我o既台東行程o既最後一日lu…依依不捨呢~

因為係自由行，所以可以瞓晏少少，養精蓄銳先出去玩﹗我起身時其他人都起晒身lu，大家係度熱烈討論早餐o既事…發生咩事呢？﹗

噢，原來有double份量o既早餐﹗我o地住o既火車頭民宿本身會提供早餐，我食o既就係肉鬆雞蛋三文治同埋奶茶~但熱情o既嫂嫂原來又為我o地預備o左豐富o既早餐喎，係豆漿、燒餅同埋包包~咁呀，我o地就帶部份食物去做午餐啦﹗

媽大姨姐恒仲有機會番o黎住火車頭民宿，但我今朝出發之後就唔會再番o黎啦，點都影番D相先~我o地每間房都有個大大露台，仲有秋千搖搖椅添~我o地尋晚咪就係呢度睇煙花o羅~

出發lu﹗出發lu﹗我o地今日走「海線」，海線係相對於「山線」o既另一邊，我o地由台東市沿住太平洋海岸，一直向北走，途經好幾個景點，主要都係睇海~我o地最北去到「水往上流」，其實再向北行仲有其他景點o架，不過時間有限，所以咁樣安排~我要趕下晝o既火車番高雄飛番香港，家姐佢o地就會上金針山繼續旅程(大家可以去家姐個blog blog繼續旅程﹗[http://www.wufamilyblog.com/~catherine])~

為o左方便行程，我o地向民宿包o左一架車走海線~

正值元宵佳節，台東呢邊有好多慶祝活動啊﹗都唔知佢o地整咩呢~

仲有呢架車，向住家家戶戶發水炮，好似灑聖水咁？﹗

我o地遊海線o既第一站係「小野柳」，好似話台北附近有一個「野柳」，都係睇呢D海邊奇形怪石o既地方，唔知我細個時有冇去過呢？

我o地先去小野柳遊客中心參觀先~

都好informative o架~有一本大大o既電子書，講解各種岩o既形成，如果我o地冇聽呢一課，就冇得field trip了﹗忽然變得好有教育意義呢~我o地個個都專心聽書呢~

遊客中心仲有家姐最愛o既蓋印仔﹗(家姐真係好鍾意旅行蓋印仔o架，請參閱[16-8-2007：沖繩2007第一天@首里城、玉陵、國際通、鄉土料理]﹗)

好啦好啦﹗終於落去實景考察啦﹗呢張相嘛…我好想show俾大家睇D石頭由兩種唔同o既岩，分別係沙岩同埋花崗岩組成，umum…即使係張相有隻手指頭突o左出o黎，哎吔，因為冇第二張相啦~

為o左令普羅大眾可以認得出各種o既岩o既名稱，佢o地用o左好多比擬其他東東o既名稱，好似豆腐岩、菇菇岩之類~我估我捉住o個個就係菇啦啩？

其實o個度範圍都好大o架~

o黎一張向世界出發先~

哇，o個個人比起我更加「向世界出發」添~by the way，究竟佢點樣爬上去？﹗

我o地參觀小野柳其間，見到不斷有戰機o既飛行演習呢，真係飛得好快﹗係姐夫部頗勁相機先影得到呢~俾著我部傻瓜canon就影唔到呢種效果lu~

但我o個部機都唔差o架，有28mm廣角鏡，所以自拍都可以拍到五個頭入去，都仲好鬆動﹗yeah~

呢D恐怕就係豆腐岩了，一格一格的~

睇完古怪奇石，我o地繼續沿海線進發去﹗

待續

前往其他台灣旅遊blog

Comments

comments