10-12-2012:斯里蘭卡day 3(part 1).Sigiriya獅子岩

睡醒了打開窗,原來我哋o既房間可以望到villa o既游泳池﹗雖然可以隨意使用,但我哋一來時間唔多,二來個泳池都好細,所以都冇打算要游~原來我哋個窗可以望到爹媽房個露台添~見到媽咪悠閒咁睇緊雜誌呢~早餐時間—-

早餐都冇辜負眾人期望~

除咗有多士、果汁之外,仲可以自由選擇雞蛋o既做法,所以去親講英文o既地方,都要重溫下蛋o既煮法o既英文咯~仲有靚靚又新鮮o既水果拼盤呢~good~我哋今明兩日o既行程,雇用咗尋日個司機個friend,透過佢穿針引線,達成咗行程同埋價錢,開始時佢話要俾啲訂金,我哋都有少少怕佢收完啲訂就消失o架,但後來佢講清楚係我怕佢甩底時佢又怕我哋甩底(確實佢處於比較不利o既狀況,我哋要搭其他司機o既車好易,但佢專登要由第二度開架車嚟Kandy接我哋都已經有成本了~),希望有個保障,我哋都信佢啦~今次個司機我知佢叫咩名了,叫Tiron,佢比起之前個司機更friendly,好多關於Sri Lanka o既嘢講我哋知~今日去o既目的地係位於Kandy北邊o既Sigiriya獅子岩同埋附近o既Dambulla Caves,其實斯里蘭卡o既文化金三角仲包括更加北少少o既Anuradhapura同埋Polonnawura,講o既就係佛牙(tooth relic)係古時俾人搶嚟搶去,移嚟移去o既幾個地點,不過時間有限,我哋取捨之後就決定以day trip形式去參觀Sigiriya同埋Dambulla Caves喇~之前有了解過公共交通,但似乎冇啲bus tour來往Kandy同埋呢兩個地方,我諗local bus就實有o既,但以坐私家車都要三個鐘嚟講,local bus真係唔知要坐幾耐~我哋坐坐下架車,就覺得當初諗住可以搭tuk tuk去太天真,因為車程太長,而且有啲車路仲係爛地,坐tuk tuk一定pat pat都震到碎~kandy sigiriyaA位置係Kandy,目的地就係B o既Sigiriya了﹗

我哋落車冇耐,就有個好友善o既人同我哋接觸,佢又同我哋傾下計,又帶我哋去買門票,有古怪﹗果然,買好票佢好似想帶我哋入場添,原來係tour guide~我哋發現佢o既動機之後就直接咁樣拒絕咗佢,哎吔吔,真係唔想有個人跟住晒,雖然,有佢可能可以聽到多好多故事,但嗰一刻真係好唔想囉,可能我係憤怒於佢o既approach多於佢o既存在~去印度時啲guide想賺我哋錢,都會講清楚來意,講清楚價錢,啱就啱,唔啱就算,講價就講價,唔會咁樣靜雞雞懶friend咁跟住你,唔鍾意丫~~~~~~~~~~~

好啦,擺脫佢之後,收拾心情,我哋自己去逛~

呢個就係Sigiriya o既平面圖,左邊個「i」字就係買門票同埋遇到個guide o既地方,我經過護城河入場,首先會參觀咗兩旁o既花園,先至攀登上去Sigiriya獅子岩本身~獅子岩就係講嗰舊大石,陣間就會見到了~係公元第四世紀時有個王定佢o既首都係Sigiriya,將城堡起係200米高o既大石上面,四周就以花園裝飾,話說個王死咗之後,個城堡就變成咗修道院o既用途,直至第十四世紀~我哋而家係獅子岩上面都仲可以睇到當時o既遺跡o架~

