雖然第一日o黎到花蓮都已經係下晝，但我o地都有行程o既~係民宿安頓好，稍為休息一陣之後，老闆邱先生同老闆娘鳳梨阿姨就車我o地去南濱夜市咯，我o地打算係呢度吃到飽呀﹗花蓮市主要有兩個夜市，分別係呢個位於南濱公園o既南濱夜市同埋另一個自強夜市，呢個近我o地少少嘛，又可以睇下海~

先係大門口影張相先~

哇，我o地o黎到太平洋啦~~~~~~~~~~~~~yoho~~~~~~~~海岸線好長，基本上石灘o既兩邊都行唔到盡頭…不過大家都主要聚集係近夜市o既呢一截~係呢度，好適合…

情侶拍拖﹗

仲有放下貓，放下狗﹗

當然仲有一家大細o既活動同埋三五知已傾傾心事啦~

我o地都係度坐一陣，enjoy一下海風先~

咁長o既海岸線，當然都要試下用大sony HX01 o既全景mode o黎「掃一掃」啦~

預防勝於治療﹗預防勝於治療﹗貼定蚊蚊貼先~新科技…其實都唔知信唔信得過，總之就冇蚊咬我啦~

仲可以係海邊浪漫地放下煙花添~

天開次黑，肚子開始餓，我o地都決定去jap jap jap了﹗

首先吸引到我o地o既係呢個炒得好香o既石板烤肉煎餅，用D黑椒炒，好惹味，個煎餅texture就好似印度o既paratha咁~good呀﹗

o黎到台灣好似無論點都應該食下蚵仔煎咁…

花蓮其實出名食海產o架，不過得兩個人，食唔到幾多，我o地食o左炒蜆，D蜆都幾肥厚多肉，但用o左唔少花椒八角o黎炒，我就麻麻地…

個大排檔仲有免費卡啦ok添~

真真正正o既「金魚佬」乎？除o左食o野之外，仲有好多攤位遊戲玩o架~

飲品種類好多，我o地都專登次次叫一杯兩份飲，仲要係細杯o個種，務求試多幾種~我o地飲完第一round o既木瓜牛奶之後，我點o左呢個冰凍o既冬瓜茶，天氣太熱了，感覺上呢個比較消暑…不過甜o左少少呢，味道好似…好似麥當勞熱香餅o個個糖漿﹗

今次冇食刨冰，不過試o左呢款綿綿冰，有少少似思樂冰吧？

connie揀o左正常o既益力多味，我揀o左古怪少少o既梅子同埋薄荷朱古力味，頭兩種唔錯，但個薄荷朱古力又真係太過薄荷o左D…算啦，佢都係忠於本份o者~

行下食下居然忽然間響起音樂，原來有原住民o既歌舞表演呀﹗中間呢個太叔特別跳躍，特別落力呢~

我o地去海邊再坐多一陣都番去休息咯，舟居勞動o左一日，都累lu~我o地行路番去民宿，大約30分鐘就到了﹗

哈，不過番去時發生一段小插曲，話說入住時鳳梨阿姨同我o地開門，帶我o地入房，仲叮囑我o地出門口記住帶鎖匙﹗我o地將一切銘記在心啦~點知…番到去…oops﹗我o地條鎖匙開唔到我o地間房o既門丫﹗主人家唔係住係呢度家嘛，唯有打電話俾佢o地求救啦(漫遊的…慘﹗)~原來佢o地俾錯o左另一間房o既鎖匙我o地呀，開頭佢o地想撻皮，叫我o地住住另外o個間大房先o架，但因為我o地D衫褲鞋襪都係「真愛吶喊」入面丫嘛，點沖涼，點瞓覺呢？﹗最後經過多次電話溝通之後，佢o地教我o地係間屋入面搵到後備匙﹗哈，一切都係我o地掌握入面啦，哇哈哈哈哈哈~太好了~

待續

前往其他台灣旅遊blog

Comments

comments