瞓醒覺，準備出發咯~今日有豐富o既行程﹗會去太魯閣國家公園同埋七星潭風景區~「望下山，望下海，花蓮旅行…啦啦啦~」睇下民宿老闆為我o地準備o左咩早餐呢？天氣咁好，就出去露台享用呢份早餐啦~

原來係美味o既雞蛋肉鬆青瓜三文治﹗鹹鹹溫熱o既三文治好好味啊~之不過…旁邊o既飲品係…？有一杯係冰茶…另一樽﹗oops﹗係新鮮o既羊奶呀~我未飲過羊奶o架~究竟係俾我o地就咁飲羊奶丫，定係將佢o地變成奶茶呢？﹗唔好理lu，試少少羊奶先…哇，超級大陣羶味丫﹗我o地倒o左少少落去杯凍茶度…都頂得住，諗住唔好浪費，一人一大啖飲埋佢，但我飲過之後都發覺唔係好習慣…

食飽飽就出發行程lu~因為太魯閣又遠遠地，去到地方又大大地，所以我o地都決定參加民宿o既套裝行程，即是由陳先生開車帶我o地去玩~

係個大招牌度影番張相先~

我o地去旅客中心睇下關於太魯閣o既資料先，入面講下地型、氣候、動植物、原住民，仲睇o左一套介紹短片添~

太魯閣地區o既大模型﹗

入到去個影片放映室，令我同connie同時諗起去印度時o既一個地方，我o地去參觀delhi o既national museum，唔知係咪夏日炎炎正好眠…哈，入去睇資料片，大家都呼呼大睡﹗可能因為o個度係全館唯一有冷氣o既地方吧？﹗

太魯閣族原住民舊陣時D女子會紋面，係成年o既象徵，佢o地主要從事織布嘛，話織布技術越好的話，就可以紋D特別o既圖案係面上，咁就會成為族中男子o既爭奪對象lu~

另一個招牌影相位~

我o地落車o既下一個位置係砂卡噹，以前呢D地方都仲漢名，但後來原住民o既地位得到肯定，好多地方名都轉番做原住民o既語言lu…所以都唔知砂卡噹係咩意思添…

水非常非常o既清~我o地沿住溪水旁o既步道散步，難得可以呼吸下樹林入面o既空氣~

「遠山綠色，雲端七色…啦啦啦~」(唔係zarahn / 周國賢o既fans唔知我係度唱乜…哈哈~係「如果感覺有顏色」呀﹗)

好在有個位可以落去溪水旁邊，真真正正可以觸摸一下呢D超級清o既水o者~我係度，諗起o個次同家姐佢o地去日本o既白川鄉，D水都係清到令人好想跳落去o架(7-6-2008：拜訪合掌村@白川鄉)~

後生仔們係度…片石仔﹗新一輩可能逐漸逐漸唔識得呢D玩意兒咯~

可以媲美勁勁相機o既出色相片一張﹗我真係要曬番一張俾蜥蝪先生咯~佢o既七三面、清晰o既輪廓，加上後面半朦朧o既背景~good﹗

我o地中午係一個原住民休憩區lunch~

入面有個展館，展示原住民們o既手工藝~

外面有…

哇﹗係令家姐發狂o既蓋印仔﹗今次佢冇o黎，等我幫佢蓋蓋蓋啦~

之後我o地去參觀燕子口~

呢度係兩邊陗壁~

有一個個洞洞好似燕子o既巢咁~其實真係有好多小小o既燕子飛下飛下o架~以為隨便按一按快門就會影到一兩隻燕子，但原來佢o地都唔係幾願上鏡o架喎，又一隻都影唔到喎~

燕子口而家o既行人步道，以前係人同車一齊行，不過而家係山入面開僻o左一條隧道，咁就鬆動好多o羅~但意外依然存在，係大石滾落o黎o既意外呀，真係得人驚…

超級巨大o既陗壁﹗可以睇，但好難影~咁大，影落去都係一大幅石牆o架咋喎…真係檢查唔到…呀，講大家知，相片右下角o個個就係陳先生啦~

慈母橋旁邊呢舊大大石似咩？哈，我一估就估得中了﹗似青蛙﹗所以青蛙石上面o既涼亭就變成青蛙王子o既皇冠咯~

吊橋本身唔算恐怖，有個告示牌寫住，每次只限八人，最恐怖o既係，你行下行下o既時候，會突然發現唔知幾時開始，有超過八個人係上面﹗

遠方有座寺廟，紀念o既係興建太魯閣o既道路時殉職o既人員，因為落車時個天開始落雨啦，所以都冇走過去仔細睇~搵o左個後生仔幫我o地影相…

諗住佢咁後生，唔駛instruct佢點影啦，點知…兩個人都影得好靚﹗不過呢…唔講真係唔知原來係想影o個間寺廟呢…:p

太魯閣o既行程就到始為止啦，我o地下半part去七星潭風景區~

待續

前往其他台灣旅遊blog

Comments

comments