16-9-2010:台北宜蘭trip day 5.出海親親海豚+龜山島、返台北爸媽與老朋友相聚

宜蘭對開o既海就係太平洋lu,上次去過花蓮,基本上係同一個海,所以既然上次去花蓮有得賞鯨豚,宜蘭都一樣有,今次同爹媽去,睇下我哋運氣好唔好,會唔會見到鯨魚海豚呢?而宜蘭對開有個龜山島,一般嚟講呢啲出海o既船都會順道經過俾大家望下o既~我哋個cruise係經礁溪o既民宿幫我哋book o既~價錢同旅遊書講o既都差不多,確實價錢都唔係好記得lu~

我頂帽係之前嗰晚係羅東夜市買o架﹗太陽咁猛,都係戴番頂闊邊帽好啲﹗媽咪都有買~我哋嚟到碼頭準備出海咯﹗因為個cruise完咗就直接返台北了,所以拎住巨行李,好在,船公司都肯俾我哋放舊巨行李係佢哋個office度~

byebye陸地﹗

雖然唔係咩刺激玩意兒,但船公司都要求我哋著上救生衣,不過嘛,上次去花蓮時,啲浪都好大,大家都唔係好企得穩,都唔好話冇危險﹗

呢度就係龜山島了,不過只可以遠觀,冇得上岸,以前呢度有人住o架,所以遠遠望過去都有啲舊建築物、寺廟等等…

點解啲海水忽然間咁o既色o既?﹗船上o既導遊話呢個係海底溫泉﹗不住有滾熱o既泉水由海底o既地底湧出嚟﹗所以好熱o架~如果跌落水唔得了~

heehee,我哋都坐到個靚位~

天氣好好,天好藍,海又好藍,究竟適唔適合睇海豚呢?

行出嚟甲板外面會唔會好啲?

海豚呀﹗見到了﹗

有就有,不過唔多囉,起碼冇花蓮嗰次咁多咁近,呢張已經係影得最靚嗰張lu~你睇睇我個blog個底色o既海豚,就係上次花蓮時影o架啦﹗一群群咁,多好多~anyway,海豚唔多,出下海都感覺良好o既~ 🙂 (安慰自己…)

呢度就係碼頭所在o既烏石港~

我哋係呢條超級超級曬o既路上,烈日當空之下,好不容易先截到架的士呀陰公…出返去頭城車站搵食…見到有「八方雲集」,媽咪食過佢台北o既分店,記得好好味所以提議去食,都幾好呀﹗特別係泡菜嗰款幾特別~不過因為當時拎住太多太重行李,都冇心情影下相添… 🙁

搭返火車去台北,再次入住just sleep~

哇,個view勁正﹗因為我哋係三人房,所以啱啱係個角落頭位,個窗口有180度闊呢~

稍為休息一下再出動﹗

夜晚約咗爹媽o既大學同學老朋友們去食飯,有兩圍枱丫﹗勁﹗有啲叔叔姨姨我就識啦,有啲就未見過,不過晚飯時同我坐o既小薺係大川叔叔個大女,都係做醫生的,所以我哋好多話題,可以吱吱喳喳唔停了﹗heehee~

食到肚滿腸肥丫~

待續

前往其他台灣旅遊blog

Comments

comments

在《16-9-2010:台北宜蘭trip day 5.出海親親海豚+龜山島、返台北爸媽與老朋友相聚》中有 2 則留言

  1. "個窗口有180度闊呢~"
    乜有少過180度既窗既咩?
    [版主回覆04/15/2011 12:08:00]replied

  2. Re家姐: 我o既意思其實係個窗係弧形的,景觀特闊…不過形容得唔好﹗:p

發表迴響

你的電子郵件位址並不會被公開。 必要欄位標記為 *