有三組garden,分別為Water Gardens、Boulder Gardens同埋Terraced Gardens~

全部都一對對,好工整,一大條直路直通過去獅子岩~

有個位置可以俾「自拍王」施展實力﹗

因為拒絕咗個導遊,我哋只好自己睇下文字介紹了,不過太多專有名詞,都係明得啲啲,而家直情冇晒記憶添lu~

影乜?仔細留意其實係啲壁畫o既遺跡﹗不過呢個大概係因為係室外吧,所以保存得麻麻地,絕大多都甩光光lu,之後有啲係室內的就清楚啲~不過我相信中間都肯定有修補過啦~

去到登山o既部份都唔輕易,有好多好多石級~而且天氣好熱又好曬~見到我嘛?睇清楚冇咗邊個…

冇錯,家姐捱義氣行慢啲啲幫我哋影嗰張相,呢度幫你影番張單人啦,隨便可以睇到啲樓梯o既氣勢﹗

上到嚟,呢度啲壁畫就保存得好啲了~

呢個位置要行螺旋樓梯,再登上~

呢度係出名o既Mirror Wall,我都唔知係邊一邊?係咪應該係封住咗個邊?相傳之前閃令令o既鏡岩可以清晰反射到影像,但千幾年間俾唔同人o既塗鴉破壞了,我而家都唔知講緊左邊定右邊,保護住o既好似係左邊,但左邊o既又好似係好人工化o既牆喎,果然冇tour guide係有啲問題…:p

我哋上到獅子岩氐個平台了~爹爹出發時腸胃都麻麻地舒服,去到呢個位置佢話休息下了,所以得我哋四個繼續上到獅子岩o既頂部~係呢度我哋見到獅子o既前爪~行上去o既過程我完全影唔到相,因為係一級級睇到底o既鐵樓梯,望住啲樓梯級就見到離地越嚟越高,我兩隻手自然要緊緊握住扶手啦,怕怕~特別鳴謝家姐o既照片~

我哋行到中途有個貌似想兜客o既tour guide無啦啦同我哋講解,佢話呢啲坑係古時o既樓梯級~因為怕怕呢啲不請自來o既tour guide,我哋迴避佢o既眼神,唔回應佢同我哋講o既嘢,繼續急急腳行上去了~

哇,到頂啦~認唔認到邊個係爹爹?咪就係左邊個「係角角位著住白色tee嗰個人囉~


講到上面個城堡o既遺跡,其實得番啲好矮o既磚牆,但視野就非常好喇~

可以望到一望無際o既樹林,叮噹嗰啲大冒險o既故事就係係啲咁o既森林入面發生o架啦~

望番落去入口嗰個方向,更加覺得三個花園o既工整性~
待續

Comments

comments

在《10-12-2012:斯里蘭卡day 3(part 1).Sigiriya獅子岩》中有 4 則留言

  1. 我當時也想起叮噹大長篇的《大魔境》。
    [版主回覆04/20/2013 11:33:24]冇錯﹗我講o既就係大魔境丫﹗果然我哋係同一個阿媽生出嚟~哈~

  2. 當時要見皇帝真的好困難, 做臣子的一定要好好腳骨力~
    [版主回覆05/16/2013 11:44:36]同好危險添喎,以前啲路唔好,一個唔覺意真係會碌落山?﹗

  3. 獅子岩那個大石,在整個大平原中很突出,要在上面建皇宮,工程必然很艱巨。若在中國,一定會編一個神仙故事,來說明這塊巨石的來歷。
    [版主回覆05/16/2013 11:44:09]仲要有好多紅色字刻係上面…

  4. 你好, 我8月會去斯里蘭卡, 請問租車幾錢? tuk tuk收費又係如何? 講價大約可以講到幾多?
    [版主回覆05/16/2013 11:55:08]租車都要視乎距離、人數,round trip定單程,我哋五個人+大行李,呢一日好似大概US$100~
    tuk tuk有兩種,有啲係講價的,有啲係跳錶的,講o既價錢target其實可以參考跳錶價錢,但確實每公里幾多錢我而家太耐忘記了,你到時去到可以研究一下,不過主要都係慢慢試,我哋搭咗冇好多程,都唔係太掌握到,總之一次講價比一次狼死就啱了~

David 發表迴響 取消回覆

你的電子郵件位址並不會被公開。 必要欄位標記為 *