25-6-2009:花蓮day 3 (part 2).遠雄海洋公園下集

繼續遠雄海洋公園o既行程﹗行完水族館,出番o黎戶外~

哇,睇見了,睇見了﹗就係呢種多個顏色o既海呀~好似旅遊書上面咁﹗真係好想跳落去游下~不過我同connie都覺得,應該未算係最最最最靚o既時候,如果個天D雲再少D,個海應該仲更藍D添~

heehee~具信心之作﹗似唔似postcard or poster呢~

登上呢個細小o既摩天輪,刺激度0,不過悠閒度10﹗咁多個車廂,只有我o地一組搭客…

我o既powershot hx01大sony終於輸o左啦~connie o既普通dc可以伸個鏡頭出D窿窿,可以拍到「無障礙」相片…不過我個鏡頭就穿唔到過去,只能影到「監獄景觀」…:p

又差唔多時間有show睇~今次都海豚show了﹗

等開場時都有娛賓節目喎~有個鏡頭拍攝D觀眾們,投映係大銀幕上面﹗有D人大大方方,有D人手舞足蹈意圖吸引鏡頭注意,又有D人怕怕羞羞,hee,邊個唔願意面對鏡頭,個鏡頭偏偏唔放過佢﹗結果更加成為全場焦點啦~

嘩~好合拍呀﹗

點解呢條海豚慢o左o既?食o左豬油膏?﹗

當然又有邀請觀眾一齊參與o既環節啦﹗被挑選o既觀眾們以為有機會同海豚作近距離接觸…結果…只係佢o地各自玩呼拉圈…

海豚又自己玩呼拉圈…哎吔,被騙了﹗

睇完海豚show,我o地搭吊車上山,打算又上面玩番落o黎~

吊車有大大大玻璃,睇景都一流o架~

最頂頂呢個城堡其實係個劇場,我o地下晝時就去o左呢度睇show喇﹗

呢個海洋公園都有D機動遊戲,適合老、中、青o既都有~不過因為connie不太好刺激o既東東,所以我o地都係玩斯文D o既遊戲居多~

碰碰船﹗咁淺水,唔駛Rescue咁誇張吧?﹗其實係夠鐘喇,D人都唔肯泊岸時,呢個公作人員就會駕船出來撞大家回去﹗heehee~應該屬於「家長」o既角色~

呢個滑浪飛船類的ride我o地冇玩呀~

不過嘛,呢對大叔大嬸都玩得幾開心丫~

三點幾時我o地去城堡劇場欣賞o左集合音樂、舞蹈、雜技、魔術、戲劇於一身o既演出,有少少似上次去海泉灣o既「大海的記憶」,不過嘛,呢個就惹笑少少,但其他o既水平又好似冇海泉灣o個個咁精彩咁~大致上都唔錯丫~有個演員最初係以「觀眾」o既身份參與家嘛,我o地都去到中段先參透佢o既真正身份丫呀~被騙了…

大約五點半,陳先生接我o地番去~佢話要帶我o地去食葱油餅喎~呢個當係…下午茶?﹗anyway,係台灣呢幾日,個肚子都經常保持於飽o既狀態呢~

呢種葱油餅係油炸的,比起上海style o既葱油餅唔係好同~我o地拎o左番民宿慢慢享用~葱油餅每個台幣20~抵呀﹗

外皮香香脆脆,雖然見唔到一粒粒葱,但食落又有好香o既葱味喎~每個葱油餅入面都有一個半熟o既蛋,哇,入面多汁柔軟,完美o既配搭呀﹗雖然陳先生又按佢自己o既食量,買o左一人兩個葱油餅俾我o地食,但我o地都將o個D葱油餅全部解決掉呀﹗結果咪就係…超級飽o羅~

但陳先生依然有介紹我o地晚飯o既地點﹗我o地決定係民宿休息下、睇下電視,等晏少少先至去~

陳先生介紹o既日本料理店「田村」原來就係旅遊書上面都有介紹o個間呀~出名之處在於新鮮+抵食﹗入面有兩層樓呢,都幾多枱椅~

因為飽o既緣故,我o地都唔敢叫咁多o野食呀~叫壽司叫錯o左呢種,冇得食生魚片添,好在有叫刺身…

兩個人埋單都係台幣250咋﹗超平~味道唔算「嘩」咁好食或者食到瞇瞇眼,但都唔錯o既,佢最大o既好處就係真係好平丫嘛~

番到去超級超級飽了,雪櫃o既半個tiramisu要暫時擱置啦~

電視o岩o岩播緊我小時好喜愛o既「歲月的童話」,雖然已經睇過十萬次,但又忍唔住睇晒成齣了﹗:p

待續

前往其他台灣旅遊blog

Comments

comments

在《25-6-2009:花蓮day 3 (part 2).遠雄海洋公園下集》中有 4 則留言

  1. 個海真係好靚好靚..有四種藍色呢~
    [版主回覆09/04/2009 13:38:00]replied

  2. Re家姐:
    當初決定去花蓮,幾乎就係因為呢個海呢~係你o個本「花東」旅遊書影得勁靚﹗

  3. Re doreme77:
    其實我都好鍾意寫blog blog同埋睇到大家o既re re,可惜呢排工作忙DD,我又懶DD,所以都少寫o左好多…上次o既台灣之旅仲爛o左尾添…希望不久o既將來我會補番寫啦~

發表迴響

你的電子郵件位址並不會被公開。 必要欄位標記為 *