26-5-2008:回到現代都市大吃大喝@台北

其實去到旅程o既尾段都好期待番香港lu~出去出得太耐啦﹗都未試過自己離開香港、離開屋企人咁長時間,之前去上海都係一個月、去brisbane o個次又同家姐一齊又只係一個月喎,都冇今次七星期咁長~

終於到o左「差不多回程」o既日子lu,at least,我o地去o左中途站台灣先~其實本身香港係有直航飛孟買o架,不過長榮經台北o既飛機又平直航少少,加上大家都想趁機會留係台灣玩三幾日,所以就坐長榮o羅~

印度難得有裝修咁新淨咁新穎o既地方…機場而家裝修緊嘛~

飛機餐o既水果令我大為感動﹗好耐冇食過幾上幾款水果lu﹗係印度食o黎食去都係食香蕉,因為又平又好食~都有食過其他水果o既~係孟買時有食過芒果、提子,都ok~但入口o既橙就真係好唔ok了,又貴又酸又乾~

去到台北lu~哇~見番好多中文字,好多我o地五個人以外o既華人,太高興lu﹗仲有,見到simon﹗

番到酒店都好似大鄉里出城﹗見到D浴室o既東東都大呼小叫,因為好耐冇見過有設備o既酒店lu~係印度,我o地住o既酒店o既級數只提供廁紙同埋番梘,有時如果你唔出聲問o既話,呢兩樣都冇添~又係好感動呀~

因為去到o既時間都晏晏地,所以我o地稍為係酒店休息一陣,夜晚只有一項活動,就係去市林夜市jap jap jap了~我o地呢三日都會三人行啦~angela當然會同simon去玩啦,stanley已經join番佢o既家族lu~剩低o既只有我、connie同埋kelvin lu~

去到市林,首先被吸引o既就係呢個…

豪大大雞扒﹗真係勁大塊﹗都唔知佢點整?邊有隻雞咁大隻o架?﹗我o地三個人share一塊都覺得太多呀~

珍珠奶茶又係勁大杯o既700cc,我同connie諗住share一杯之後再飲第二樣o野家嘛,點知都飲唔落了…後來仲食o左好多o野呀~見到枱面有蚵仔煎、花枝羮啦~見唔到o既仲有其他呀~(不過呢一刻過o左咁咁,除o左台灣香腸之外,我諗唔番仲有咩添…但我記得食o左好多o野o架喎…)

哈哈,之後再去做D無謂o野…結果…當然係…失敗o羅~你睇我幾肉緊﹗

最後再試一試stanley極力推介o既雪花冰﹗軟綿綿的果然幾好食~不過我o地最初時好慳儉地唔食咁多芒果,結果最尾時太甜添﹗

再逛多陣街,番去時都晏晏地lu~第二朝又有好地方去啦~

待續

前往其他台灣旅遊blog

Comments

comments

在《26-5-2008:回到現代都市大吃大喝@台北》中有 3 則留言

  1. 事在人為者…
    問題係:
    你地三個人SHARE一塊都話多…但係除左爹D之外…媽咪同大姨都係唔食雞的…
    [版主回覆10/18/2008 16:32:00]replied

發表迴響

你的電子郵件位址並不會被公開。 必要欄位標記為 *