一日o既行程，由早餐開始﹗

高雄間酒店o既自助早餐，房價唔貴，居然早餐都唔錯喎~中式西式都有~冇咁好o既係佢用即棄餐具o羅，唔夠環保得o黎又冇咁得體~

呢一日我o地晨早就要出發啦，因為要搭7:50am o既自強號前往台東﹗我好似都係第一次搭台灣o既火車？﹗(<–唔知係咪呢？總之近年就冇搭過啦~)

車廂都好舒服呀，都比得上日本o既JR咁舒服﹗睇睇風景，打打NDS，兩個鐘頭o既車程好快就過去lu~

望出去就係太平洋啦﹗個海有好多種唔同o既顏色呢，深藍色、灰色、湖水綠色~咦，有個寧靜o既沿海小鎮﹗我都好想住係呢D地方呀，仲要開一間民宿添~點解我唔係台灣人？

抵達台東車站，大川叔叔同埋佢o既姪仔少中已經o黎o左接我o地lu，我o地先去探望三姐(其實我o地應該叫阿姨…)，慰問一下~之後我o地去大川叔叔屋企，同佢o地一家人見面，仲有得食佢o既嫂嫂煮o既家鄉菜添﹗

等我逐味介紹一下啦﹗

首先有呢個用竹葉包o既糯米飯~就好似壽司卷咁~

切開一件件就係咁o架啦，外面黏黏o既糯米，包住裡面鹹鹹o既豬肉，味道剛好，D飯仲沾有淡淡o既竹葉味添~

冬菇炒豆腐乾，味菜呀甚麼的，o岩晒食素o既人士﹗都幾惹味o架，媽咪好鍾意食呢個﹗

有「湯王」o既稱號o既我就好鍾意呢個蘿蔔排骨湯了，我好似飲o左…三碗？﹗

自家製o既醃菜，不過我覺得辣o左D，因為入面o既葱、蒜都係生的，鮮味好夠，但就比較難入口，我始終仲係未夠大人口味…

嘩~~~~~~~刺身呀﹗仲要係好多好多好多o既吞拿魚刺身﹗超新鮮﹗超肥美﹗

煎得香香o既台灣香腸~係清淡o既家鄉菜之中o既惹味之作﹗

蘿蔔糕﹗同家姐一樣，我覺得我o地廣東人o既蘿蔔糕好食DD~因為我o地o個D質感爽D，蘿蔔味濃D，餡料多D~

呢個又係用竹葉包o既飯卷卷o黎o架~不過今次o既餡料係黑芝麻，而飯o既表面就煎一煎，改變質感~

呢款又係竹葉飯卷卷，不過用o既唔係糯米，而係小米，食到呢款時我只能夠試一啖，因為已經食到好飽好飽啦﹗

眾人都係度吃吃喝喝，高談闊論之際，我係度呼呼大睡？﹗話說大川叔叔係山地人，即是台灣o既原住民，佢o地一家人都勁鍾意飲酒，剛過世o既三姐夫生前浸o左D桂花酒，用o既base係酒精濃度好高o既高粱酒，加入屋企門前o既桂花樹o既花花o黎浸，入口好香甜，但係o個D其實係危險易醉o既烈酒﹗我唔小心就飲多o左，好在冇發酒瘟，只係乖乖的、安靜的瞓著o左…呵呵，俾人偷影o左添~

待續

前往其他台灣旅遊blog

Comments

comments