9-2-2009:台東海線(Part 2).美麗太平洋

續:台東海線之小野柳

離開小野柳一直向北走,陸續仲有好多美麗o既太平洋景色啊﹗我o地落車去到一個原住民o既公園,o個度有好闊好闊o既view﹗見到澎湃o既海浪,海水真係好藍、好清~成個人都身心舒暢呀﹗

點我o地有咁迷人o既S型曲線?哈,因為實在太大風了,唔側起個頭就會吹到頭髮亂晒丫﹗

公園裡面有好多原住民做o既雕塑,用漂流木o黎做o架~

向世界出發﹗heehee~

我o地就係坐住呢架小型旅遊車遊海線啦,五個人+行李,都幾鬆動~司機陳先生都好nice nice,佢沿途都有講解下當地o既特色呀風俗呀o個D俾我o地聽,而且又同我o地安排時間安排得好周到,臨尾有少少時間剩仲安排特備節目添~

去到下一站係落海灘呀﹗哇呀~~~~~~~~~~~可以親身掂一掂太平洋o既海水lu﹗時間比較充裕,可以留係呢個地方一個幾鐘﹗不過要親親太平洋都要付出代價o架~

我o地沿住條路一直向下行,都有好多級樓梯o架,行落去時就爽…不過…回程時,諗諗都心驚驚,要預留多D時間呢~你見到嘛?我o地拎住好多野餐o既食物呀﹗

 

我o地去到一個涼亭,一邊嘻嘻哈哈,一邊享用嫂嫂預備俾我o地o既燒餅豆漿麵包~呢度可以望到海o架~

超大超長o既海灘呀~雖然唔係水清沙幼,唔係白色沙灘,但係上面跑下跳下都覺得身心舒暢﹗但係一走落水(只有我同家姐兩個人有咁樣做…),哇~~~~~~~~~~~冰凍得不得了﹗

大自然o既奇妙﹗沙灘上有好多唔同顏色o既石頭,居然俾我o地搵到咁多種喎~全部都係天然o架,絕無人工成份﹗

點都要落一落水o既,D水真係好~~~~凍~~~~~~~~

家姐話佢好鍾意呢張相喎~

時間差不多,我o地要爬番樓梯上到頂上車回程~其實樓梯上面都有另一番景致o架,加上o個度有間cafe,如果有多D時間可以慢慢歎下都真唔錯~by the way要提一提o既係,我o地呢D跑落水,腳腳又沾滿沙o既人,走時梗係好le hea啦,點知我o地一去到樓梯o既頂,哇,居然有個洗腳專用o既位置,好good啊﹗讚呀﹗

最後一個景點,我o地o黎到「水往上流」,其實以前o黎台東時都參觀過lu,故名思意,D水唔係向下流,而係向上流喎,聽講係因為視覺差o既問題,有去過「信不信由你」博物館嘛?入面都有一張桌球枱,入面D桌球點都係「往上碌」o架~

水往上流o既招牌相﹗

雖然好快就行完呢個景點,但原來上面有一個環境優美o既公園,既然有時間,我o地就係度坐下,享受下relax o既時間啦~有暖暖o既陽光曬住,好舒服呀~你見到我舒服到點嘛?呵呵~

哇,加遊景點﹗我o地o既司機陳先生見有時間剩,居然帶我o地停多一站,係呢個石灘上面餵魚魚~呢度係保育區,唔准人捕魚、釣魚、電魚…不過嘛…又會准人餵魚o既?﹗因為餵魚可以增加魚魚o既數目乎?﹗

我o地最初時照一般餵魚o既方式,搣細細片細細片o既麵包丟落個海度,陳先生教我o地話咁樣唔得o架,原來要大大片大大片咁丟﹗點解?

大大舊先可以丟得遠,D魚係深水少少o既地方警覺性先冇咁高嘛,佢o地即時如狼似虎咁追住舊麵包jap jap jap lu~原來個海有好多魚﹗

玩到呢度,我o既旅程就此結束啦~媽、大姨、家姐、姐夫佢o地就繼續…佢o地送我番出去台東車站就繼續旅程lu~

我獨自一人坐上開往高雄o既火車,之後轉飛機就番香港啦﹗第二日又要再次投入工作啦~短短o既trip都夠晒開心lu~

期待下一次旅行﹗

前往其他台灣旅遊blog

Comments

comments

在《9-2-2009:台東海線(Part 2).美麗太平洋》中有 6 則留言

  1. 很久冇來了,你好嗎?工作習慣了嗎?
    多了很多旅行的相呢^^
    [版主回覆04/19/2009 21:41:00]replied

  2. Re小姑娘:
    好開心你o黎探我丫﹗
    都習慣啦,而且就快完添lu~不過呢三個月去o左一個超忙o既地方﹗call親都幾乎冇得瞓丫~要食飯都難難地…經常餓住肚子~
    你以後都多D上o黎+探我+re re丫﹗

Catherine 發表迴響 取消回覆

你的電子郵件位址並不會被公開。 必要欄位標記為 *