好多朋友問我其實斯里蘭卡即是係邊，好多旅遊書都叫斯里蘭卡做「印度洋珍珠」，你見到印度個尖尖，下邊有個島，好似水滴形咁嗰度就係斯里蘭卡了﹗家姐講笑咁話，人哋問我去邊，我比較喜歡答「馬爾代夫對面」，多過「印度下面」…哈哈~
出發咯出發咯~
雖然只係十二月初，機場已經有聖誔佈置lu~整好check in的東東之後我哋去食啲嘢，其實我都有少少擔心去到斯里蘭卡係咪有人嚟接我哋，因為之前send咗e-mail俾guesthouse，佢報咗價之後我話好佢就冇消息了，好怕去到凌晨夜麻麻唔知點算，決定鼓起勇氣打個長途電話過去，哎吔吔，佢哋啲英文好難聽呀，我唔理了，我好慢好清楚咁講晒我o既嘢，到時就聽天由命了…我叫佢舉我個名牌嚟接機﹗我哋今次搭新加坡航空公司，由香港去斯里蘭卡，國泰、新航同埋斯里蘭卡航空都有航班，都要係東南亞轉機，國泰o既航班表面上係直航，但事實上飛機都要停一停KL或者新加坡，只係一個flight no.去到斯里蘭卡，乘客唔可以離璄囉，所以flexibility其實更低，今次揀新航主要係時間比較適合我哋同埋平啲啲~
不過去程等轉機要4個鐘，都唔怕啦，好多年冇去過新加坡機場lu，聽講多咗好多嘢玩，順便去參觀下啦~
一落機已經要除衫，由香港o既冬天變咗新加坡長年o既夏天﹗
果然有好多嘢睇+玩喎~
有個angry bird展覽，day試下玩先~
食榴槤的m&m﹗
呢度可以做拓畫，圖案係好多新加坡出名o既地方，我就拓咗機場o既圖畫喇~
仲有好多好多o既腳部按摩機，免費o架~又唔駛排隊，因為資源充足﹗不過要提提大家，最好著咗襪仔先好玩喇，根據我做家庭醫生o既經驗，呢個世界上面有香港腳o既人真係好多﹗﹗﹗要小心~
我哋仲參觀咗蝴蝶館，不過蝴蠂館係戶外，因為已經係夜晚，要好辛苦先睇到佢哋，而且影蝴蝶o既相冇一張影得靚…:p唯有俾張蛹o既相你哋睇啦~亦因為係室外，所以充份咁感受到新加坡o既熱熱丫~
heehee，我身軀太龐大，遮唔晒添~爹爹好cute呀~
仲有一坐低就唔想起番身o既梳化~
實在太太太熱了，買杯冰沙嚟飲先，因為可以俾credit card，所以有得飲﹗我哋當時係度講，呢個應該係我哋飲最後o既冰嘢了…(因為諗住去到斯里蘭卡要好嚴格咁遵守腸胃安全守則~以防肚疴…點知…)
上機lu上機lu~斯里蘭卡o既唯一國際機場，位於最大城市Colombo~由新加坡機程三個幾鐘啦~
講開今次搭飛機，話說我細個時已經好鐘意食飛機餐，因為一份餐入面乜都有，沙津、主菜、甜品、飲品，好高興咁，但近年我覺得飛機餐冇乜特別值得期待了，我以為自己嘴刁了，原來…係最近搭o既航空公司唔ok囉~繼2006年嗰次去美國搭大韓航空之後，冇乜食過另人驚喜o既飛機餐，今次再搭番新航，飛機餐好好味咯~
抵埗後大致都順利啦，不過個落地簽証有點混亂…大家唔知點咁逼去一個冇指示o既counter，又唔知俾幾多錢(因為佢有分唔同category的)，俾完錢佢俾番我哋嗰張單竟然係5個人一張單﹗唔係一人一張的？﹗passport上面又冇乜做咗visa o既痕跡，係咪得o架？﹗原來…佢哋係崇尚環保啫…:p我哋順利過到關~
過咗關之後的免稅店你估下賣乜嘢？一般o既經驗都係煙、酒、化妝品、電子產品、名牌之類…但斯里蘭卡過境後最多o既鋪頭係賣家用電器o架﹗﹗﹗一部部o既洗衣機、雪櫃就堆係細細o既鋪頭係面~唔知啲人係咪真係會係呢啲匆匆忙忙o既情況之下買電器？or佢哋出開國就打算回程時要買埋電器呢？
未到接機大堂我哋去換咗錢先，我哋換咗$3000美金，5個人咁多日，用住先啦，之後再睇下夠唔夠~但佢哋啲紙幣最大面值係2000 rupees，其次係1000 rupees，所以…我拎住兩磚銀紙﹗﹗怕就唔怕，不過放唔落銀包囉，所以之後我拎錢出嚟用都係直接用手係手袋拎張紙幣出嚟~
見到接我哋o既司機了，果然有我個大名丫~接我哋o既係一架都幾舒服o既旅行車，可以載晒我哋5個人同埋5件大行李了~
今晚住o既係最簡單o既一晚，因為去到都當地時間凌晨兩點，瞓個覺就走，揀咗間係機場附近個小鎮Negombo o既一間民宿，好多旅客第一晚or最尾一晚都會住Negombo，因為雖然話機場位於Colombo，但其實去Colombo市中心o既車程都要一個鐘，但距離Negombo就20分鐘左右，如果話搭飛機的話，近啲就冇咁怕交通影響行程啦~我哋今晚住o既就係呢間Blue Elephant Tourist Guest House了~ (http://www.blueelephantguest.com/)司機順道同我哋兜一下生意，「你哋聽日想去邊呀？」「要唔要包架車成個旅行？咁樣抵啲﹗」我哋本來都決定要架車，因為第二日我哋會途經大象孤兒院再去中部Hill Country入面o既第二大城市Kandy，確實需要一架車~Deal~check in時個職員瞓到矇矇矓矓，吓？得番兩間房？﹗後來佢上報俾老細，決定我哋3間雙人房，「upgrade」成為2間雙人房+1間家庭4人房，間4人房係2樓，俾家姐一個人住，好在佢係勇敢o既家姐，一個人瞓都ok~
房間睇落同網上都一樣呀(唔記得係整亂之前影相…)，都幾闊落乾淨，但個冷氣好似唔係太凍~另外就係浴室用品真係冇o架，好在有帶齊晒啫~不過問題係，哎吔吔，第一晚就有蚊了，估唔到冷氣房都有有蚊，day好味啲，我就冇事，佢唯有瞓瞓下起身搽蚊怕水囉~雖然話呢區唔係malaria o既疫區，但dengue fever都好多o架~希望冇事啦~
好在同香港有時差，雖然瞓得覺時已經香港時間4點幾，超級眼瞓，但因為呢度時間仲早少少，我哋可以有充足休息先開始第二日o既行程~ goodnight~
待續
前往其他斯里蘭卡旅遊blog
斯里蘭卡接近印度，印度的髒亂時有聽聞，總會聯想到這地方也差不多，未抵步前難免有點探險的心理，到了當地竟又是另一番感覺。
[版主回覆04/16/2013 14:34:57]去多幾日就發覺，唔應該用呢兩個地方嚟比較了~