19-12-2008:宿霧市.城市篇

續…

行完D觀光景點之後,係時候行下街,睇下有冇咩買下~之前幾日主要都係玩呀玩~

呢度係全cebu(定係全菲律賓??)最古老o既街道colon street,叫做到此一遊啦,其實兩旁都係D好舊式o既商店,好舊式o既商場,入到去簡直好似番o左八十年代咁﹗賣o既o野唯一比較有趣o既係,我o地見到有D人賣D即場刻o既印章﹗唔係圖章o個D喎,而係公司印鑑之類,可惜我o地冇畫定D圖樣丫,如果唔係係o個度整一定好平﹗記得以前係置樂整過一個印仔都要七十幾蚊o架~

之前講過啦,cebu人好重視聖嬰,所以周圍都有好多賣聖嬰像o既鋪頭~

哇,咁熱鬧o既?原來係政府o既christmas party呀﹗有D舞蹈員著晒靚靚傳統衫綵排舞蹈表演呢,睇佢o地o既年紀,莫非係中學生?o個度仲有好多set好晒o既餐枱,睇o黎夜晚o既宴會會好熱鬧呢~

之後我o地去carbon market,旅遊書有介紹呢個market,但其實酒店o既staff建議我o地唔好去o架,話危險喎~我諗主要都係要小心荷包o者,比起印度,呢度恐怕安全好多了~人又唔係太接踵摩肩o者~

其實係一個好普通o既街市,有各式各樣o既乾濕貨品賣~我o地都係「window shopping」咋~

覺得好有趣﹗佢係點樣縛住D雞o架?點解隻隻都乖乖咁坐晒係度唔郁o既?﹗

仲有靚靚o既花,同香港賣o既品種好唔同呢~係香港好貴o既紅掌同埋天堂鳥,似乎係度都係好普通o既花咁?

行到咁上下都肚子餓咯,諗住行到見到咩就食個lunch先~點知…哎吔吔,點解一間似樣少少o既餐廳都冇o既?只有D快餐店同埋up up dup dup o既鋪頭~快餐店嘛,jolibee我o地又食過喇,另外有D係中式快餐,食粥食麵之類,但我o地兩個中國人o黎到冇理由食家嘛~所以…任性o既我寧願捱住餓肚子先…

直至去到另一站SM mall﹗咁就有大把選擇啦~SM mall係全宿霧最出名shopping o既地方,一個企企理理o既大商場(真係好大﹗),高檔中檔一般o既鋪頭都有,又有美食廣場呀、食肆呀咁,所以我同day都打算花成個下晝+夜晚係度逛逛~

呀,填飽肚子先算﹗我o地揀o左一間食炸雞o既鋪頭~

第一次飲鮮果shake,哇,呢杯芒果shake真係好真材實料呀﹗濃濃o既芒果味~各blog o既blog主都有推介cebu o既鮮果shake,果然冇介紹錯~

因為時間都晏晏地,我o地叫o左唔係好多o野食咋,左邊o既係炒粉絲,幾好食丫﹗day話佢屋企都會整呢度菜喎~

聖誕佳節快到,商場都預備o左D表演節目,有呢一邊o既兒童合唱團,另一邊又有成人合唱團﹗呢班小朋友真係好勁丫﹗好好聽~

SM mall係一間難得o既現代化商場…

遇到有介紹新樓盤o既攤子,heehee,我o地又好奇走埋去望望,雖然好喜歡呢D花園洋房,但都同我無緣啦,菲律賓咁遠~

又係馬槽丫﹗今次係麵包店o既馬槽﹗

夜晚我o地係呢間grill o既餐廳食dinner~

係一間裝潢靚靚o既餐廳~

又叫o左飲過番尋味o既鮮果shake﹗今次係綠芒果shake同埋菠蘿shake,個綠芒果其實係一D未熟o既芒果,但好似更有個性呢,好清新,冇咁膩~

我o地叫o左雜錦grill拼盤,有肉有海鮮咁啦,雖然係一間頗高級o既店,但似乎菲律賓人真係唔介意D食物唔夠熱咁呢,個grill都唔係太熱,儘管係新鮮整出o黎?﹗另外o既唔係蛋包飯,而係蛋包茄子﹗

臨尾仲免費送o左芒果西米杯俾我o地,乾杯﹗

小背心加聖誕樹好似唔係幾配合呢?

我o地結果都逛到商場關門先走呀~唔算買o左好多o野,不過總算係入面間大大supermarket買到大量o既芒果乾﹗仲有買o左兩件tee~家姐而家個blog o既profile pic入面件衫衫就係係SM mall買o架啦~

待續

前往其他菲律賓旅遊blog

Comments

comments

在《19-12-2008:宿霧市.城市篇》中有 6 則留言

  1. d 聖嬰真的太多了…~ 青芒shake真的好好飲!!~蛋包茄子都好好味<— 但已唔係好記得是點的味… 你得一張相是飲芒果西米杯麼?!
    [版主回覆01/19/2009 11:08:00]replied

  2. "其實係一個好普通o既街市,有各式各樣o既乾濕貨品賣~我o地都係「window shopping」咋~"
    Where is the window?
    [版主回覆01/19/2009 11:09:00]replied

  3. 宿霧的聖誕佈置,宗教氣氛比較濃,似乎燈飾不多;香港的佈置商業氣氛太籠,有時各大商場會暗中比拼哪家的聖誕樹夠巨型。不過,香港的燈飾的確很美,很有創意,給市民和外地遊客留下深刻的印象。
    [版主回覆01/19/2009 11:11:00]replied

  4. Re day:
    是呀﹗變得好商業添…成行成市~
    青芒shake香港冇得飲吧?﹗我記得個蛋包茄子的味都好中式…入面D肉碎味道好似我o地平時炒o個D餸咁…
    做咩啦?呢張有問題麼?

  5. Re家姐:
    透過我o地「靈魂之窗」睇個世界咪window shopping o羅~(死雞撐飯蓋…)

  6. Re爹爹:
    各有特色吧﹗香港o既佈置的確係為o左商業利益,好華麗,所以大家到聖誕佳節時咪會一家大細出去睇燈飾(順道購物)o羅~一家便宜兩家著~

Rita 發表迴響 取消回覆

你的電子郵件位址並不會被公開。 必要欄位標記為 *