我哋甘川洞直接搭的士出番嚟熱鬧啲o既市中心地區，叫的士司機載我哋去南浦洞國際市場，國際市場既係Running Man景點，「鑽石舞步」特輯，Running Man們同啲大哥們係度玩心靈感應，兩pair人用水泡圈圈住出去搵食，要揀中同隊友嗰pair一樣o既圖案咭，就係呢度了~同埋呢，我今次去釡山之前都專登睇咗韓劇「海雲台的戀人們」至嚟，劇入面男女主角就有嚟過呢度啲小攤子食嘢了~
典型的市場，我哋入到嚟都可以喘一口氣，撐住雨遮成日，終於有啲半室內o既地方可以休息一下~
呢度真係乜都有得賣bor，刀都係就咁放晒出嚟任揀，有人顛咗咪好危險？﹗
當然唔少得呢啲糧油雜貨~
既然係Running Man景點，其實我哋都想食下入面啲美食，不過因為落雨濕濕，好多小食店都冇開門咁？我哋結果食咗一款咋~呢個view就係我哋食坐o既路邊view~
有韮菜煎餅~都幾香丫，入面除咗有韮菜，仲有啲魷魚呀嗰啲，都幾香，不過油咗少少~
「屈屈質質」的餐廳~
經過一日o既摧殘，陪伴我好耐o既呱遮要退休了，係旅途中我要留低你啦，臨離別影張相做個紀念啦~
行番出嚟見到龍頭山公園o既釡山塔，話說呢個塔係釡山o既地標，可以飽覽釡山全景，但我哋見啲咁o既天氣，能見度咁低，都係唔好花呢啲時間同$$上去了~
南浦洞購物o既大街，但落雨o既心情+實質o既狼狽都令我哋冇乜心機逐間商店入去~我哋都係經過咗就算，直接去下一個目的地了~
我哋今間決定去札嘎其市場﹗札嘎其市場係釡山最大o既海產市場，好大o既大樓﹗我哋仲未肚餓，所以先隨便逛逛啦，最底兩層係賣新鮮海產的，你可以買好直接拎上樓上o既餐廳俾店家煮，樓上就有好多餐廳，都可以直接點菜~呢度仲有唔少乾貨賣，不過唔知點煮唔知點講我哋都冇係度買，之後反而有係超級市場買啲魚乾呀嗰啲番香港~
唔知係咪時間唔啱，咁冷冷清清o既？海鮮o既種類同平時香港常見o既都唔係好一樣，你見到嗰啲好大o既鮑魚嘛？
我哋上咗頂樓o既觀景台，可以望到海呢~
好高層竟然有間民宿係度﹗我真係唔明白點解會想住係魚市場樓上o既民宿囉，下邊好似好混亂咁，人來人往，而且會唔會有腥味添？
我哋都決定係度食埋dinner，其實呢餐我哋高度懷疑我哋係兩條肥美o既水魚，不過算啦，做得遊客好難時時都咁精明o既~係度又食到我想咗好多日o既生魚片套餐~其實唔係貴得咁離譜，恐怕係香港都要咁o既價錢，不過總係覺得被騙咁~因為我哋經過時個阿豬媽打開佢個menu，指住生魚片俾我哋睇，居然自動減價喎，跟住我哋覺得ok啦，坐低之後佢話我哋淨係食生魚片唔夠，建議我哋食埋海鮮湯，哎吔吔，是但啦，坐低咗，去到第二間可能都係會咁…點解會覺得被騙呢，我哋落好order，佢就收咗我哋錢先，莫非佢預咗俾啲貨不對辦o既嘢我哋？
餐前o既小菜都好多款式o既~不過令人疑惑o既係嗰兩粒煮熟咗o既薯仔，仲有啲生生地o既紅蘿蔔，咁都係前菜乎？
呢碟八爪魚阿豬媽話請我哋食，hey，邊度有話請唔請丫，都收咗我哋咁多錢囉~
就係呢一檔﹗佢哋似乎掌握咗附近o既幾個檔，點解間間啲食物都係呢度出o既呢？
主角出場了﹗算啦，條魚係冇錯o既，佢都好好味，仲有兩款唔同部位，雖然我哋兩個真係唔識分呢條叫咩魚，同埋嗰兩個部位係叫咩部位，不過上面切得細條啲嗰種有嚼勁少少，同埋甜啲~而大片o既就係平時一般o既美味啦~我哋學啲電視入面啲人咁，同生菜包住魚片，再加啲甜辣醬，唔，都好好味呀，同日式加豉油wasabi食法感覺好唔同~
示範中~不過我真係食唔到紫蘇葉，香味太濃烈了~都係平和啲o既生菜啱我啲~
呢個就係「海鮮湯」了，但嚟嚟去去，好似得我哋嗰條魚o既魚骨魚頭魚尾係入面，同埋啲青菜咁，究竟係我哋誤會咗「海鮮湯」，而事實上係「鮮魚湯」，定係有心欺騙呢？嗚嗚~有冇俾人呃都唔知~
食完都冇話好飽好滿足咁，可能係心理問題…
落番地下，見到啲魚排晒地下，好似將太的壽司嗰啲場面呀~
好在今日o既行程最終都有個好o既結尾~我哋出番去啲大街，憑住印象，我搵得番頭先經過o既一間靚靚cafe，我哋要去搵番個好o既「結尾之作」﹗呢間甜品店叫—-雪冰，如果大家嚟釡山旅行，一定要食呀~
day上樓上搵位，我落去揀嘢食﹗我揀咗款刨冰，係因為見到附近好多人都食呢款呀~唔知有咩特別呢？
等候中…我哋最近呢兩次去韓國，都係度話點解香港唔整呢啲系統，咁個美食廣場咪唔駛咁嘈咁叫number囉，or大家唔駛企晒係度睇彈咗自己個number出嚟未，不過最近裝修好o既apm美食廣場已經有呢啲震震號碼牌了，很好~不過呢度呢個特別靚~
來了來了~淋上旁邊o既煉奶，開動﹗我咪話過今次個trip食咗三個刨冰o既，呢個係第二個，但每一個都令人印象深刻，但呢個係當中o既第一位，因為佢係我未食過o既刨冰~軟軟綿綿o既刨冰上面係輕飄飄o既花生粉，香香脆脆o既杏仁片，有咬感o既糰子，仲有甜蜜蜜o既煉奶汁，yummy~味道係好古典、優雅的，同呢度o既裝潢、氣氛非常配合~
上次係麗水o既芒果刨冰，係十幾歲卜卜脆o既小女孩刨冰，呢個就係廿幾歲o既成熟味道，所以我更喜歡呢個~cafe環境好cozy，昏昏暗暗o既燈光，好適合放工後三五知己係度聚一聚~10推介~
我食完呢個刨冰之後變番笑咪咪了~
待續
前往其他韓國旅遊blog