由獅子岩行落嚟時，又熱又渴又餓，雖然落到山腳有幾間小士多，但汽水賣得又貴，又好似唔係真係咁凍，算啦，忍一陣，去到食飯先飲嘢啦~
獅子岩呢個景點冇附屬o既餐廳，司機載咗我哋去一間餐廳，嗰度有buffet供應，類似部長o既人帶我哋睇下buffet有咩食，其實款式呀、衛生呀感覺都ok，但好似全部都見底lu喎，我哋五個人食的話樣樣都剩番啲啲，好似好陰公唔係好夠咁，食buffet仲要食成咁，我哋話要叫a la carte o既菜式，部長話要等半個鐘以上我哋都話等，佢覺得好奇怪，本來都費事解釋咁多叫佢難堪，但佢問到，唯有老實話…唔…啲buffet食物食到見底了~ :p
我哋有人食「C餐」，呢間啲咖喱味道好好，又多我哋食得慣o既蔬菜~左上角個辣椒菠蘿，甜甜辣辣都幾好味~
又有人食西餐，個肉醬意粉睇落冇乜問題，但佢個肉醬並非絞肉，而係用刀切出嚟o既大肉粒，但要知道，斯里蘭卡o既牛肉好似唔係太嫰，or佢哋崇尚自然唔會好似香港咁落咁多添加劑？總之我第一次食肉醬意粉咬舊肉要繞手啦(呢個係一個嚟自day o既典故，好多年前我哋去間餐廳食牛排，但件牛排超韌，要咬好耐至可以吞，day話要繞手，即是要等好耐咁o既意思~)~因為等食物等咗好耐+要繞手o既緣故，我哋再出發去Dambulla Caves已經係個幾鐘之後o既事了~
獅子岩呢個景點冇附屬o既餐廳，司機載咗我哋去一間餐廳，嗰度有buffet供應，類似部長o既人帶我哋睇下buffet有咩食，其實款式呀、衛生呀感覺都ok，但好似全部都見底lu喎，我哋五個人食的話樣樣都剩番啲啲，好似好陰公唔係好夠咁，食buffet仲要食成咁，我哋話要叫a la carte o既菜式，部長話要等半個鐘以上我哋都話等，佢覺得好奇怪，本來都費事解釋咁多叫佢難堪，但佢問到，唯有老實話…唔…啲buffet食物食到見底了~ :p
我哋有人食「C餐」，呢間啲咖喱味道好好，又多我哋食得慣o既蔬菜~左上角個辣椒菠蘿，甜甜辣辣都幾好味~
又有人食西餐，個肉醬意粉睇落冇乜問題，但佢個肉醬並非絞肉，而係用刀切出嚟o既大肉粒，但要知道，斯里蘭卡o既牛肉好似唔係太嫰，or佢哋崇尚自然唔會好似香港咁落咁多添加劑？總之我第一次食肉醬意粉咬舊肉要繞手啦(呢個係一個嚟自day o既典故，好多年前我哋去間餐廳食牛排，但件牛排超韌，要咬好耐至可以吞，day話要繞手，即是要等好耐咁o既意思~)~因為等食物等咗好耐+要繞手o既緣故，我哋再出發去Dambulla Caves已經係個幾鐘之後o既事了~雖然Sigiriya同Dambulla係地圖上都有明顯距離，但都算就近，所以都適合同一個day trip去埋咯~
一落車見到呢個醒目o既金光澄澄o既大佛﹗nonono~佢同Dambulla Caves無關，係後來新起o既廟宇，司機Tiron對呢個不以為然，覺得原來古樸o既至係好~
呢度有好多個人仔向住尊佛行，講o既好似係話啲善信o既誠意，我都唔係好記得了，大家參閱史官個blog睇下~同Tiron約好時間之後我哋就上山去也~沿途除咗遊客之外，亦有好多本地人o既善信去參拜~所以係條路上兜售物品o既，除咗有啲紀念品、T恤之外，最主要o既就係禮佛o既東東~不過呢度o既人唔係裝香，而係獻花，所以有大大小小o既花束以供選擇，豐儉由人，以於target both遊客同埋善信o既，當然唔少得俾人邊行邊食o既零食啦~睇佛寺呢類景點講真我唔係太有心得，不過係呢度令我印象深刻o既其中一樣就係佢哋：
