8-2-2009:台東第二天(Part 2)單車飛馳森林&海濱公園

係民宿休息一下之後,我o地就出發下晝o既行程了﹗今次個trip其實我好遲先知道可以join,所以對於會去邊度玩都零idea,反正有最最最可靠o既家姐負責plan行程,我就可以「un un腳」等去玩就ok啦~呵呵~上次去日本中部都係靠晒家姐﹗hee~(大家可以去[日本旅遊blog]呢度連結到上次去日本中部o既blog blog~)

我o地會利用一雙腿plus一架單車遊覽森林公園同埋海濱公園~似乎踩單車遊台灣都變成一種潮流呢~yeah,我o地走在時代o既尖端呀﹗係森林公園o既入口就有得租單車了﹗100蚊台幣就可以租一日啦~

出發lu~

踩到邊,見到有靚靚o既景色,見到有想影相o既地方,隨時都可以停低﹗森林公園有咁多花圃,o岩晒鍾意影花o既家姐啦~

係湖邊小歇~

森林公園都幾大o架,睇下之後踩去邊度先~地方咁大,唔踩單車真係好難遊覽得晒呢~係香港都冇D咁適合踩單車o既公園﹗即使係由沙田踩去大埔嘛,單車徑係長,但景色冇乜點轉變,而且都係直畢一條路,冇得點樣選擇點行~有個單車公園真好﹗

我不停咁叫呢個湖做「鴛鴦湖」,因為驟眼睇係連續兩個有「鳥」字係底o既字,其實係「鷺鷥湖」,哈,我時時都掛住D情情愛愛o既o野添~

五車戰隊,型呀﹗

好喜歡呢D翠綠o既松樹~

花架隧道~

琵琶湖~

踩下踩下,連接住森林公園o既就係海濱公園啦~

哇,對開就係廣濶o既太平洋lu~好大浪好大浪呀﹗我諗起上一次接觸太平洋,應該係去加州探珊珊o個次,佢帶我去half moon bay[30-6-2006:享受陽光half moon bay.書卷氣@stanford],印象係…陽光好暖,但海水好涼呀﹗聽講係因為來自北極o既水流~

充滿動感o既踩單車相﹗

o個度展示o左一間原住民o既房屋,上面描繪o左好多咯咯咯o既公雞呢~

天都黑lu,我o地都係時候還單車啦,如果唔係再夜D就會迷路咯~出番去熱鬧D o既市中心搵飯食先~

途經一間原住民會館(?﹗),好似係酒店o黎o架,我o地入去紀念品店睇o左一陣,有D原住民o既傳統故事書,都幾有趣,我就買o左一隻CD俾day,其實唔知好唔好聽o架,不過睇個封面好似幾好咁~day你聽o左未呀?我俾錢時o個個女人都話:「這個好聽﹗」另外一個特別之處係,呢度全館有免費wi-fi﹗呵呵,我同恒仔都R上o左一陣免費網﹗小LG萬歲﹗

行呀行~經過o左一間台東土產店,買到D小食可以拎番去醫院請大家食~有美味o既柴魚米通同埋麻薯,我都估唔到,拎到番去,原來麻薯比較受歡迎呢,我自己都冇機會試添,反而米通派唔晒我自己食o左好多件﹗

結果去o左旅遊書有介紹o既餐館,食D叫做「米台目」o既湯麵~

大家叫個米台目base,可以湯o既、可以乾o既~

然後叫D餸菜o黎share~呢個係貢丸同埋苦瓜丸,咩叫苦瓜丸?其實係蒸熟o既苦瓜入面釀o左一舊肉丸~另外我o地仲叫o左筍啦、炒芽菜啦、海蜇啦等等~

同埋兩款湯,有台東名產o既金針呀﹗唔知點解,呢度D金針唔酸o架喎?

食飽o左,但都仲要繼續﹗因為女人有第二個胃放甜品家嘛~呢間湯丸旅遊書都有介紹o架~

哎吔吔,意想不到係咁﹗佢個糖水入面有豆豆、花生、小小的湯圓等等o既材料,我以為冰o既就係同一款糖水o既凍版,點知原來係刨冰﹗oh no no~anyway,總算試o左樣新o野啦~

累咯累咯,搭的士番火車頭民宿lu~

我、媽、大姨一間房,家姐姐夫一間房,我o地都住三樓,每間房都有個露台,舒舒服服呢~可惜早出晚歸,都未能好好享受下個房間~等緊沖涼之際,聽到bom bom bom巨響…

原來有班後生仔係樓下玩煙花呀~有個露台真好﹗姐夫仲用佢部勁勁相機影到D大煙花相添~佢o地都幾落本o架,除o左呢D滴滴金之外,仲有D好大好大朵飛上天o個D~

係電視睇到一套馬來西亞o既電影,都幾有趣咁,但睇下睇下又沉沉睡著啦,因為實在太累了~

待續

前往其他台灣旅遊blog

Comments

comments

在《8-2-2009:台東第二天(Part 2)單車飛馳森林&海濱公園》中有 10 則留言

  1. 我真係好鐘意PLAN行程架
    係依個森林公園踏單車真係好舒服…空氣好清新…
    [版主回覆02/20/2009 19:11:00]replied

  2. 單車之旅很有意思,以前在台北唸書時試過由台大踩去故宫博物館,還是夜行那一種,晚上望完子夜彌撒出發,到了故宮博物院剛好天光。不過這次台東單車遊,還是生平第一次。
    [版主回覆02/20/2009 19:12:00]replied

  3. Re家姐:
    其實我都好鍾意plan行程,但有你係度o既時候,就自然會躲懶lu~ 搵一次…你o地放心交俾我吧﹗
    係呀,鍾意親親大自然﹗

  4. 「米台目」到底是甚麼來的呢?上網找找看,原來是用「在來米」製成的米粉來的。詳情可看以下介紹 老東台米台目 的網址。
     
     
    [版主回覆02/21/2009 11:20:00]replied

  5. 五車戰隊? 那你是咩色的戰士呀? 食左好多野呢, 苦瓜丸應會好好味呢! 好想食哦!
    [版主回覆02/21/2009 11:23:00]replied

  6. Re爹爹:
    哦哦~原來係咁﹗咁犀利o既,有個網網專門介紹~大有來頭呢~

  7. Re華姐:
    哦,係呀,見到你之前去過浮羅交怡丫嘛,睇下你去o左邊度玩o羅~我早兩年前都去過﹗你都可以睇下我o個次o既trip玩成點~
    馬來西亞旅遊blog

  8. Re day:
    哈哈,我唔知喎,粉紅色又要讓俾家姐喎~你話我係咩顏色好?
    苦瓜丸嘛…尋晚我都同媽咪研究過究竟點樣整~

發表迴響

你的電子郵件位址並不會被公開。 必要欄位標記為 *