14-9-2010:台北宜蘭trip day 3(part 1).宜蘭頭城農場知性之旅.藏酒酒莊DIY+暢談

係寧靜o既農場休息一晚之後,又開始一日豐富o既行程~起首o既係農村風味o既早餐~

之前有冇影過呢?我哋食飯o既地方有啲似入camp,一張一張圓枱,有啲膠椅疊起,食完嘢又要自己執拾碗筷,不過就唔駛自己洗碗~早餐都係自助形式,有蕃薯粥等等o既傳統食物~都幾好食﹗

我哋之後就check-out啦,寄存好行李,準備參加朝早o既「知性之旅」~

等候老師期間,發現有隻自由自在o既山豬﹗佢哋被「自由牧養」,係農場度走嚟走去﹗搞笑o既係,佢哋o既行為完全係一隻狗多過一隻豬囉,係你身邊行嚟行去,擺擺尾,仲親熱地舔舔你隻腳﹗哈哈~

出發lu,帶隊o既係一位叫做「張老師」o既中年男人,佢話佢係退咗休o既導遊嚟o架喎,所以講嘢都好風趣幽默~所謂o既「知性之旅」,其實係帶我哋係農場o既山上走走,睇睇啲大自然入面o既植物、動物,仲有重要o既環節—-就係摘水果帶番屋企喇﹗

沿途動物都唔少o架,蝴蝶、青蛙、蝸牛都好多~老師都向我哋講解佢哋o既習性、獵食、繁殖等等…最有趣o既係蜘蛛o既故事﹗原來一個蜘蛛網有一隻蜘蛛公、一隻蜘蛛乸,大嗰隻係乸,佢哋一隻織打直o既網、一隻織打橫o既網,分工合作,而啲網呢,你夠膽掂下的話,一個方向o既係黏、另一個方向o既係唔黏o架~講到佢哋o既繁殖,蜘蛛乸又大又惡,隻蜘蛛公預備好「繁殖要用o既物資」,拿拿聲跑上去隻蜘蛛乸個肚仔上面,放低,就要飛奔走o架啦,如果唔係小命都不保…(以上資料由張老師提供)鬼鬼祟祟的…所以蜘蛛公被稱為「spiderman」,亦即是「s-pi-der-人」(普通話:失敗的人)﹗哇哈哈哈哈~~~~~~~~~~~~~~~

我哋去到牛舍,啲木板寫咗好多同牛有關o既台灣諺語呢,不過要用台語讀出嚟o架,麻煩day為大家講解一下~相入面o既就係張老師了~

農場入面當然有牛牛啦~

重要環節﹗

而家當造,可以摘o既水果,其中一種就係柚子了﹗張老師係未去到柚子樹時俾定心理準備大家:「我尋日星期日啱啱放咗假,今日一番到嚟,哇,乜啲柚子少咗咁多o既?」heehee,因為weekend遊客多,大家都滿載而歸,佢擔心我哋一行五人(胡氏三人+另外台灣夫婦二人,尋日幫手起爐燒烤者是也~)會失望呢~結果都唔少呀﹗的確冇咁就手,但我哋都摘咗四隻番去﹗啲柚子好清香呢~初初以為呢啲俾人揀剩o既所以細隻啲,質素差啲,點知好嫰、好多汁、好甜喎~讚呀﹗

除咗柚子之外,我哋仲摘咗木瓜、橘子、番石榴﹗滿載而歸~

去到雞舍~

哇,又係自由奔放o既雞﹗真正o既走地雞呢,室內室外走地都得﹗我都未試過俾咁多雞雞包圍住~仲可以係雞舍拾新鮮暖粒粒雞蛋﹗不過我哋仲有好多行程,所以影張相之後就放番低lu~

其他小動物…羊咩咩、山豬同埋山豬小BB、鵝、同山豬同一屋簷下o既鴿子~

呢度仲有個水稻區,留得長啲時間o既大中小學生仲可以試試種米o架~

oooooo~~~~~~~~呢一個半鐘o既行程非常豐富呢﹗又聽咗好多笑話~(當中包括唔少張老師講o既少少鹹笑話~:p)

