀,我之前有冇講過,舊年同今年去韓國,我個人有咩分別?我其實係呢段時間買咗啲書自學咗少少簡單o既韓文,其實有把握o既都只係睇住識得拼嚟讀,咁有咩用?因為韓文其實有好多都係外來語,有一大部分音係好似中文or英文,如果識得讀就明多咗好多東東~之前一直最有用o既就係搭車時識得睇住啲站落啦~

今次呢個就有用喇,話說day行行下話想去廁所,佢話記得樓上嗰層有廁所,我望到呢個指示牌,我話,唔駛上去啦,呢度咪有囉~事關呢度只有韓文「hua-zang-sil(化妝室)」,就只有我識睇喇,呵呵~(沾沾中…)

待續

前往其他韓國旅遊blog

Comments

comments

發表迴響

你的電子郵件位址並不會被公開。 必要欄位標記為 *