馬騮﹗
而且係…兇惡o既馬騮~對於馬騮o既可怕我都唔係第一次見，香港o既郊野公園、水塘邊自然有好多好為食會搶人嘢o既馬騮啦~我上次去浮羅交怡，亦親身經驗過俾馬騮搶咗包薯片(可以睇番舊blog：27-12-2006：浮羅交怡island hopping．去到邊游到邊)﹗今次有一對情侶買咗芒果條，邊行邊食，冇陰公咯，食咗冇幾多其餘o既又俾強盜馬騮搶咗~我哋見到之後都覺得心驚驚，但覺得不可思議o既係，點解攤晒啲零食出嚟擺賣o既小販又冇事o既？莫非大家同一個地盤，所以要有道義？or啲小販仲惡過佢哋好多，所以啲馬騮唔敢郁手？
同係山洞入面o既廟宇，難免我會將佢同印度參觀過o既Ajanta Caves(18-4-2008：ajanta caves)同埋Ellora Caves(19-4-2008：ellora和周邊)去比較，但真係冇得比，嗰啲實在宏偉得多，雕刻亦精細得多~
亦有壁畫~
雖然每個洞入面都有好多好多個佛像，但我哋話，個個都完全一樣o既？去呢個trip之前參觀咗香港歷史博物館o既兵馬俑展覽，秦朝o既時期遠遠早過呢啲caves，但兵馬俑只係用嚟陪葬，就已經整到個個人樣都唔一樣，各有表情，活靈活現，所以中國人真係好叻~
因為caves裡面冇乜介紹，好在我一早將網上o既資料存咗係tab tab度，可以扮導遊講下俾大家知~
只有五個caves，好快就行晒，但出面有舒服o既迴廊，我哋都係度停留咗一陣至走~
啲荷花到盛開晒時一定好靚喇~
我哋離開Dambulla Caves，同Tiron傾好o既行程其實已經完成，但佢額外加咗個香草園o既行程俾我哋，相信都係買嘢o既地方，行下都無妨o既，有啱o既嘢咪買囉~
有職員帶我哋逛個香草園，有香味o既就拔幾片樹葉or樹皮俾我哋聞下~
一落車見到呢個醒目o既金光澄澄o既大佛﹗nonono~佢同Dambulla Caves無關，係後來新起o既廟宇，司機Tiron對呢個不以為然，覺得原來古樸o既至係好~
呢度有好多個人仔向住尊佛行，講o既好似係話啲善信o既誠意，我都唔係好記得了，大家參閱史官個blog睇下~同Tiron約好時間之後我哋就上山去也~沿途除咗遊客之外，亦有好多本地人o既善信去參拜~所以係條路上兜售物品o既，除咗有啲紀念品、T恤之外，最主要o既就係禮佛o既東東~不過呢度o既人唔係裝香，而係獻花，所以有大大小小o既花束以供選擇，豐儉由人，以於target both遊客同埋善信o既，當然唔少得俾人邊行邊食o既零食啦~睇佛寺呢類景點講真我唔係太有心得，不過係呢度令我印象深刻o既其中一樣就係佢哋：
馬騮﹗
而且係…兇惡o既馬騮~對於馬騮o既可怕我都唔係第一次見，香港o既郊野公園、水塘邊自然有好多好為食會搶人嘢o既馬騮啦~我上次去浮羅交怡，亦親身經驗過俾馬騮搶咗包薯片(可以睇番舊blog：27-12-2006：浮羅交怡island hopping．去到邊游到邊)﹗今次有一對情侶買咗芒果條，邊行邊食，冇陰公咯，食咗冇幾多其餘o既又俾強盜馬騮搶咗~我哋見到之後都覺得心驚驚，但覺得不可思議o既係，點解攤晒啲零食出嚟擺賣o既小販又冇事o既？莫非大家同一個地盤，所以要有道義？or啲小販仲惡過佢哋好多，所以啲馬騮唔敢郁手？