熱熱的行一圈之後,梗係要飲番冰凍o既寶礦力水特啦~~~~~~~~~~~~yoyoyo~~

因為我哋參加o既係「酒鄉之旅」,有別於淨係玩農場o既「豐富之旅」,我哋會參觀埋係頭城農場附近o既藏酒酒莊~原來藏酒酒莊個名係玩食字,普通話講「藏酒」,聽落去就好似「長久」,係帶我哋遊覽o既阿輝講我哋聽至知咋~

NdfiVYAJkO2UFdZx2dOadg

頭城農場嗰邊o既裝潢好樸素,而嚟到酒莊呢邊,即刻變得好幽雅舒適﹗兩種唔同o既風格~

kdrdbJ0N3.ZleJvlUP3GUQ

仲有一個小花園~話說阿輝同我哋講解花園入面o既植物…

fWQj9ZaPUkCUnxbYQNWkiA

爹爹碰咗一碰一棵樹,突然有一條水柱射向佢塊面,原來係有隻青蛙吐佢口水呀~哇哈哈,阿輝就一手捉起佢,同我哋講解青蛙o既生活習性,同埋教我哋,要捉青蛙就要「扯佢後腿」﹗哈~你睇佢個樣幾得意~

點解有個小花園,因為正下方就係酒窖,所以為咗保持酒窖陰涼,咪沖啲植物係度散散熱囉~

p42JadZesUoUyC6sJwgREA

我哋入去酒窖參觀~

C8lHr6O1gSN6VICNOHs_A

入面展示咗同釀酒有關o既器具,好似橡木桶、酒酲、攪碎葡萄o既機器、各式o既酒樽等等,原來因為葡萄酒o既酒精濃度低,會photosenitive,所以要用有色o既酒樽,而啲烈酒嘛,好似whisky、brandy嗰啲,酒精濃度高,就可以用番透明樽了~

之後阿輝帶我哋入去另一間光猛o既房間…S71JWV_JCR9xMmy9E1MWkQ

 

原來係DIY活動呀﹗佢教我哋整紅酒漬小蕃茄~我哋負責唔同o既步驟,阿輝就放啲茄入熱水度,我就攪拌啲茄,睇住啲茄啲皮一爆開就撈上嚟,放入冰水度,爹媽就負責剥皮、入樽,之後我哋就準備啲酒喇,要煮熱啲酒,加糖,加柑橘汁入去,放粒話梅入啲茄度,注入已煮過o既紅酒,ok﹗最後階段就係包裝、入盒﹗

我哋整呢個酒漬蕃茄小食時唔係只係整整整,爹媽同阿輝就好似一見緣故咁樣,高興地吱吱喳喳,可能因為大家都同台灣有啲淵緣吧~

7FPUibm8_OTNG3Uj0S8llw

個樣係咪好專業呢?媽咪話有埋招紙同個盒,個樣簡直就同舖頭賣o既一樣﹗所以好有滿足感~大家都笑咪咪呢~

HaeI6Yx5sNkI7WTOo7MNHg

梗係要同阿輝合照啦~

之後我哋係藏酒酒莊享用美食,大家留意下一篇blog咯~

待續

前往其他台灣旅遊blog

Comments

comments

在《14-9-2010:台北宜蘭trip day 3(part 1).宜蘭頭城農場知性之旅.藏酒酒莊DIY+暢談》中有 3 則留言

  1. 摘柚子的那張相很靚,可愛動人:) 捉青蛙好似好核突! 紅酒蕃茄幾好味,如果酸d 便好了!
    [版主回覆09/28/2010 21:59:00]replied

  2. 見到D雞蛋,諗起上次跟恆仔番佢鄉下,D親戚送左一大袋雞蛋俾我地做禮物。
    [版主回覆09/28/2010 21:59:00]replied

發表迴響

你的電子郵件位址並不會被公開。 必要欄位標記為 *