下晝我哋出發去下一站，去宜蘭o既另一個地方羅東市，之前o既礁溪係「鄉」，而羅東係「市」，可想而知羅東係相對地大少少+繁華少少o既area~我哋搭火車過去羅東都好方便丫﹗由火車站去我哋o既目的地國立傳統藝術中心，又有免費接駁車啊﹗good good~
嚟到羅東，最重要o既係嚟參觀國立傳統藝術中心﹗啲旅遊書形容呢度為「活o既博物館」，因為佢唔係將啲展品一件件咁放係玻璃櫥窗入面，而係大家置身係一個鎮入面活動﹗而係個鎮入面又有林林總總o既傳統表演藝術呢~
國立傳統藝術中心網網：http://www.ncfta.gov.tw/ncfta_ce/main/index.aspx
入場後，睇下節目表先，又有兒童劇、又有皮影戲、又有布袋戲…睇下時間啱就睇邊樣啦~
填飽肚子後就四圍逛逛了~
呢度就係我所講o既鎮啦﹗街道兩旁都有唔同o既店鋪，展示各種有趣玩意兒，有啲有展覽睇，有啲就賣紀念品~我都買咗啲「玩具」俾day﹗
有間文昌祠﹗係度拜拜就當然係為咗讀書功名啦~因為係博物館rather than真正o既廟，所以入面講咗要拜o既每一個step，行o既路線等等~
文昌祠對開有個戶外舞台，快要開show了﹗趁仲有少少時間，行多一兩間就近o既鋪頭啦~
呢度有間介紹番梘的﹗
先有啲展品展示番梘o既歷史~
哇，犀利咯﹗整番梘都整到好似耍功夫咁，型﹗
原來係兒童劇，講西遊記o既其中一小部份，就係孫悟空去借芭蕉扇嗰一段﹗
搞鬼o既係，有啲角色就係真人化妝演出，好似紅孩兒呀、鐵扇公主咁，著上靚靚o既戲服，有晒表情咁，但又有啲係戴公仔頭套﹗好似紅孩兒旁邊o既牛魔王﹗即刻胡鬧咗添…:p
套劇一路演之際，去到要用芭蕉扇去撥火焰山o既火，佢哋邀請咗現場觀眾一齊參與，追住一幫「壞人」嚟撥撥撥，原本冇乜嘢的，最搞笑係，有個阿婆撥撥下好累了，撻咗皮，塞咗佢把扇俾我爸，哈，咁我爸唯有繼續努力，追上去撥撥撥，成為演出o既要員啦﹗呵呵~
見到我爸嗎？哈~
落力參與演出o既好處係，完咗之後可以早啲同一眾演員合照囉~yeah~
除咗西遊記兒童劇…
仲有布袋戲﹗
原來後台就係咁了﹗不過我哋冇睇好耐呀，佢哋演出用台語對白，我哋聽唔明呢~
另外我哋又睇咗皮影戲~
離開熱鬧o既小鎮，嚟到寧靜o既另一邊，呢度係黃舉人宅~
優美o既小河~
呢度係宜蘭黃纘緒舉人o既屋企嚟o架，已經有一百三十幾年歷史了，由原址成舊咁搬咗過嚟呢邊，好讓大家了解一下傳統o既三合院係點樣一回事~
行到人哋關門呢﹗好搏盡啊~下一站，我哋過去羅東o既另一邊，去夜市度jap jap jap~去到台灣，唔去下夜市食嘢好似唔係好對路咁…:p
火車站o既另一邊比較熱鬧~
哇，typical o既台灣夜市look﹗有小食、有乾貨﹗我哋都買咗幾件衫衫呢~
呢個龍鳯腿係旅遊書都有介紹，裡面係豬肉魚肉高麗菜，外面包裹住豬網油扮作雞皮~話係以前物資唔多o既年代，長輩們為咗安慰小朋友而創出嚟o既假雞脾﹗都幾特別o既~生意真係好好呢，排隊就佢最長龍了﹗
阿公仔龍風腿網網：http://0911828258.eyilan.tw/?ptype=info
另外我哋又幫襯咗炸海鮮~
仲食咗包心粉圓﹗http://www.lotong.gov.tw/TW/吃定羅東/p.10.pdf
包心粉圓好似啲珍珠包住啲紅豆餡，暖暖軟軟的，配住啲煉奶冰嚟食都幾好味~(唔知點解冇upload張相添~:p遲啲補番﹗)
做咩影個電視？因為發現咗生得個樣好似day嗰個don﹗原來佢去咗台灣拍劇呢~呵呵~真係好似﹗
待續
前往其他台灣旅遊blog