呢度就係Dambulla Caves喇，所以同下面嗰個金光閃閃大佛係好唔同的~因為啲caves都算係廟宇，所以我哋著短褲o既要圍番條圍巾，變成長裙先~
同係山洞入面o既廟宇，難免我會將佢同印度參觀過o既Ajanta Caves(18-4-2008：ajanta caves)同埋Ellora Caves(19-4-2008：ellora和周邊)去比較，但真係冇得比，嗰啲實在宏偉得多，雕刻亦精細得多~
有臥佛~
亦有壁畫~
雖然每個洞入面都有好多好多個佛像，但我哋話，個個都完全一樣o既？去呢個trip之前參觀咗香港歷史博物館o既兵馬俑展覽，秦朝o既時期遠遠早過呢啲caves，但兵馬俑只係用嚟陪葬，就已經整到個個人樣都唔一樣，各有表情，活靈活現，所以中國人真係好叻~
因為caves裡面冇乜介紹，好在我一早將網上o既資料存咗係tab tab度，可以扮導遊講下俾大家知~
只有五個caves，好快就行晒，但出面有舒服o既迴廊，我哋都係度停留咗一陣至走~
啲荷花到盛開晒時一定好靚喇~
我哋離開Dambulla Caves，同Tiron傾好o既行程其實已經完成，但佢額外加咗個香草園o既行程俾我哋，相信都係買嘢o既地方，行下都無妨o既，有啱o既嘢咪買囉~
有職員帶我哋逛個香草園，有香味o既就拔幾片樹葉or樹皮俾我哋聞下~
我都唔放咁多張相出嚟了，冇個名顯示係乜植物o既我而家都唔記得邊樣打邊樣lu~我將啲香草o既名翻譯成中文俾爹媽佢哋知，大家都奇怪我點解識咁多呢啲vocabulary，事關我最鍾意睇食譜書丫嘛~煮唔煮又另一回事~ :p
逛完了，去到個涼亭，先嚟一人一杯香草茶，飲住嚟聽講解~
枱面有林林總總o既herbal product，呢位綠色間條叔叔就逐樣介紹啲product係咩整成，有咩功效嗰啲~咁呢啲情況，當然就會涉及唔少病名o架啦，講o既係英文，佢哋當然唔係太熟悉啦，我就逐一翻譯成中文，個叔叔用英文講一句，我用中文講一句，於是大家見到呢種狀況就笑了，但個叔叔誤以為我哋笑佢啲product o既功效丫，哎吔吔，誤會了誤會了，都唔知由邊度解釋好…但我哋其實對其中有啲都有興趣o架，唔係之後邊有幫襯咁多喎~
仲有massage示範，明明胡氏四人最鍾意做按摩，但姓胡個男人又怕醜冇自告奮勇，女人又唔想出去俾個陌生男人摸，唯有我叫我嗰個唔係特別鍾意按摩o既肥騰騰老公出去啦~佢話感覺一般，本來已經成身汗黏答答，都唔係享受按摩o既好機會~我哋最後人人都有幫襯，買咗啲試飲咗o既香草茶啦(今日打番呢篇blog先發覺我忘記咗啲茶，要拎番出嚟飲了)，有蘆薈軟膏啦(呢個之後非常有用，因為唔小心曬傷之後就日日搽了)，有玉桂啦，有精油啦(家姐買咗蓮花，我買咗雞蛋花，好香呀~)~
返到Kandy都夜夜地，都唔知出去搵唔搵到食，我哋決定留番係Clove Villa食晚餐，試一試餐牌上面未試過o既菜式~
待續
前往其他斯里蘭卡旅遊blog
那杯香草茶加了一些薑皮在內，喝下去有點辣辣的味道，還加了些甚麼，就忘記了。味道還不錯，有什麼好處，也忘記了。
[版主回覆05/16/2013 11:49:47]我仲衰，忘記咗要飲…^^"
你講起，我哋買番嚟都未飲添…