25-5-2013:釜山麗水day 1(part 3).麗水世博之Aqua Planet水族館

離開特殊美術館,我哋馬上去參觀係同一building內o既水族館~贊助人o既芳名~水族館分開三個部分,分別係海洋動物館、生態館同埋海洋生物館~聽落好似唔係好知有咩分別?我哋先進入海洋動物館,其實講o既就係海洋入面o既哺乳類動物,呢個館最受大家觀迎,大家停留o既時間係最耐的,因為啲動物好可愛啊~

水獺應該係可愛的,2006年嗰次去美國加州o既水族館就睇過非常活潑o既水獺(請參閱:28-6-2006:我愛水族館),但今次呢啲好似懶懶地噃,幾隻堆埋一齊…zzzzzzzzzzzzzz~~~~~~~~~~明明設計上有一個俾佢哋玩o既滑梯佢哋都冇示範一下~

企鵝就活躍少少,會企出嚟望下鏡頭影相~

各有各o既姿態~

唔講都唔知原來企鵝有咁多品動喎,原來最初人類見到啲好大隻o既企鵝時好震驚,封佢哋做King Penguin,但後來科技再發達啲,去到啲更偏遠o既寒苦地區,發現體型更大o既企鵝,命名做Emperor Penguin,從前o既皇者風光不再了…慘慘豬~不過其實啲企鵝各有各o既可愛丫~

恩愛o既企鵝s~

溫馨o既企鵝媽媽and BB~之後就到鎮館之寶—-白鯨~

見到佢哋時真係「哇~」咗一聲,因為真係好好好大大大大大呀~~~~~~~~~~~~~~~~~~

我同day稱佢哋做「嗰兩條肥嘢」,哈哈,好似我哋咁~白鯨又活潑又可愛,係個水池度游嚟游去之餘,好似最鍾意撩工作中o既兩個蛙人玩~

睇啲資料知道,原來白鯨出世時係灰色o架,係佢哋用身體係岩石上不斷摩擦摩擦,慢慢變成白色,呢個動作要不斷持續,去維持佢哋白雪雪o既外貌~

之後仲有海獅同海豹呢~

唔知係咪因為佢哋係小朋友呢,好似比起海洋公園嗰啲更活力充沛~

個水池o既頂部同底部連接住呢個圓桶形o既小池,所以啲海獅們可以由上而下or由下而上咁游呀游,神出鬼沒咁~

我叫day扮一下嗰隻神出鬼沒o既海獅個樣,佢忽然面對住我係個大水池玻璃前浮上來,令我大吃一驚呢~超級cute~

大家都充滿期待咁等佢哋無啦啦咁出現~ 🙂

原來俄羅斯有一個全世界蓄水量最大o既淡水湖泊,叫做Baikal Lake,有咩特別?因為係一個isolated o既habitat,所以有好多全世界其他地方冇o既生物~

其中就有呢種全世界唯一o既淡水海獅喇~

上一層可以從另一角度睇嗰兩條可愛o既肥嘢~係呢度…我哋相機舊電池宣告太肚餓之下罷工,所以之後o既相都係用iphone 4S同埋iphone 5影的了,希望畫質都過得去啦~我哋進入下一部分—-生態館~係呢度,世界唔同角落o既生態係呢度微型咁展現出嚟~

有個體驗池,我哋試咗俾啲小魚kiss kiss,原來既唔係痛,亦唔係痕,而係震震地咁~都幾得意~ :p

靚靚o既水母~

見到呢啲閃閃發光o既魚群,先讚歎一下佢哋好靚,睇一睇個介紹,原來係食人魚,即刻怕怕,後退幾步先~

外面有個相片廊,我最愛兩條肥嘢對住鏡頭smile呢張~

day都揀咗肥嘢~不過係伸出水面o既hihi~入去海洋生物館~

非常壯觀o既沙丁魚群~

呢幾條魚做乜將自己貼係玻璃上面?

仲有超大魚缸~不過唔似沖繩嗰個有鯨鯊作亮點(17-8-2007:沖繩2007第二天@萬座毛、海洋博、今歸仁、菠蘿園),但吸引我哋眼睛o既,反而係有平時成日食o既黃立倉(?﹗)係入面游來游去,不過比我哋係街市買到o既大條好多﹗﹗

出咗去之後仲有肥嘢作主題o既特殊藝術呢~

待續

前往其他韓國旅遊blog

Comments

comments

在《25-5-2013:釜山麗水day 1(part 3).麗水世博之Aqua Planet水族館》中有 2 則留言

  1. "我同day稱佢哋做「嗰兩條肥嘢」,哈哈,好似我哋咁~" →即刻爆笑左﹗﹗﹗
    [版主回覆06/08/2013 11:35:07]呢個「肥嘢」稱號好快要消失,當我努力運動之後~ :p

  2. HELLO~你好呀~我會搭KTX 12:00去到麗水EXPO站
    想請問如果唔睇博物館, 剩係去水族館,SKY TOWER同埋睇BIG-O既話,
    半日行唔行得晒?
    睇落個場地好似唔係好大…
    THANKS
    [版主回覆09/29/2013 14:05:15]其實夠晒lu〜
    我們都是用了一個下午之嘛〜反而會有時間剩!

發表迴響

你的電子郵件位址並不會被公開。 必要欄位標記為 *