11-4-2009:梧桐寨看瀑布

難得o既復活節假期只需要call一日,即是仲有三日假期啦,又咁o岩呢個星期六可以同day+佢o既朋友仔一齊去行山喎~唔知點解平時同day出街時時都係我出主意,但佢同教友們出去又會安排得妥貼丫﹗下次都要你全權安排我o地出街街o既活動呀,要坐享其成﹗

今次去o既係「梧桐寨」,以前聽就聽過呢個地方,但就未去過,原來係大霧山郊野公園o既,會睇好多條瀑布﹗我同day約好係元朗食早餐,之後就meet各位一齊搭地架64K去集合地點啦~

點解要post呢張相?因為要影清楚今日day著o既tee,係我o地去cebu時買o既眼鏡猴tee呀﹗

出發地點係梧桐寨村~

初時行o既路係咁平坦o架,不過越行就…越崎嶇﹗

第一個check point﹗按圖索驥,知道見到呢間寺廟就行o岩路了﹗去到萬德苑~不過我o地冇入去參觀呀~

外面有一隻懶洋洋o既狗,令我諗起係印度時周街周地都係狗呀~連醫院範圍內都有好多隻狗呀~o個時印度D狗全部熱到懶洋洋的~

呢度先算係真正o既起點,循例都影影張地圖先~

一次影到晒幾個目的地,冇錯,今次我o地會去四個瀑布,分別係井底瀑、中瀑、主瀑,仲有呢度冇show出o黎o既散髮瀑~

都好多人呀,一行十三人﹗

o黎到第一站o既井底瀑了﹗景色有少少似當年去浮羅交怡o既七仙井[26-12-2006:浮羅交怡全島遊.紅樹林.觀鷹.七仙井.纜車]呢~

day o羅~要我影埋呢D古怪相﹗的確幾棧鬼~hee~

中瀑都幾有氣勢呀,估唔到香港都有咁壯麗o既瀑布呢~

而且D水都好清呀,不過呢D天時玩水暫時都仲係凍o左少少~

之後o既路越行越斜,越行越險呀,雖然而家運動少o左好多,但好在都仲應付得o黎~

o黎到主瀑,我o地停留得比較耐,影下相啦,又野下餐啦~不亦樂乎﹗不過有一段時間唔見o左day…day去o左邊呀?點算呀?原來day同阿橙去o左為大家探路前面有一段路唔知難唔難行,話說之前試過山泥傾瀉,有一小段路壞o左,其實豎起o左個牌叫人唔好行過去o架,但網上睇D人又個個都照行過去喎,咁咪睇下o唔ok o羅~

主瀑呢度個水潭仲有好多魚添呀~

我都要影一張獨照﹗主瀑真係好長,縱使我部相機有廣角鏡,個鏡頭點就都影唔晒~

結果我o地都係決定跨過o個段難行o既路,雖然手腳並用,最後有驚無險地都齊齊整整過到去~因為呢,過唔到去o既話…

…唔單止睇唔到最後o既散髮瀑…

…睇唔到咁遠o既錦田景色…

仲要原路行番落去呢~

睇完四條咁靚、各有特色o既瀑布,係時候落山啦~野o左餐,食o既只係簡單o既乾糧,大家都想落山飽餐一頓咯~

我o地今次行山時沿路都見到航空青年團o既團員,一班小伙子,細細個但著住制服長靴都好型呀﹗又好在有佢o地咋,因為佢o地有好多team,又有walkie-talkie聯絡接收消息,咁先話我o地知原來隔離山頭有山火呀,嚇死人啦,其實都驚驚地,咁樣死法好唔抵家嘛~所以落山時都急急腳急急腳呀﹗落山時先發覺原來我o地已經爬到好高﹗

好不容易落到山腳,我o地搭巴士出番去元朗,搭車時呼呼大睡,大家都累咯~

Comments

comments

3 關於 “11-4-2009:梧桐寨看瀑布” 的評論

  1. 因你多主意麻..~ 哈哈!! 有機會再去!! 原來仲有一個玉女瀑!! 不過要行落澗去… 有d危險~ 下次行的地點應是馬鞍山,行長d!
    [版主回覆04/21/2009 10:09:00]replied

  2. Re小姑娘:
    係day叫我影家嘛~好傻瓜呀﹗
    你都多D去我爸爸媽媽個blog,支持下佢o地啦~多人睇、多人留言可以鼓勵佢o地多D寫~(我家姐個blog已經夠多人睇了,呵呵~)

發表迴響

你的電子郵件位址並不會被公開。 必要欄位標記為 *