16-12-2012:斯里蘭卡day 9.居住在森林和原野@Yala

一早起身,我哋要收拾細軟準備出發去Yala了﹗當然出發前都歎番個靚早餐先啦~SONY DSC

我哋住嘅Aqua Zen房,連度門都非常型格﹗combine breakfast

今日天氣更好呢,有啲陽光,影出來個海顏色更有層次了~早餐我哋繼續要light選擇,有French toast配水果沙律,另外有wrap配蕃茄scrambled eggs﹗都係新鮮選擇~SONY DSC

臨走前係Cantaloupe Aqua Beach Club Hotel前個大A字影番張招牌先~

下一張相已經係幾個鐘之後嘅下一間酒店了﹗今日都花咗一個早上搭車,由Talpe去位於Yala National Park旁邊,我哋要入住嘅Chaaya Wild Yala有176公里呢(啱啱用Google Map)計算過,即使最順利都要三個幾鐘,但只計距離咋喎~我哋一早搵咗Talpe嘅酒店櫃枱幫我哋預約司機,最初講係講去Yala,司機就assume咗係去Tissamaharama,事關大多數去Yala National Park嘅遊客都係Tissa落腳,嗰邊有多啲酒店選擇,但今次我落重本揀咗住Chaaya Wild Yala,係因為佢就正正係國家公園入口旁邊,係agoda.com啲人comment都話酒店簡直就似係野外入面,小屋四周都好多小動物,咁吸引所以貴啲都住囉~但原來Chaaya Wild並唔係咁多人識,個司機去到嗰頭都要問路,而且比佢想象中遠好多⋯入去條路仲好崎嶇難行,凹凹凸凸嘅泥濘路,拋下拋下咁,但嗰架車只係一架普通嘅客貨van,真係有少少委屈咗佢同司機,所以司機都老實同我哋講收費要加碼,因為遠咗好多公里,佢成本都真係高唔少嘅,我哋都冇異議嘅~SONY DSC

條路好難行(只係架車行啫其實),但去到酒店就好高興了﹗雖然係位於野外地方,但佢同時都係好舒適同現代化嘅靚酒店﹗我哋check-in係坐定定有工作人員嚟serve同埋介紹㗎~佢哋英文都好好同埋好nice添~

大家可以入去酒店個website睇下:

http://www.chaayawild.com/chaaya-wild-yala-sri-lanka.htmlSONY DSC酒店有分beach chalets同埋jungle chalets兩款小屋,中間就係餐廳活動中心前檯complex,仲有個游泳池添~但天氣唔好,我哋逗留係呢度時間唔長,所以都冇打算去游水了~SONY DSC

呢間就係我哋嘅森林小屋喇﹗對於佢真係又愛又恨,好喜歡佢位於好多樹木中間,好休閒好舒服,但啲森林小屋s間間都一樣樣㗎﹗而且分佈得好零散,所以要認路認得好辛苦﹗日頭時出入都感覺安全啲,但入夜後路燈極微弱,要搵番自己間小屋好有難度﹗其實酒店有接送服務㗎,即是你如果要由小屋出去前檯嗰邊,可以打電話出嚟要求職員送你,但我哋有成兩個人,感覺又好似誇張咗啲囉~SONY DSC

外面係樸素嘅森林小屋,其實內裡係豪華舒適嘅現代化房間,正﹗可惜我哋瞓得係度嘅時間好短,因為第二朝要超早起身去safari丫,天未光矇矇鬆鬆就要起身啦~combine chaaya wild

除咗靚之外,同埋都好寛闊,又設備齊全,行李都唔駛就咁攤係度,有行李corner,浴室都好好~SONY DSC

第一樣歡迎我哋嘅動物係野豬呢~佢地自在的四處走動,旁若無人咁~SONY DSC

我哋上咗所謂觀景台望望,其實就係餐廳嗰楝樓嘅天台,夜晚嘅時候呢度係間bar嚟添~SONY DSC

正後面係個小池塘,再遠少少嘅係印度洋嚟㗎~雖然之前去過印度咁耐,但都未見過印度洋,只見過阿拉伯海,但今次嚟斯里蘭卡就接觸到印度洋喇﹗不過用「接觸」呢個字,家姐就適用,我嘛,正確嚟講都只係望過啫⋯:p (請參閱:9-12-2012:斯里蘭卡day 2(part 1).Negombo at a glance)SONY DSC

