入國家公園之後要先檢查行李,最重要唔可以帶火種或某啲塑膠類入園,可以知道斯里蘭卡人幾愛惜佢哋o既資源~我哋約咗司機3小時之後係停車場等,裡面唔複雜,基本上係逛一圈就完成,已經可以經歷Horton Plains o既cloud forest同埋其中景點The World’s End~出發前對於Horton Plains o既理解係,全年大霧,時時落雨,陰陰涼涼凍凍咁,所以我哋都特地著咗特別多衫+放定外套、雨傘係背包入面,諗住萬無一失啦~點知…
今日係異常o既Horton Plains,由頭到尾都非常陽光普照丫﹗啲衫仲越除越少…我哋回程時就知味道,個鼻呀、額頭呀全曬燶了﹗要出動係香草園買嗰盒蘆薈gel丫~發覺效果唔錯噃~
一路行都會有呢啲教育性o既介紹,英文簡單易明,幾好幾好,不過我哋太好學了,每一個都仔細研究,後來,oops,勁趕丫~~~~~
人仔o既位置就係我哋出發o既地方,我哋要三小時之內繞完一圈,途中會經過Mini World’s End、World’s End同埋Baker’s Fall呢幾個景點~把握時間﹗
因為係一圈,所以其實向左走定向右走都唔相干,我哋選咗左邊,後來都覺得咁樣選擇係啱o既,因為行到咁上下要有啲景點睇下鼓勵下咁至堅持到落去,行右邊先的話就要行好耐至有第一個景點了~
因為係潮濕o既地方,所以蕨類植物特別多~
有樹蔭o既地方就稍為涼快啲啲~
斯里蘭卡o既國家公園之中,有的係專門睇動物的,之後我哋去o既Yala National Park就會show俾大家睇,但Horton Plains就唔出名睇動物,睇o既係生態氣候同埋植物,不過當然都有啲小動物會棲息係度啦~喂,你做乜望住我哋,又唔變色o既?莫非你只係一條普通o既蜥蝪?
呢啲時候總要問下中學時有修讀geography o既家姐呢啲叫做咩~
到達World’s End了~
果然係煙霧迷漫~
坐係條邊度都有少少緊張o架~
懸崖o既底部就睇唔見了~我諗如果唔係今日咁天朗氣清,一定更加有氣氛~我哋係度話,如果呢種地勢係中國的話,一定會編一個淒美o既愛情故事俾佢,個景點就更加有賣點了~
有個本地男人興緻勃勃咁叫我哋過去睇,睇啲咩?
原來係隻野生狐狸﹗﹗﹗我都唔敢同佢四目對視呀,因為佢都幾凶,胡胡胡咁叫,幾驚佢會撲出嚟~
今日個天真係好靚呀~
下一個目標—-Baker’s Fall
漸漸聽到水聲…
發現瀑布﹗哇,有條頗崎嶇o既路行落去個瀑布度,每一級都好大級,諗起之後要沿路行番上去就辛苦了~
不過都值得的~
爽呀~
呢部分算係冇咁大級,所以先影到相,好攰呀~
不過令人擔心o既係,我哋時間剩番三分之一,但路程就仲有一半,之前太過悠閒,慢慢睇,又狂影相,哎吔吔,唔可以要司機等我哋擔心嘛~如果佢見等唔到走咗咪大件事?
所以我哋變咗競步、大踏步、小跑步,好在前面o既路高高低低之中都係偏平坦,有啲位有前人行咗條比「官方路」更舒服o既「小路」出嚟,我哋都節省少少力,好在殊途同歸,唔會行行下唔知行咗去邊~仲要好曬好曬好熱好熱,媽咪當然一有機會就撐起傘啦(由原本諗住擋雨用變成擋太陽用…>.<),但同時又好大風,要撐傘反而仲出力~哎吔吔,唯有希望俾陽光o既傷害減至最低啦~
好不容易我哋只係遲咗啲啲,出番去靠近停車場o既一個小小展覽館~
更重要o既係衝去士多買支冰凍汽水先~待續前往其他斯里蘭卡旅遊blog
好不容易我哋只係遲咗啲啲,出番去靠近停車場o既一個小小展覽館~
更重要o既係衝去士多買支冰凍汽水先~待續前往其他斯里蘭卡旅遊blog
我好鐘意HORTON PLAINS既行程,肉體雖然非常疲累,但身心卻十分舒暢~
[版主回覆05/22/2013 08:48:29]難得這麼親近大自然~
有懸崖,有瀑布,有小溪,有草原,天高草低見蜥蜴,又真係幾多嘢睇,幾多變化。
[版主回覆05/31/2013 17:23:22]係呀,感覺唔錯,不過睇唔到典型o既大霧view~