28-5-2013:釜山麗水day 4(part 1).釜山博物館之扮鬼扮馬

開始新一日o既行程…SONY DSC

先由早餐開始﹗

係Sunset Hotel開始見到香港人了~坐我哋隔離食早餐o既就係囉~SONY DSC

早餐種類都多,都有白飯呀、韓式小菜呀咁,但今次西式o既種類多咗、吸引咗,所以我都試試西式~

我哋今日o既行程先去釡山博物館,其實我去旅行都鍾意去博物館o既,可以睇下關於嗰個地方o既傳統呀、習俗呀、少少o既歷史呀咁,不過今次釡山博物館仲有額外o既一個target,陣間你就知~ :p

我哋去博物館o既過程都有少少轉折,雖然係正確o既地鐵站落咗車,但行錯方向,係度搵唔到路,騰雞之際,雨又大大地,我哋係間電器鋪前o既簷篷前避一避雨,睇一睇地圖…既然係咁,不如問下啲職員點樣行啦,有個職員好熱心,拎埋白紙出嚟畫個簡單地圖俾我哋睇點行~SONY DSC

yeah~順利去到﹗

係博物館門口,見到一部又一部o既旅遊巴停係度,乜咁多旅行團會嚟博物館o既咩?SONY DSC

anyway,係埋呢個靚靚地o既花園影下相先啦~

我哋放好東東係locker就入去行了,輕鬆好多~SONY DSC

其實入面主要係啲歷史o既進程,我哋係古裝韓劇入面講o既唔同時期,好似高麗呀、新羅呀、朝鮮呀咁,睇劇時只係一個term,哦,就好似外國人睇中國人o既劇,吓宋朝、明朝、清朝?都冇乜概念咁,睇完時好少少,但到而家當然又乜都唔記得晒啦~呵呵~SONY DSC

由最早期o既石器時代、青銅器時代就開始講了~SONY DSC

好可愛o既幼稚園學生團丫~佢哋好乖o架,一個跟住一個,有個走歪咗,後面個小朋友仲會追番佢叫佢入番隊﹗不過雖然老師一邊行一邊講解,我都懷疑只有最頭嗰兩三個聽到老師講乜,後面嗰啲可能只係傻乎乎咁跟住~SONY DSC

2013年係蛇年﹗記住呢張浮雕,點解?SONY DSC

由一個館連接去另一個館o既通道,有啲小朋友嚟參觀博物館o既寫生畫,有好多場景我哋都可以係館入面搵得到,其中仲有…SONY DSC

同一條蛇﹗哇哈哈哈~~~~由兇神惡殺變得可愛咗~

SONY DSC

除咗一樣樣展品放係櫃入面display之外,都有啲模型呀,比較生動o既presentation嗰啲~

頭先咪話見到好多旅遊巴o既,我哋行行下就明白了,因為我哋正專心係度睇緊啲展品時,忽然後面噪音大作,有啲強勁o既普通話湧過嚟,我哋決定等佢哋走咗先繼續前進…SONY DSC

點知係有一批又一批的…哇,難怪有咁多旅遊巴,世界上最多o既—-果然係中國人~

行完成個圈,點解都仲未見到我哋釡山博物館最期待嗰part o既?出番去locker嗰度,問一問人,先知道原來係另一層,噢,佢哋lunch time中,好啦,我哋都去lunch time先啦~SONY DSC

我哋隨便係博物館附近搵嘢食,見到呢間靚靚地o既鋪頭,就上咗去了~呢度食人蔘雞o架~今個trip我哋都未食過~

SONY DSC

餐廳環境好舒服,我哋被帶到坐地蓆o既區,雖然唔係好慣,但感覺更有趣~SONY DSC

當然唔少得各式各樣o既小菜啦,上面嗰幾款大家睇落都唔陌生,要特別介紹一下左下角o既炸物,平時好少有炸嘢o架喎,一咬落去,哇,原來係炸人蔘﹗﹗出乎意料之外o既好味道bor,甘甘地o既香味,外皮脆脆,裡面軟軟的,加埋個紅色汁酸酸地都幾好食~SONY DSC

到主角蔘雞湯了,我哋叫一個蔘雞湯,一個牛骨湯+鮑魚,都好真材實料~食到超飽囉~估唔到啲韓國人上班族真係會食個咁巨o既湯做lunch~

食飽飽我哋番過去博物館,登登—-其實我特別想去o既,就係—-SONY DSC

韓服體驗﹗﹗

嗰度體驗館有幾樣可以試的,好似有拓畫、韓服、茶道等等~我睇旅遊書時就已經瞄準咗韓服體驗,話說人唔多不特止,而且啲衫都好新淨下,又可以任影相等等,非常吸引,最重要係費用全免﹗﹗

招呼我哋o既職員大嬸再一次地係講流利o既普通話,所以我哋可以吱喳一下添~佢問我哋有冇睇韓國o既節目,我話鍾意睇李民浩同埋鍾意睇Running Man,佢好似不以為然添…:p係年齡唔啱定係佢咁啱聽唔明我講呢一句?

佢問我哋想揀著咩衫,做皇后定公主,我揀咗公主o既新娘禮服,我老公當然係駙馬爺啦~SONY DSC

不過原來新娘禮服裡面,都係普通o既韓服先,可以先影影basic的~其實我覺得呢個仲靚呢,而且我個現代頭相對地冇咁突兀~SONY DSC

公主衫對袖超級長,著好咗放番落哋自己好難整得番好,所以要keep住呢個動作~佢製作真係好精美o架,男裝仲有埋長靴添~(不過好似係拉鏈的,要問問試穿者,佢可能記得清楚啲~)SONY DSC

搞鬼o既係,除咗有各樣o既衫之外,仲有唔同o既場景,好似影樓咁俾你影相~因為冇人嘛,我哋大影特影﹗﹗SONY DSC

好,解除裝備﹗後面仲有傳統o既婚禮添呢~當時職員大嬸同我哋講咗每一樣物品代表o既意義,而家交番晒俾佢lu,總之唔係恩恩愛愛、白頭到老,就係升官發財、早生貴子嗰啲啦~SONY DSC介紹韓服,當然唔少得外國人喜愛o既韓劇啦,大長今入面o既醫官醫女衫、尚宮娘娘衫都有展示出嚟~

好滿足~目標成功﹗

待續

前往其他韓國旅遊blog

Comments

comments

2 關於 “28-5-2013:釜山麗水day 4(part 1).釜山博物館之扮鬼扮馬” 的評論

  1. 炸人參好好食,唔知可否在香港開一檔!
    導賞員喜歡的是宋慧喬~~
    衫同鞋都是有拉鍊的~穿著方便 🙂 !

    • 炸人參很難做主角啦,賣人參雞附送就差不多〜
      因為她不是小妹,所以喜好不一樣〜

發表迴響

你的電子郵件位址並不會被公開。 必要欄位標記為 *