28-5-2008:歷史的印記.台北landmark

咁耐之後先補打番呢篇blog blog,希望仲記得詳情啦~從印度開始計,離開屋企已經有六個幾七個星期,終於o黎到最後一日旅程﹗因為下晝都要搭飛機番香港,所以時間都唔多,我o地三個都o黎個台灣o既人對於行程冇乜咩特別o既執著,所以都悠閒為主~

呢間就係我o地住o既酒店啦,位於龍山寺附近,聽爹媽講呢區比較品流複雜喎,好在我o地住係度呢三日都平平安安~不過酒店本身嘛,新裝修過,所以都住得幾舒服,加上我o地係印度時住過各種奇奇怪怪o既酒店,自然覺得好滿意了~

day 3 o既行程我o地決定去一去中正紀念堂,主要係影幾張「歷史性」o既相,話晒都係因為民進黨上場所以先改o左名,唔知呢D「新名」會持續幾耐家嘛,點都要「留住這一刻」﹗

台北o既捷運都幾方便﹗我o地呢日去兩個地方純粹搭捷運就輕鬆到達啦~

歷史性o既「台灣民主紀念館」~

同埋歷史性o既「自由廣場」﹗

任務完成﹗

咦,呢個電話亭幾得意喎~咁古色古香o既?

下一站我o地去誠品旗艦店,真係好多好多有趣o既書同埋精品呀,不過$$有限,行李、屋企o既空間有限,我只係揀o左兩本,一本講壽司o既歷史,另一本係我最愛o既食譜書﹗不過…umum…番o左o黎咁耐都未落手整添~

我o地係誠品地庫o既food court食埋台灣牛肉麵先走~

誠品就正正對住101大樓,雖然冇機會上去遊覽,但都遠遠影張相啦~

既然住係龍山寺附近,點都係龍山寺門口影番張相啦﹗

我o地番酒店拎埋D行李都要出發去機場啦,我記得我o地搭機場巴士o既途中,仲開晒小dell dell咁互相交換番D相,真係唔知番到香港之後幾時會再碰面,如果唔係就唔知拖到幾時啦~

台北o既機場真係好good好good﹗記得我o地出發時係台北轉機時做過D咩嗎?上次淨係有打機、睇展覽,但臨上機先知有得免費坐按摩椅~今次要補番﹗另外仲剩番少少台幣,買杯珍珠奶茶先﹗

yeah yeah yeah~~~~~~~~~~~~番到香港lu﹗久違了o既爹媽﹗當時仲倒數緊北京奧運呢,而家已經結束o左十世lu~呢個trip真係好長好長丫﹗係印度時成日都諗住要番香港,終於俾我等到啦~但到o左而家又有少少掛住係印度o既日子呢~真係矛盾呀,anyway,呢個trip都係人生之中一次難忘o既經歷﹗

前往其他台灣旅遊blog

Comments

comments

發表迴響

你的電子郵件位址並不會被公開。 必要欄位標記為 *