15-12-2012:斯里蘭卡day 8(part 1).海龜大本營.Galle市區走走看

第二朝起身,打開露台睇下先~SONY DSC

嘩~個view同尋晚一樣,但個海果然係旅遊書上、酒店網頁上嘅漸變色,可惜天氣麻麻地,如果有埋太陽就更靚了~SONY DSC

雖然間酒店咁細,佢都叫做有個泳池,仲要係infinity pool嗰隻,但與其叫佢做泳池,不如叫做浴池,講真,游就真係游唔到啦,係池嘅呢邊一撐,手就掂到對岸啦,所以係度游嘅興趣都不太,加上如果有其他遊客係度,感覺實在太親密了,唔ok丫~SONY DSC

同一間酒店餐廳,享用我哋嘅早餐,早餐係包括係房價在內的,可以自由係餐牌度選擇~我哋揀咗啲「light portion」早餐,唔係因為唔餓,而係標準size嗰啲同先前嘅酒店早餐太似,都係啲煎蛋香腸多士之類,反而細早餐有啲新鮮菜式,咁就試下啦~combine breakfast

我哋叫咗左邊嘅煎蛋+菠菜沙律+醒胃嘅橄欖同埋右邊嘅芒果香蕉pancake配yoghurt,都幾好~SONY DSC

個海都幾大浪,似乎適合滑浪出海望海多過游水呢,結果我哋呢個trip都係冇游到水,anyway,望下海、住下海邊酒店感覺都唔錯丫﹗SONY DSC

未出發之前係度坐坐望望海,嗰間房咁失禮嘅?掛晒啲衫出嚟⋯咪就係我哋間房囉~:pSONY DSC

其實之前睇酒店個網站都有留意過附近有咩睇,其中一樣最吸引我嘅就係海龜保育區,原來行路過去好近㗎咋,好似十幾分鐘左右就到~SONY DSC

沿途見到有結婚嘅花車呢,原來佢哋興紅噹噹佈置~SONY DSC

就係呢度了﹗叫做Sea Turtle Hatchery~根據介紹,斯里蘭卡啲沙灘有好多不法商人靜靜雞偷咗啲海龜蛋去賣,為咗保護啲海龜,呢度嘅人就係海灘執啲蛋蛋返嚟孵化,特啲龜仔比較獨立時先放番佢哋出去海洋~但係佢哋係咪官方機構呢?佢哋咁樣執啲蛋返嚟得唔得㗎?好似都係賺緊錢?定係向我哋籌募緊經費做保育?我都唔知道了~SONY DSC

呢度埋住啲海龜蛋,記錄低佢哋邊度、幾時執番嚟,隻隻都有根有據~SONY DSC

呢啲就係孵化出嚟嘅海龜仔啦,幾cute~SONY DSC

個職員俾我嚟抱小海龜係手影相﹗SONY DSC

佢哋同池塘嘅淡水龜好唔同吧﹗手腳都好似槳咁,方便游水~SONY DSC

仲有啲好大隻嘅海龜,職員話都係發現佢哋受傷或者有病所以帶返嚟醫治的~combine bus

我哋行完海龜hatchery就搭巴士出去Galle啦,今次都好似係呢個trip以來第一次搭tuk tuk以外嘅公共交通工具,事關只有一條路去Galle,方向啱就肯定唔會迷路啦~你睇我哋張車票,每張盛惠33 rupees,但問題係3 rupees咪好濕碎,冇錯﹗個售票員並冇收我哋嗰6 rupees,似乎都係四捨五入、多除少補,咁都得?﹗SONY DSC

去到Galle巴士總站了,不愧係斯里蘭卡第四大城市,人多、車多,好熱鬧~SONY DSC

影下呢個熙來攘往嘅巴士總站,係呢度應該有好多長途短途巴士吧?SONY DSC

旁邊有個板球場,有人係度練習緊呢﹗今個trip有少少遺憾冇正式睇過一場板球賽事,我覺得去旅行時,同當地人一齊睇當地嘅體育項目,真係會更體驗當地文化,好似之前去美國睇NBA,去西班牙睇西甲(註:雖然呢個trip早過西班牙,但因為係補打blog,所以西班牙都變咗過去式啦~),去Fiji睇rugby(我會補打的我會補打的﹗敬請期待﹗)~如果有得係斯里蘭卡睇下板球都唔錯,雖然正式賽事冇,但之前係Nuwara Eliya睇過啲小伙子玩咗一陣都叫過下癮吧~SONY DSC

有個後生仔著住運動衫褲,莫非練完板球?會唔會係明日之星?偷偷地影定佢先~SONY DSC我哋仲逛咗附近一間書店,仲有收獲添~我哋又唔識Sinhalese又唔識Tamil,咁都買到書?係入面都唔少英文書嘅,吸引我嘅有小學生學語文嘅課本,睇下佢哋啲copybook至知啲彎彎曲曲嘅文字嘅筆順係點,仲有我又好有興趣睇下啲食譜,不過香料種類太多,係香港要煮都係好麻煩啦﹗最後我哋買咗嘅係一本pocket size嘅動物書,叫「Mammals in Sri Lanka」,哇,好有用丫﹗因為我哋之後去Yala National Park去咗safari,果然睇咗書真係好好多,了解啲動物習性,睇動物時就更有趣味了~後來我哋見呢本書編得幾好又易明,仲買多一本「Birds in Sri Lanka」,呢本就冇咁好睇啦,因為我哋都見唔到啲雀嘅實物,而且唔同作者,雀仔嗰本冇咁生動呢~

好,下篇blog會去到Galle Fort,大家就會睇到多啲斯里蘭卡嘅殖民地色彩了﹗

待續

前往其他斯里蘭卡旅遊blog

Comments

comments

在《15-12-2012:斯里蘭卡day 8(part 1).海龜大本營.Galle市區走走看》中有 6 則留言

  1. 海龜那裡地方雖然好細,但都幾好心機,分開不同階段的龜龜,細的龜好得意!
    巴士售票員好似收了下一乘客多D錢!

    • 都硬o架喎,拎起感覺好似平時的龜龜,但因為佢哋手腳更大,所以好似有力啲添~

  2. 早餐個樣真係幾吸引~
    我地個時係沖繩都好似見過小海龜~另外大陸都好似有類似的保育館,印象中恆仔有一次去大陸飲,佢朋友都安排左佢地參觀類似的地方。
    你地搭巴士好勁~

    • 起碼款式變化下嘛~
      沖繩嗰個海洋博好多嘢睇~
      其實得一條路o架咋,所以唔會迷路~

Rita 發表迴響 取消回覆

你的電子郵件位址並不會被公開。 必要欄位標記為 *