經過咗兩日o既航行之後，我哋抵達第一個目的地了﹗今次海洋神話號航程總共六日，當中會停越南兩個港口同埋海南島o既三亞，之後先返香港，我哋嚟到越南第一個港口—-下龍灣~

早於第一日一上船我哋就book好上岸o既local tour，決定要參加下龍灣o既小cruise，遊覽一下呢個「小桂林」~

因為好早就要上岸，所以天都未光我哋就去食早餐咯~

大家去Anchor Aweigh Lounge集合，一團一團咁出發搭接駁船然後上岸咯~越南o既關員上埋船同我哋辦過關手續呢~不過因為一早已經遞交晒passport、表格辦好簽證，所以都好順利﹗

我哋搭上接駁船了~

Smartone都提醒我，我已經去到越南了﹗

下龍灣o既local tour主要係搭一啲細隻o既船仔去遊覽「小桂林」，睇下佢o既奇山異石~

輪候上船~

每隻船其實坐得都好鬆動，可以留係船艙內，亦可以走上甲板，不過其實都凍凍地，所以我哋未有景睇時都留係船艙先~

遇到呢家「流動小販」，有好多生果賣呢，其實一啲都唔平，不過我哋見個小朋友咁可愛，我哋都買咗啲小甜桔同埋迷你香蕉，導遊話嗰啲香蕉叫lady finger喎，相傳啲越南人用嚟birth control？﹗咁都得？

第一站我哋會上一個大島參觀~

呢個大島其實係一個洞窟，外面好似係個山，其實係中空o架，我哋可以入去裡面行~

諗起上次去沖繩時o既玉泉洞(19-8-2007：沖繩2007第四天@玉泉洞、琉球王國)，入面o既鐘乳洞打晒燈咁~成個洞都幾大o架，我諗係入面都有行成十幾分鐘~

話舊陣時啲人就係由呢個窿窿發現呢個巨型鐘乳洞o架啦~

我哋再登上船，繼續航程﹗其實架船真係冇乜安全措施~你睇，船頭呢度完全冇欄桿o架囉~竟然會咁﹗

景色就真係好似桂林嗰啲山水咁呢~而且因為好大霧，好似入咗仙境咁呀~

上咗一個fish market，上次去Langkawi都有類似o既東東(26-12-2006：浮羅交怡全島遊．紅樹林．觀鷹．七仙井．纜車)~都好鍾意呢張相，所以都有一排用咗嚟做facebook o既profile pic呢~

你話呢對石頭似咩？導遊話係「kissing rock」，但中文o既旅遊書就話係「鬥雞石」﹗

坐係甲板度都好舒服，後來導遊上咗嚟同我哋吱喳，原來佢係英文教育畢業呢，難怪英文講得咁好~佢又講多啲越南o既東東我哋知，最好o既係，問咗佢之後，我哋對下晝o既自由時間有啲頭緒了~

回程lu~

待續

前往其他遊輪旅遊blog

Comments

comments