23-5-2008:喝一口恒河水?﹗

今朝天未光就要起身啦﹗因為又要搭火車o羅~我o地要去最後一站—-varanasi,即是遊覽恒河o既地方﹗雖然係sleeper class,但都幾好?喎~上車繼續瞓,瞓到八點幾先起身,咁就精神飽滿啦﹗

其實今次o黎o左印度,好大原因係我睇完一本書之後,遊說我D同學仔一齊o黎~之前係書展買o左本由一位香港女記者去印度做半年義工+遊玩o既書,叫做「喝一口恒河水」,睇完之後印象好深刻,對印度獨特o既文化好有興趣,所以就o黎o左了﹗我o地今日終於「點題」啦,o黎到睇恒河o既varanasi了﹗

首先番酒店check-in放低行李先,呢間酒店之前上網訂,係成個trip咁耐最貴o既一間,所以大家都對間酒店抱有期望~果然不負所望,外型好靚、裡面都好新正,房間o既 details都冇明顯o既敗筆之處﹗很好~不過…今晚沖涼時都係發生o左意外…我o地叫o左room service午餐,之後就出發啦~

第一站去「貝拿勒斯印度大學(benares hindu university)」,呢度係印度教o既大學,有差不多一百年o既歷史lu~我o地淨係知道o個度有個美術館好值得去,不過一早就知道我o地下晝去時已經關門,anyways,去o左o個度先算啦﹗

成個校園都好多樹木,有少少似孟買大學附近咁~而所有建築物都用同一款style、同一款色系,可以話佢和諧,又可以話佢冇特色…

既然唔知點逛好,就靠住朝住兩個地標進發,即是美術館同埋shiva temple,沿途欣賞景色啦~去到美術館,冇錯,冇開門,唉,影張到此一遊相啦~

另一個大學入面o既景點就係呢間shiva temple啦,係印度教寺廟,令人欣喜o既係,外面停泊o左好多o架人力車同埋auto rickshaw呀﹗即是陣間走時唔駛行番原路,哈哈﹗(<–竟然係開心呢樣﹗)呢間廟外型有少少似bodhigaya o既大菩提寺喎~又係有個高高o既塔~

吓?居然可以有D咁o既告示?﹗真係好有禮貌喎~不過又唔客氣咁問人拎錢o羅~

入到去都係一間普通o既印度教廟o者~唔係特別華麗,不過善信都幾多~

下一站我o地去「黃金寺院(golden temple)」,但係…一張相都冇﹗因為我o地唔成功入去呀﹗寺院o既入口係一條橫街窄巷入面,然後四處都係軍警﹗話說呢度附近有間清真寺,怕會有人入o黎呢間印度廟搗亂,所以保安好嚴密﹗保安嚴密o既結果係咩呢?就係入去要大排長龍~老遠就見到有兩條隊,一條男人,一條女人,哎吔,天黑都未入到去啦~旅遊書話非印度教o既遊人都只能夠係外圍觀看,入唔到廟,所以我o地一致決定唔入去了﹗直接過去恒河啦~

噢,第一眼見到恒河﹗

恒河沿岸有好多河壇(ghat),即是人們從事各種東東o既地方,我o地係dasashwamedh ghat進入河邊範圍,旅遊書話呢個係其中一個最熱鬧o既ghat喎~熱鬧in the way…好多人向我o地兜售postcard、紀念品、祭祀物品、祈福用o既鮮花蠟燭…印象好深刻o既係,有一個少女同我o地講o左好多日文去推銷佢o既貨品,唔係好似其他印度人咁淨係識得講「konichiwa」(<–係咪咁拼呢?),仲有好多其他o野,佢一定好沾沾自己識咁多日文了,但係我就聽到更加唔耐煩,究竟你知唔知道自己由頭到尾都搞錯o左呢?錯晒呀﹗唔清楚對象係咩人就唔好賣弄日文啦﹗我寧願佢亂咁試好過﹗總之有D不爽﹗雖然,印度o既日本遊客的確好多,但都唔好睇小我o地中國人先得o架﹗

我o地沿住河邊向上游行,沿途見到呢D神像壁畫,可想而知恒河對印度人o黎講有多一份神聖意味了~我o地行到去manikarnika ghat,即是D人舉行火葬o既地方,未行到時就聞到陣陣燃燒o既味道,見到白煙飄上天~依照旅遊書o既告誡,我o地只係遠遠咁睇咋,見到有人用擔架抬住個body行去河邊,但後來佢o地有咩儀式就見唔到lu~

番去最初o個個ghat,我o地要觀看夜晚七點鐘o既祭祀儀式~簡直好似開show咁呀,每晚七點鐘恭候﹗

呢罐pepsi值幾多錢??平時賣Rs25,不過今晚係Rs50﹗因為連埋「VIP席」o既入場券啦~呢D祭祀儀式嘛,一般人其實可以企係河邊觀看,不過要有個好D o既view,又想坐的話,有D「露台座」可供選擇﹗俾Rs50買任何一款飲品就可以坐了~吓?好似唔係幾神聖咁了…乜都可以賺錢﹗

開「show」了﹗有七八個著住橙色「制服」o既小伙子負責儀式~有「live band」伴奏,其實即是有一個人彈風琴,一個人打鼓、唱歌,一D音調冇乜變化o既樂曲,應該係D宗教性o既頌經吧?其間,有呢D橙色小伙子,企係/跪係一人一張墊子,用各式各樣唔同o既「道具」,向住四面舉下舉下,進行祭祀~

仲會點火添o架~見唔見到一條條柱子綁住D鈴,係可以俾「現場觀眾」參與o既部份,有D坐係地下o既人可以伴住音樂o黎拉D噹噹~唔知呢D「人選」有冇特別要求o既呢?

儀式大概進行大半個鐘,睇完之後我o地都要番去啦~其實已經入黑了﹗auto rickshaw D價錢越夜就會越貴o羅~第二朝又係超早起身﹗我o地呢個trip都幾harsh o架~

前往其他印度旅遊blog

Comments

comments

在《23-5-2008:喝一口恒河水?﹗》中有 6 則留言

  1. 0個個祭祀儀式係咪晚晚都有架?? 好熱鬧咁喎
    d 印度人係咪真係會走去飲0個d 恆河水架? 你地肯定唔會飲架啦, 咁你地有冇掂吓d水呀?
    [版主回覆06/13/2008 23:33:00]replied

  2. Re uHnsUi:
    係呀,晚晚都有o架,簡直好似開show咁,搞到有少少commercial o羅~都幾熱鬧o架,好多「觀眾」﹗
    我有用手指掂下﹗heehee~我又唔知佢o地會唔會飲喎,同埋,究竟D水喉水係咪o黎自恒河?如果係的話我o地可能都有飲,唔飲生水嘛,D水都會用o黎煮食o架,係餐廳一樣食到﹗唔知呢?

  3. 晚晚都會做真的太誇張了吧… 為了遊客才做吧.. 事實上你因"喝一口恆河水"這書才想去印度的麼?!?!
    [版主回覆07/05/2008 00:34:00]replied

  4. Re day:
    我諗遊客都係一個大因素吧﹗因為恒河都吸引到好多遊客去參觀o架~勁多人同你兜售各種貨品o羅~遊客=$$嘛~
    都係o架,原本都冇諗住o既,睇o左本書覺得好有趣o羅~不過唔知幾時開始,忽然間香港人又好流行去印度旅行了~我去之前D旅遊書好少,番到o黎之後唔知點解出o左勁多本遊記、旅遊書o羅~

David 發表迴響 取消回覆

你的電子郵件位址並不會被公開。 必要欄位標記為 *