8-4-2012:首爾濟州櫻花遊day 1.出發囉~

原來有成一年冇upload過新blog lu~確實,我自從上次pre-wedding之後,中間係去過一次trip啫,之後就到今次了~上次係honeyhoneyhoneymoooooooooon﹗﹗﹗家姐叫我一定要記錄番嗰次咁重要o既旅程,我都贊成﹗所以我寫完今次新鮮熱辣出爐o既首爾濟州trip之後就補番去Fiji o既honeymoon之旅俾大家睇啦﹗今次揀去韓國事緣係要講番一年前我哋去pre-wedding o既事,當時本來係去日本o既輕井澤影櫻花pre-wedding的,就因為日本地震海嘯o既緣故,我哋改咗去上海影pre-wedding了,對於睇唔到櫻花一直耿耿於懷,所以我好想再安排一個trip去睇櫻花﹗雖然我熱愛日本,但係我生baby之前恐怕都係唔去日本住了,盡量希望啲輻射唔好影響小baby啦,所以揀咗去韓國﹗今次第一次用Asiamiles嚟換機票,所以見慳咗啲錢,所以其他地方都希望鬆手啲﹗訂機票時今次的櫻花預測都未報告出來,所以我參考咗2011 o既開花日子咋,而且有接近一星期時間,希望可以捉得到啲櫻花,為咗避免撲個空而且今次時間又足,所以決定去埋濟州島,咁就安全啦~show一show韓國的地圖先,點解話安全啲呢,講一講俾唔清楚o既人知道啦,事關櫻花開o既日子係視乎天氣轉暖,所以會由南至北咁開,如果以日本計,九州o既開花日同北海道o既開花日差唔多差成一個月o架~我哋去咗差唔多係韓國最北o既首爾同埋最南o既濟州,希望早咗遲咗都有得睇到啦~

執行李都有少少難度,因為溫差大,出發前睇天氣預測,吓?﹗3-16度?﹗帶咩衫去好?即是羽絨又要帶,短袖又要帶(香港熱嘛)?﹗後來發覺帶得啲衫都唔係好恰當…千祈唔到諗唔夠暖去到買,因為韓國啲時裝店而家已經換晒季了,想搵件暖o既衫都難難地…因為要帶冬天衫,大喼喼一隻又放唔晒,兩隻又太誇張,我哋決定試用我哋係淘寶淘番來的露營70L大背囊嚟代替細喼﹗結果都ok丫﹗唯一問題係我同day唔係好襯囉,我拖住隻桃紅色喼好似去歐洲咁,佢揹住個露營背囊好似去西藏咁…:p好啦﹗出發了~

我哋搭o既係下午o既飛機,去到傍晚時份,所以入住酒店,食個飯之後都差不多休息了~

今次我哋帶咗三本小說去睇,day完成咗兩本,我完成咗一本,我哋都睇完問家姐借的<我們沒瘋﹗一起回到1900年生活吧﹗>,day仲睇埋<飢餓遊戲>的首部曲,即是拍成電影嗰部份o既故事﹗唔知點解呢程飛機o既座位特別舒服,特別闊,質料又舒服,座位前面個mon又特別大喎,以為係咪全部國泰機都變得咁正,回程時又係平時嗰啲咋喎~lucky~我哋係飛機上面睇咗 ,都幾好睇,不過感覺同桃姐有啲相似o既係叙事性比較多,故事性比較少囉,咁又係o既,講o係真人真事,應該都係冇咁誇張o既~又睇書,又睇戲,又食飛機餐(少少失望了)~好快就過咗三個鐘了﹗

抵埗﹗yeah~

之前係網上search定,知道有機場巴士直達我哋第一晚住o既Nox Boutique Hotel,酒店位於江南區,距離地鐵站驛三站大概10分鐘步行吧,拎住行李的話都仲ok o既…