肚子餓了,填飽佢先,因為時間都晏晏地,我哋決定食少少就算喇,叫咗一個pizza一個湯嚟share食~不過呢餐就食得不太暢快喇,因為有好多飛飛丫,而且仲係污糟嘅代表烏繩,不過我又唔會怪酒店唔乾淨嘅,咁係野外丫嘛,乜動物都要接受㗎啦可?SONY DSC

呢啲叫未出發先興奮﹗我哋聽日嘅safari會唔會見到咁多動物呢?好期待啊﹗我哋去咗呢張相後面嘅safari服務部預約聽朝嘅tour,其實基本嘅係天濛光tour,其實可以去多一個夜間safari㗎,不過我哋又唔係狂熱到咁,而且價錢都唔平,又唔想太cher,所以只去一個就ok啦~SONY DSC

我哋係酒店範圍都可以睇動物﹗池塘有雀鳥啦~SONY DSC

仲有唔同種類,當然我哋就唔識分啦~我哋今個trip用嘅相機係比較重嘅傻瓜單反機,畫面都好靚,但zoom嘅距離冇以前嗰部咁遠,呢啲時候就會覺得可惜了,如果部舊相機係度就可以好清楚睇到隻雀啦~

話說我哋想返去酒店房,唔知點解條鎖匙開唔到門,於是day就行番出去front desk問問情況,我就留守係小屋前面嘅小陽台坐坐等佢哋,因為落雨都落得有啲密了,我唔知專心係度睇書定點樣,抬頭一望⋯SONY DSC

哇,嚇我一跳﹗一個野豬家族丫﹗我驚一驚郁一郁,佢哋飛奔去咗隔離間小屋個底部避雨呢﹗好在我都影得切呢個難忘嘅一幕~

因為落雨,所以整個下午我哋都係小屋hea啦,好在帶咗boardgame來,我哋兩個人都可以摩力橋一番﹗大家唔知咩係摩力橋可以wiki一番:

http://zh.wikipedia.org/wiki/%E6%8B%89%E5%AF%86%E7%89%8C

今個trip我哋五個人都玩得越嚟越純熟,媽咪玩到上上地癮添~SONY DSC

小動物⋯仲有佢都算吧?

我哋到晚飯時間先再出動﹗SONY DSC

原來餐廳serve自助餐,都好丫,上次去高原茶工廠嗰次食過個自助餐都唔錯,嗰個就係斯餐,今次就西餐斯餐都有,更啱我哋口味~SONY DSC

 

黑麻麻返去小木屋搵唔到路係一個stress,仲有另一個stress就係唔知幾時會有嘢突然彈出嚟,呢下我就係眼前嘅小野兔嚇到彈起咗喇﹗當然佢哋好cute啦,但咁失驚無神就我都怕怕~

不能太夜瞓覺丫,第二朝要超早起丫﹗印象中好似五點定五點半就要集合了~

待續

前往其他斯里蘭卡旅遊blog

Comments

comments

在《16-12-2012:斯里蘭卡day 9.居住在森林和原野@Yala》中有 6 則留言

  1. 天氣不好,去夜晚可能都沒咩睇~
    好彩D豬沒在我們間房下避雨,會仲驚!!~

    • 都係呀,又冷親又濕晒又冇嘢睇就慘lu~同埋如果去得太夜第二朝冇精神仲衰~
      哈,你又知啲豬冇係我哋度避雨?

  2. 樸素的森林小屋,裡面竟然是豪華客房,虧斯里蘭卡人想得到!

    • 如果唔係落雨濕濕都可以四周圍再行遠啲睇睇~
      日頭都唔算驚,到夜晚黑麻麻,唔知佢哋係邊度衝出嚟至最驚﹗

chunglanying 發表迴響 取消回覆

你的電子郵件位址並不會被公開。 必要欄位標記為 *