又有得去旅行囉~呵呵呵~真開心﹗假期其實一共有九日，不過因為18號要參加婚禮做姊妹，所以今次叫做去咗六日旅行啦~話就話六日，事實上係玩五日，因為第一日搭夜機，係港龍20:55起飛去台北o既班機~咁咪好徙？其實唔係o既，今次諗住去宜蘭，開頭直情諗住就咁買機票，然後只訂宜蘭o既旅館，不過嘛，原來連兩晚台北酒店o既package居然比起就咁買機票仲要平？﹗所以早一日去到，瞓一瞓覺都抵番~

點解去宜蘭o既？話說本身諗住同爸媽家姐去o架，媽咪話都好耐冇去過日本，而家姐都不嬲鍾意去日本，打算去伊豆半島嗰邊…但後來家姐請唔到假，咁下次等埋佢先去日本啦，爹爹就忽然提議去宜蘭了，聽講嗰邊有礁溪溫泉同埋有啲農場，聽落都幾有趣，好啦，就宜蘭啦﹗而且經過台北，爹媽又可以去探一探舊朋友仔﹗

出發lu，出發lu~

day來送機~真好~ :”)

出發紀念照﹗

我講過嘛，呢個牌點都要影一影﹗oh，delay咗15分鐘添~

等候登機期間，爸即刻拎佢部notebook出嚟上上網，我就介紹媽咪玩iphone的angry birds，哈哈，因為媽咪好怕玩啲好緊張刺激o既games，angry birds呢類咁溫和o既games就啱晒佢喇﹗係呢段時間，lite版o既12關媽咪都過咗9關呀~我就繼續我o既nds game，最近係網上訂到legend of zelda o既spirit tracks呢~好開心﹗香港真係衰呢，啲nds game都唔入貨…可能因為太多人非法download了，生意都做唔住…

飛台北好快啫，個幾鐘就到，打住機+jap jap jap飛機餐，好快就抵達桃園國際機場了，我一如既往地提議搭國光客運，出番去市區o既酒店~

好夜lu~大家都非常眼瞓丫~

去到台北車站再轉的士過去酒店，今次揀咗家姐極力推介o既捷絲旅「Just Sleep」旅館，大家入到去到眼前一亮呢~

旅館為於西門町，距離西門捷運站只需要步行兩分鐘，可以話交通非常方便，而且樓下有便利店，夜一夜都可以買嘢食~

最令人感動o既就係佢市尚o既內部設計，床、浴室都非常舒適，因為係三人房，所以間房係角落頭位，隻窗勁大，有180度o既景觀﹗我哋食過杯麵，沖個靚涼就休息lu，但嗰陣都一點幾鐘lu~

唔緊要啦，行程第二日先至正式開始﹗我哋會一早出發去宜蘭了~

待續

前往其他台灣旅遊blog

Comments

comments