機場巴士舒服得好交關,又闊又係皮坐椅,不過我冇選擇瞓覺,我睇風景~ 🙂

沿住漢江行…途中我見到一排粉紅色的樹,莫非就係汝矣島o既櫻花?﹗不過呢個無法求證了~Nox Boutique Hotel啲職員識英文,都好helpful,帶我哋上房間o既大叔好詳細咁講解房o既設施,講咗勁耐﹗咁又係o既,唔好浪費咗佢哋o既55吋LED大電視,兩部可上網o既desktop,已載入電腦又免費o既DVD電影,家庭影院音響,仲有浴室o既按摩浴缸嘛﹗麻雀雖小,但五臟俱全﹗可惜o既係,每一次入房間都有一陣K房味(即係煙味…>_<“),耐咗又當然唔察覺o既,但感覺都唔好啦~聽完長長o既講解之後,我哋出去食飯了﹗

附近仲有好多店鋪未關門,我哋揀咗呢間有圖畫又價錢相宜o既韓國餐廳食dinner~

我哋叫咗魚子石鍋飯同埋冷麵,魚子石鍋飯好濃郁,少少辣都仲頂得順,但我要求day俾我食咗石鍋飯再食冷麵囉,唔想啲辣辣停係個口度直到永遠丫﹗係咪兌換率o既問題呢,係韓國而家食嘢好多時都好平喎,呢餐好似夾埋都係11000won左右(現時兌換率大約港幣$70咋﹗﹗)~

我就食得好滿足喇,但day就要食多個包包至夠…附近有呢間靚靚的Paris Baguette,我哋後來至知道係連鎖店,我買咗支紅豆雪條,正~返去沖個靚涼先~

返到去打開酒店大叔俾我哋的袋子,發現勁多寶物﹗好多sample,連髮泥同mask都有丫~勁~待續前往其他韓國旅遊blog

Comments

comments

在《8-4-2012:首爾濟州櫻花遊day 1.出發囉~》中有 5 則留言

  1. 睇你地既依著,起碼抵埗個日天氣都唔太凍喎~
    間酒店既設施真係勁,最誇張係兩部DESKTOP,又有咁多SAMPLE,印象中韓國買化妝品護膚品都送勁多SAMPLE,難道SAMPLE隨街都有得執?
    你地個餐飯真係好抵食下,而且個樣唔錯,有咁多款泡菜好開心~
    [版主回覆04/17/2012 20:06:41]其實啱啱去到時覺得天氣都幾舒服,涼涼地又唔太凍,居然唔駛著羊咩咩褸﹗
    我今次冇買好多護膚品,淨係買mask就冇乜送咩囉~
    但有時啲泡菜淨係辣到食到一啖…><

  2. 除了人參雞那餐,其他都不太飽! 因平時在香港食太多!
    之後好似沒有再食到用香腸做的前菜了
    [版主回覆04/19/2012 19:59:32]確實係韓國一人份的餐size比較合理,所以冇咁多肥佬~
    嗰個係新穎前菜乎?

  3. 好搞笑,入住酒店都有sample送!果然係韓國~~~
    [版主回覆04/19/2012 20:00:03]但係有啲拎到番嚟都用唔到,因為全韓文﹗唔知係咩用途…>.<

  4. 髮泥是什麼?
    [版主回覆04/19/2012 20:00:57]gel頭用品的一種,有mousse質地的,有gel質地的,亦有泥質地的,嗰啲就叫髮泥囉~

  5. 妳好~
    我過兩日飛濟州旅行, 天氣同妳上面講的差不多, 過兩日是6-12度,
    所以想問下這個氣溫不用出動羽絨囉?!
    [版主回覆04/16/2013 14:24:03]Re波板糖:
    唔好意思呀,之前嗰排一路冇log in入嚟,見唔到你個message,似乎我而家答咩都冇乜幫助lu,希望你個trip一切順利+開開心心心啦~

Catherine 發表迴響 取消回覆

你的電子郵件位址並不會被公開。 必要欄位標記為 *