22-5-2008:菩提加耶.佛祖頓悟之地

講埋尋晚o既火車先啦,食完下午茶之後,大概八點鐘又serve晚餐了,豐富過長榮航空o既飛機餐呀~有蕃茄湯配脆脆麵包條、蕃茄青瓜沙律、綠豆咖喱汁(叫做dal,係印度人非常普遍o既食物)、咖喱雞(唔算孤寒o架,我o個份都有雞搥+雞翼)、白飯、兩塊烤餅、乳酪(叫做curd,味道似乳酪,質感似豆腐花,我o地幾個人之中只有我覺得好好味…),最後仲有wall’s o既雲尼拿雪糕添﹗好滿足+好飽呀﹗我都食剩o左一塊餅…

食飽飽之後,睇埋本「p.s. I love you」o既結局,我o地就準備?覺lu~AC class除o左有「火車餐」之外,仲有床單、枕頭、毛氈,實在非常體貼﹗果然?得好好多啊(雖然?對面o個個人鼻鼾勁大聲﹗)~

我o地四點幾鐘爬起床,執拾超級多o既行李,準備就緒落車,點知去到門口先有人話我o地知架車delay了﹗要八九點先會去到gaya,??﹗sure唔sure?我o地再問,結果都一樣,噢,咁呀,番上床繼續?,?到七點幾再算啦~後來知道delay得更嚴重,聽講係電力供應o既問題…最終我o地差唔多十二點先去到gaya,足足delay o左七個鐘呀﹗延誤行程?其實對我o地o黎講反而係好事~因為我o地去gaya主要去bodhigaya(菩提加耶),其實兩三個鐘就乜都行晒,而家遲少少先到,可以?足D,精神D,仲賺o左餐早餐添﹗

落車去酒店先,哇,近成咁?就係火車站正正對面,一步出火車站就見到個招牌了,無論入面質素如何,位置肯定滿分﹗我o地食埋lunch就出發啦~原來…原來gaya又係另一個「烏蠅之城」…食飯時要撥撥撥﹗好麻煩呀~

坐auto rickshaw去bodhigaya,先去參觀maha bodhi temple(大菩提寺)~

寺o既正門,影下招牌先~

尖尖o既寺廟~

有好多有一千幾年歷史o既雕刻柱呢~

除o左有尖尖頂o既寺廟之外,最重要o既就係入面o個棵菩提樹了,話說佛祖就係o個度頓悟o架喇﹗雖然當時o個棵樹已經死o左,而家呢棵係重新栽種,但都有好多好多人o黎呢度~而且街上仲有好多人賣「菩提樹葉」呢~雖然唔sure究竟係咪真係「o個一棵」跌落o黎o既~哈,因為附近都有其他菩提樹…

之後我o地去archaeological museum(考古博物館),其實係一個好細小o既museum,入場費只收Rs2(~HK$0.4),好快行完,入面展示o左係大菩提寺挖掘出o黎o既重要文物,其中有D柱嘛,我o地係寺o個度見到o既係仿製品,真o既放係呢度~

係bodhigaya除o左有以上兩個地方之外,仲有好多以唔同國家命名o既佛寺,好似中國寺、日本寺(影出o黎o個張相好似有好多印度遊客去o左日本咁﹗)、泰國寺…等等﹗座座o既建築都好有特色,不過我o地行到去要除鞋o既位置就停啦,費事有「不愉快經歷」啦~好多時放低鞋之後,出o黎就會有人問你拎錢…好討厭~另外又有一尊大石佛,都幾宏偉,周圍環境都好清幽~

行入其中一間廟時有一隻對我超熱情o既狗狗﹗又舔我對腳,又咬我條褲,好不容易先叫到佢走呢~

日本寺,似唔似好多印度人去日本旅遊呀?

仲有大佛~都幾宏偉o架~

行到呢度就差不多啦,我o地截番架auto rickshaw番o黎gaya o既酒店休息lu~今晚真係要早D瞓,因為聽朝搭五點幾鐘o既火車去varanasi呀﹗即是未天光就要出門口啦,好在酒店地點就腳o者﹗varanasi即是去遊覽恒河o既地方~好重要啊﹗壓軸好戲﹗

其實gaya呢間酒店又發生o左不愉快經歷,不過過o左道氣又講唔到了,有興趣下次再講~

待續

前往其他印度旅遊blog

Comments

comments

在《22-5-2008:菩提加耶.佛祖頓悟之地》中有 4 則留言

  1. "日本寺,似唔似好多印度人去日本旅遊呀?"
    嘩﹗真係好多印度人呀…←傻瓜…印度梗係多印度人喇…
    [版主回覆06/13/2008 23:25:00]replied

  2. 你地坐頭等火車呀, 個餐咁豐富既??
    0個d 一千幾年歷史o既雕刻柱又保存得幾好喎, d 花紋顏色仲咁明顯.
    你地有咁多除鞋不愉快經歷, 其實你地0個陣有冇諗過將對鞋放入膠袋, 拎埋入去廟度呢? 咁咪唔怕唔見左對鞋或者俾人問你地拎錢囉
    [版主回覆06/13/2008 23:26:00]replied

  3. Re uHnsUi:
    唔係頭等呀,只係冷氣車卡之中最低級o個種咋~但高一等o既食物都係一樣~我諗頭等就應該更勁了﹗
    我發現我講錯o左…放係寺入面o個D係仿製品,真o個D係考古博物館入面~不過呢,都的確保存得唔錯﹗但o個度就唔影得相啦~
    佢o地唔俾o架,除非直情放入背包啦~我o地後來都冇乜呢D遭遇lu~因為特登將對鞋放到老遠﹗哈~

發表迴響

你的電子郵件位址並不會被公開。 必要欄位標記為 *